2015年9月3日 星期四

Day 1.1 @ 大阪到着、大阪くらしの今昔館

2015年07月11日 / 星期六 (第一天) 利用OSAKA海遊きっぷ (大阪市內)
07:31~08:09 | 特急ラピートβ22号)| 関西空港 → 難波  1,130円 / 570円
09:11~09:12 | 大阪市営千日前線 | なんば → 日本橋 260円 /130円
09:17~09:27 | 大阪市営堺筋線  | 日本橋 → 天神橋筋六丁目
13:12~13:18 | 大阪市営堺筋線  | 天神橋筋六丁目  → 堺筋本町 280円 / 140円
13:26~13:38 | 大阪市営中央線  | 堺筋本町 → 大阪港
16:11~16:22 | 大阪市営中央線  | 大阪港  → 本町 280円/ 140円
16:27~16:30 | 大阪市営御堂筋線  | 本町 →  なんば
海遊館入場劵 | 大人 2,300円 / 小童 1,200円

(交通收費及詳細資料請往交通篇)
酒店:クロスホテル大阪 (Cross HoteOsaka)

又再一次凌晨機,為的當然係貪圖玩多一日,放工後回家沖個涼、食個飯、抖一陣十點半就出門口。十二點半已經完成所有手續到達候機室嘞!

航班準時1:45起航,飛機尚未離開跑道,我已經進入夢鄉。一直瞓到空姐派餐時才醒,怱怱食咗哩個簡單嘅宵夜又繼續我嘅夢。


航班6:00到達関西空港。

擔心好似上次東京成田機場凌晨機都好多人過關,我哋三人加快步伐到達入境處,慶幸人不算多,十多人已經輪到我哋,攞埋行李都只不過係六點半多。旅遊中心尚未營業。

由於我需要喺旅遊中心購買兩個交通套票,而中心七點後先開始營業,唯有喺中心旁邊略為休息。




中心準時七點開門,套票順利購買後就到二樓乘搭南海電鉄到難波。


一心諗住係總駅落車唔會有任何問題,所以一上車大家都好安心咁恰一恰,點知到我張開眼睛時,列車已經停喺難波總駅嘅月台,四周圍除咗我重有兩個仍然熟睡中嘅表妹同佢囝囝外,已經空無一人。

拿拿聲叫醒佢哋,但好似叫唔醒,要推幾吓先有反應,證明大家都真係好攰啊!

工作人員已經開始清潔緊車廂,我哋都不敢怠慢,快快離開車廂,怱忙下我連車票都跌咗,好彩清潔員工追上嚟比返我,如果唔係我都唔知點出閘。咁多次出門,哩次最論盡。

出咗難波車駅,面對一個唔陌生嘅地方,無難度咁順利去到哩幾日要住嘅十字酒店 – Cross Hotel。

酒店就喺心齋橋固力果招牌旁,地點超方便。

我哋第一個行程係去大阪今昔館,哩一日係星期六,預計到好多人,其實平日去比較好,但星期一買咗環球影城入場劵,星期二今昔館又休館,星期三我哋就走嘞!所以無得揀情況下就編做我哋第一個行程。


坐地鉄都只係半個鐘就到,今昔館要十點先開館,所以我哋隨意喺地面嘅商店街閒逛咗一陣。

十點先慢條斯理坐電梯到十樓今昔館,一出電梯就知後悔啦!人多到喺電梯大堂打晒蛇餅,我哋先喺接待處旁嘅售賣機購買入場劵,大人600円,小朋友未滿11歲免費。買票後就排隊入場。

大阪くらしの今昔館 (文章來自:U Travel)
館內的建築物和街道模型重現了大阪人過去的生活。館內收藏的一座保留下來的城市模型是日本唯一一座保留下來的城市模型。此外,館內六座微縮模型也展示著從明治維新到近代的大阪城轉變。重建的街道重現昔日大阪老街風情,讓遊客體驗大阪的發展歷程。

入場後先往浴衣體驗處排隊購票(200円/人)及取輪侯編號,長長嘅人龍,取得號碼後查一下等待時候為一個多小時。


先往館內嘅其他地方走走。










其實館內地方不大,人實在多,加上凌晨機令大家都開始有倦意,所以行咗一陣就搵個位置坐底好好咁休息一下,直至輪候編號到。

首先工作人員每人先派一對襪,著好襪會比一對人字拖,跟住再坐底等待工作人員安排揀選喜歡浴衣及幫助穿上。雖然人多,但效率相當快。

由於只係將浴衣套上,建議裡面唔好著太高嘅領,大長嘅衫袖同褲腳,因為突咗出嚟唔好睇。

好快就變好身,揀返個靚手袋先。

場內亦有工作人員幫忙影相。浴衣體驗為時半個鐘。


影夠相後再到下一層嘅生活博物館睇睇,裡面放咗好多以前日本生活嘅模型同埋一啲昔日嘅家具電器。



感覺上無咩太特別,而且不經不覺已經到午飯時間,都差唔多時間離開,所以決定食咗晏就先再去下一個景點。

喺商店街見到間担担麵店有幾個本地人排隊,裡面亦坐滿日本人,應該都唔會太差,所以就入揀佢啦!






4 則留言:

  1. 飛髮鋪入邊個細路公仔好嚇人....

    對我來講,凌晨機後惟一可以谷血上腦只有去outlet。

    回覆刪除
    回覆
    1. 哈..哈!! 有同感, 不過啲公仔神態做得幾真。
      無辦法,唯有凌晨機係好似覺得抵啲,挨眼瞓都要。

      刪除
  2. Wow ~ 在列車訓到唔知醒 , 真係咁都得 . XD
    你地好犀利呀 , 大阪熟晒路 , 電鐵又得Pass又得 , 佩服 .

    回覆刪除
    回覆
    1. 係囉!我未試過咁失禮,可能環境唔陌生,太過放心,所以鬆懈咗,比自己瞓得太冧啦!
      唉!你而家自駕唔使研究啲套票啫!否則你勁過我呀! :)

      刪除