2008年7月27日 星期日

巴黎、瑞士之夢想自遊行(第十一天)

07/07/2008(星期一)   勞特布魯尼(Lauterbrunnen) → 伯恩(Bern)


今朝六點幾七點起身,廚房照樣八點後先可以開火,咁我又出私家煲啦!B女煎哩個煙肉蛋三文治比我哋做晏就嫁!




我份早餐好豐富呀!



今日我哋要去瑞士首都伯恩。


伯恩是保存完好的中世紀古城,建築物以沙岩為外牆。 伯恩以噴泉、拱廊和鐘樓聞名於世。









十點幾就到咗步,出咗車站行咗陣先搵到鐘塔,啱十一點開始報時啦!



 







 


噴泉本來是早期的自來水供水設施,但是由於無法供應到一般家庭,所以在住家附近興建儲水池,方便取用,再加上裝飾,成為特色,例如著名的正義女神噴泉、熊噴泉、士兵噴泉、摩西噴泉、參森噴泉及食人鬼噴泉等,大部分都以聖經故事或警世用途為主。







啲舖頭好得意呀!開喺地牢,如果姍埋門都睇唔到個門口呀!


之後就跟住熊苑方向行,途經阿雷河,熊係伯恩嘅吉祥物,處處都可以見到「熊」踨。





睇完熊仔我哋就上熊苑隔離嘅玫瑰公園。







嘩!裡面好大好靚,真係有好多玫瑰花,而且哩到可以望到晒個伯恩市啊!全部都同一隻色嘅屋頂好整齊啊



哩到影咗好多相啊!跟住就行去大教堂!尖頂嗰座呀


伯恩大教堂建於1421年,於1893年完工,尖塔高達100米,係瑞士最高的歌德式教堂。


門前有234尊小雕像,以真實、詼諧兼具嘅手法表出被神挑選上天堂以及落地獄嘅人。





 

左手邊係天堂, 右手邊係地獄。






裡面啲玻璃窗好鬼靚啊!





然後我哋就慢慢咁沿住拱門街一邊行街一邊行返去車站啦!


B女叫住要食雪糕呀!我重買咗我嘅至愛做high tea添!





三點半返到Interlaken West,諗住去遊湖,但check咗船期發覺我哋蠢咗添!最短嗰程都要坐個幾鐘,重要四點八先有船!然後去到Spiez要等個幾鐘先有回程船返,如果頭先我哋喺伯恩返嚟就喺Spiez落車轉坐船返就唔使走回頭路啦


而家唯有check定由Spiez返去嘅火車係幾點開,counter 小姐話我哋會6:05喺碼頭上船,但由碼頭去火車站要20分鐘,咁應該搭6:32個班車就最啱嘞!於是就咁決定啦!


見有啲時間就係咁意行吓Interlaken西站啦!人哋話哩邊多嘢賣啲同平啲!但我哋都冇咩時間行啊!




夠鐘上船啦!有Swiss pass唔使比錢







到啦上岸啦!嘩!由碼頭去車站原來要上好長好長嘅斜路嫁!雖然趕時間但有個城堡同觀光車都要影吓先!




終於順利咁喺15分鐘內跑由山腳跑到上山頂個車站,喺香港我一定唔得!


去到車站班車竟然delay喎!今次已經唔係第一次delay嫁啦!之前由Zermatt去Interlaken啲火車都試過delay,又話瑞士火車好準時



好彩去到Interlaken Ost轉車時,去Lauterbrunnen班車亦配合返我我delay咗開,如果唔係又要等一個鐘呀!所以今日七點半就可以返到去啦!



返到去啲舖頭又係close晒!重成日話想試吓對面間凍肉舖啲烤香腸添!日日都一係咪開一係姍咗!


返到去又係B女時間,話咁快沖個涼出嚟又食得嘞!




對住咁靚嘅景食嘢就寧舍開胃



今晚係我哋喺哩到最後一晚!又要拾嘢準備離開啦!


: 蛋糕: CHF2.90 x 2


    士多啤利撻: CHF2.80


    雪糕: (1球) CHF4.00 x 2


          (2球) CHF7.00


手信: CHF119.40


: CHF90 (CHF30.00 x 3)


 

 


5 則留言:

  1. 好緊張, 到底妳地幫唔幫襯到間凍肉鋪呢? 佢到d野好正架!
    [版主回覆07/27/2008 13:34:00]唔得呀!日日都早出晚歸,我根本冇機會見到佢開舖.

    回覆刪除
  2. 我試過德國火車唔準, 瑞士火車就好準吓......
    [版主回覆08/01/2008 21:22:00]但我試過幾次delay啊!

    回覆刪除
  3. 你成日用嘅電爐會係邊度買呢?好實用呀! 我都有打算買個去旅行用!希望唔好太貴啦!
    [版主回覆03/12/2009 07:33:00]好多年前喺日本買咖! 五百蚊到啦!  佢真係幾方便咖, 所有配件可以全部放返入個煲裡面, 所以唔會大嚿咖!

    回覆刪除
  4. hello, 請問個廚房0800先用得, 咁0800前有冇熱水供應 ? 整個杯麵得唔得呢? 咁夜晚又幾點關呀 ?謝謝 (仲有7日就輛到我去啦...好緊張呀! )
    [版主回覆06/17/2009 09:08:00]我好似唔見有熱水供應, 因為佢哋啲水喉水係入得咖! 所以啲人通常都係就咁喺水喉開熱水用啊!   夜晚冇話幾點關咖喎! 屋主點咗個火, 用啲人一直唔關總制都可以用, 但我最夜都係九點幾用, 所以唔清楚最夜係會至到幾點啊!
    玩得開心啲! 影多啲靚相返嚟啊!

    回覆刪除
  5. thanks ar ....i'm so exciting now ^__^

    回覆刪除