2009年8月4日 星期二

北海道仲夏賞花の旅 (第一日)

26/07/2009  雨天

  香港 à 札幌 à 富良野


由於前兩日已經得知今日前往札幌嘅航班超賣得好緊要,雖然我哋已經上網劃咗位,但都係決定早啲出門口,所以七點鐘已經到咗機場嘞!



睇睇指示板先,我哋班機冇問題如期起飛,但係見到鹿兒島班機取消咗啊!我諗係因為嗰邊有水災啊!



飛機9:30就順利起飛啦!



好一般嘅飛機餐



食飽飽睇咗套遊龍戲鳯就差唔多落機啦!



預計3:30到埗,但航班就比預期早咗半個鐘到埗,我哋3:15就可以離開機倉啦!



因為H1N1,所以過關前要做撿疫,好彩我哋行得早,所以好快就做完撿疫同埋入境手續啦!



3:45已經攞埋行李開始正式踏上我哋嘅旅途啦!




首先跟住指示先去JR Counterpass同埋訂車票。





攞返張飛仔先!



哩到有識講國語同埋英文嘅職員咖!不過今日識講國語個職員放假呀!



好快就搞掂晒嘞!我哋就去搭5:19開出嘅列車。




首先由新千歲機場去到滝川




然後再喺滝川轉車去富良野



滝川係一個好出名盛產向日葵嘅哋方,本來我都有安排嚟哩到咖!但係時間關係,最後都係放棄咗啦!


哩到班車只得一個車箱






我哋買咗富良野‧美瑛四天周遊劵,佢包一程來回札幌至富良野車程,同埋四天內無限次往來滝川至富良野



如果唔係用pass就要攞整理劵




真係好準呀!8:12就到咗富良野啦!



富良野車站




酒店就係車站旁邊,所以好方便啊!(相片喺第二朝影嘅)



Check in咗之後,放底咗行李之後就即刻去搵食嘞!今日我哋嘅目標係


くまばら(熊啄木鳥) http://www.furano.ne.jp/kumagera/tennai/tennai.html





一入嚟都聽到好多廣東話啊!



哩個係哩間舖頭嘅人氣之選,最初我都冇諗住食佢,因為唔係好接受到生嘅牛肉,但睇咗好多人嘅評價對佢都係讚不絶口,所以既然一場嚟到就即管一試,嘩!一試之吓就不得了啦!原來真係好好食呀!




哩個鐵板和牛又係好好味呀!



最後係男爵薯仔,好香好鬆化嘅好味薯仔啊!



食飽飽就返酒店沖涼瞓覺啦


 


今日使費:


車資: 新千歲機場 à 札幌: ¥1,040 x 3 = ¥3,120


          新千歲機場 à 滝川 指定席: ¥710 x 3 = ¥2,130


          富良‧美瑛四天周遊劵 - ¥5,400 x 3 = ¥16,200


晚餐: ¥6,680


住宿: ¥25,500


11 則留言:

  1. Shirley :         嘩 ~ 有冇攪錯 , 09:40 班機 , 09:30 就起飛 ? 咁準時有突    上次我都要 10:25 先至起到飛 , (去到仲要因為大雪而兜圈)晒D時間 ,     Wow ~ 勾起晒我D思日情緒添 ,    真係有排等咯 , 不過話時話 , 我最忌旅遊時聽到廣東話及見到香港人 , 最好就連飛機果程都坐私人飛機 . 
    Bye Bye !
    [版主回覆08/04/2009 20:48:00]我都好意外會早飛啊! 我去埋哩次日本都會有排都唔去住啊!
    我哋要去嘅都係旅遊熱點, 所以難免會遇到香港人咖啦!

    回覆刪除
  2. 多謝你的意見,我下個星期就去北海道,會留意你個blog嘅遊記!
    [版主回覆08/04/2009 22:30:00]唔使客氣, 最緊要玩得開心啊!

    回覆刪除
  3.  Thanks the report wor! so quick!
    [版主回覆08/05/2009 08:29:00]因為第一日冇咩相吖嘛! 跟住嗰啲就會慢好多咖啦!  

    回覆刪除
  4. 原來你已經出咗咁多post喇! 要快D睇先得!
    生牛肉我都食過, 但真係唔覺好味, 你食呢個係咪醃咗o架?
    [版主回覆08/06/2009 14:22:00]唔使急喎! 慢慢嚟, 如果唔係我打唔切呀!   哩個生牛肉飯啲牛肉係冇醃過咖! 佢就咁切出嚟咖咋! 但就好鮮味啊!

    回覆刪除
  5. 我地去函館都係響果度買火車飛~~
    [版主回覆08/09/2009 12:30:00]係呀! 嗰到可以訂晒你要嘅車票咖!

    回覆刪除
  6. 行到邊都聽到廣東話
    [版主回覆08/12/2009 07:45:00]因為大家都係去啲熱門地方嘛!

    回覆刪除
  7. 想問富良野四天周遊卷, 只係包一次返札幌?  唔係包來回?
    [版主回覆08/28/2009 12:45:00]四天周遊卷係包一次來回札幌咖! 但就唔係指定席囉! 所以我加咗710円由機場去滝川坐指定席啊! 如果係坐自由席就比5,400円就可以嘞!

    回覆刪除
  8. 唔該哂! 係咪機場出札幌最好都加指定席呢? 因為試過冇位坐!
     
    [版主回覆08/28/2009 13:37:00]我由札幌出機場嗰日就冇買指定席啊! 因為都只係半個鐘,早少少去月台等車都可以有位坐
    但如果你意思係由機場直去富良野而機場至札幌嗰節的話, 其實就可以考慮坐指定席囉!因為無論長短佢都係收多710円, 長途就加好啲, 但只係機場去札幌我個人認為就好似真係唔需要囉! 15分鐘1班車,哩班冇位咪等下班囉!

    回覆刪除
  9. 咁你即係冇買北海道PASS, 邊個花田會留多些時間? 因為我係富良野得3日, 驚去唔哂!
    [版主回覆08/28/2009 18:48:00]我冇買北海道PASS啊! 因為我只係去富良野美瑛同札幌,跟本唔需要用北海道PASS, 富良 野 ‧美瑛四天周遊劵已經好夠啦!
    至於花田要用幾多時間真係好睇個人, 如果你每一個都係到此一遊,你一日可以去四,五個都得, 但你每到都要停留慢慢研究就要長時間啲囉! 我哋每日去三個, 有啲停耐啲,最長係富田,四個鐘, 最短係四季彩之丘,因為係join bus tour,所以只係留咗半個鐘, 所以你自己選啲想去嘅,每日重點去幾個, 重有我哋除咗花田係冇去其他啲展館 (e.g.芝士工房, 葡萄酒工房...),如果你要去埋哩啲地方就要自己預吓啲時間啦! 當然自駕遊就除外啦! 我只係靠我對11號咋!

    回覆刪除
  10. 我都係去呢兩個地方, 現家都係度plan的行程, 所以問下你D意見!我想去埋芝士公房同酒廠, 所以都幾煩.
    [版主回覆08/30/2009 12:19:00]如果你唔係自己揸車, 咁你就要check住啲火車同巴士時間表啦! 因為走咗一班車要等好耐, 同埋好似芝士工房咁, 隔個幾兩個鐘先一班車, 咁即係你要留喺嗰個地方起碼個幾鐘, 如果夾唔啱時間又唔想等, 咁你就唯有call的士,但又時都唔係你想搭就有得搭啊!
    你可以考慮吓參加Twinkle Bus Tour, 佢有去你講嗰啲地方咖! 不過好似九月同十月份只會喺星期六,日先行使, 但確實情況就要去JR個website到check吓吧!

    回覆刪除
  11. 你去富田坐最早班車, 係咪中富良野駅?
    [版主回覆09/09/2009 08:57:00]係呀! 我喺中富良野駅落去然後行過去, 大約行咗九個字啦! 不過我哋嘅步伐係龜速呀!

    回覆刪除