31/07/2009 晴天
(Part 2)
食完就繼續行街
今日個天好藍呀！
今次六花亭做唔到我一毫子嘅生意呀！
嚟到堺町通嘅盡頭就係好出名嘅小樽オルゴール堂本館
嚟到啱啱三點呀！個古老鐘會咕~咕~叫同埋噴出蒸汽咖！
哩啲壽司音樂盒幾真呀！但一啲都唔平啊！
之前諗住嚟哩到會大出血咖！但今次重臨哩個音樂館，熱情度真係大大減退，以前佢哋係標榜啲音樂盒係佢哋做，所以貴得有價值，但係而家攞上手八成都係made in China，而且啲款式真係唔靚唔吸引！最後係冇收穫呀！
懷住少少失望嘅心情過去 LeTAO Tea 一 Tea先！
喺 LeTAO 頂樓望落嚟嘅靚影呀！
Tea Set : ￥903 朱古力蛋糕 & 咖啡
Tea Set : ￥819 士多啤利蛋糕 & 凍咖啡
Tea Set : ￥819 芝士蛋糕 & 咖啡 (好好味呀！)
隻咪咪同我哋 say Hi 呀！
而家喺到開咗間Hello Kitty專門店，上次嚟冇咖！不過冇咩興趣所以冇入去啊！
本來諗住喺到食返幾隻燒帶子咖！但太飽真係食唔落，早知多喜二唔好食就喺到食晏重好啦！
但佢啲海膽真係好吸引，分別係￥780同￥580一隻，我哋重研究緊有啲咩分別時，佢就話￥1,000兩個，咁就唔使諗啦！即刻比錢啦！
兩個唔同品種，兩個都好好味呀！學啲節目主持講 - 真係好鮮呀！
食飽就慢慢行返去起步點 - 小樽都通，因為都係嗰到啲嘢啱買啲啊！
哩條都係小樽運河嘅支流嚟咖！不過就比人冷落咗啊！
喺小樽都通逗留咗成兩個鐘，B女買咗幾件衫同一對made in Japan嘅涼鞋，佢鬼咁開心啊！我喺藥房都入咗好多貨呀！
大家敗家完一輪後又行返去小樽運河等天黑影夜景。未見天黑又行一陣，入去海鳴樓睇吓先！
我覺得哩到啲嘢靚好多啊！
隻豬仔幾得意！
好cute呀！
啲風鈴好靚啊！
哩個已經收歸我有啦！
買完嘢出嚟個天都差唔多黑啦！運河旁已經好多人set晒腳架準備啦！我哋都嗱嗱淋過去搵返個靚位影相先！ Set好部機先！望吓左右，人家啲全部係專業靚相機，我哋部傻瓜機好似.....！真係失禮晒呀！ 唔理啦....影啦！但係禁嚟禁去，搞咗好耐，唔係黑得制就係光得制，其實我唔係好識用部機影夜影咖！每次都係我另一個旅遊同伴LH幫我校部機，今次冇咗佢喺到真係搞唔掂呀！
足足搞咗九個字，只有一兩張好免強叫做接受呀！
跟住我哋就回程啦！首先就返酒店上網喺國泰做咗48小時前check in先，因為回程班機都係勁超賣，出發時喺機場國泰職員都冇辦法同我哋劃定位，而大笨蛋只係攞咗八日假一返到去要返工，所以唔想有任何delay，於是就check in咗先。
搞掂咗就去食飯，本來plan咗去薄野食鐵板牛，但大家都其實倦到唔識行咁制，最後決定去對面食拉麵算嘞！
就因為係對面咁近，我連地圖都冇帶落街