30/07/2009 晴天
(Part 2)
我哋跟住去返頭先個站ロープウェイ入口 繼續搭去すすきの，即係薄野
搭咗幾個字就可以落車啦，哩到應該好多都識得啦！
我哋晏就去かに將軍食蟹呀！其實我同大笨蛋喺大阪都食過咖啦！而且覺得都係一般，但B女未試過，點都要同佢嚟食吓嘅！
かに將軍: http://www.kani-syougun.com/ 
我哋叫咗兩個會席呀！平日晏就食會比夜晚食平啲咖！不過哩啲特價餐係至到三點咋！我哋落order時係兩點十個字，哈...哈！趕得切呀！
蟹肉蒸蛋 - 好滑
蟹腳刺身 - OK啦
啖啖肉嘅蟹腳
芝士焗蟹蓋
天婦羅
蟹煱
其實兩個set啲嘢都差唔多
哩個蟹粥好好味呀！
檸檬雪杷
食飽飽又要去做啲運動消化吓啦！ 行過條街就係二条市場啦！
由於已經係下就，所以好多海鮮檔都收咗，剩返啲手信店同海味舖開檔，哩到買嘢可以講價咖！我見啲香港人喺到買蟹同蜜瓜係咁講價，而B女同大笨蛋喺到買啲帶子乾同尤魚絲，唔使講個老板都自動減價。所以佢兩個又有收穫嘞！
跟住就行吓狸小路啦！我主要想去藥扆買嘢，不過有啲人話哩到唔底，所以嚟睇吓價錢，等聽日去小樽時比較吓！
行到狸小路四丁目同五丁目就開始好多好多香港團啦！啱啱喺到解散呀！
跟住慢慢行返酒店，途經道廳影返張到此一遊嘅相先。
好啦！返到酒店check in啦！
返上房抖咗陣！又出發去食嘢啦！
今晚普通啲去Pepper Lunch食牛牛，之前喺香港食過，都係哩到啲好食啲啊！
札幌拉麵共和國好多人嚟食咖！不過我無幫襯過啊！
返到酒店，門口餐廳有啲激光表演呀！ 
今日又係好倦嘅一日，好彩酒店頂樓有個大浴場同露天風呂，浸一浸先瞓！ 爽呀！
大浴場隔離有個休息室，幾好氣氛啊！ 重望到札幌鐵塔添呀！
今日使費: 地面電車: ¥170 x 6 (來回) = ¥1,020 早餐: 酒店包 午餐: ￥5,630 晚餐: ￥2,010 零食: ￥240 手信及其他: ￥14,440 住宿: Package 包
纜車票價: ¥900 x 3 = ¥2,700
妳地有沒有冇學定日文才征日呀！日本人英文好難溝通0番！
回覆刪除[版主回覆08/08/2009 12:03:00]我唔識日文咖! 我細妹學過吓不過唔記得晒啦! 而家日本人啲英文好好多啦! 餐廳酒店都有人識講, 而且好多都有英文menu, 唔明咪身體語言囉! 再加上佢哋識睇漢字, 所以唔識日文都冇咩因難啊!
Shirley : 咦 ~ 叫套餐慢慢嘆都唔錯喎 , 好過我上次 "蝦蟹合戰" 果度任食 , 限時硬質硬 , 都幾辛苦 , "狐狸祭" 都遇到 ? 又係夾時間 ? 利害 ~ "牛立方" ~ 正 . 呢間酒店都幾新淨喎 , 貴唔貴架 ? 個大浴場駛唔駛另收費 ? (如果唔太貴既話 , 可以納入下次行程內)
回覆刪除Bye Bye !
P.S. : 另外想問可唔可以借妳 "定山溪" 果度幾張相要黎寫番篇網誌 ? 當然會講相片出自何經何典啦 .
[版主回覆08/08/2009 22:01:00]我就係諗住蝦蟹合戰我哋食唔晒, 所以選食蟹套餐, 我哋通常係三個人叫兩個人嘅分量就夠咖啦!
狐狸祭??? 我哩個冇參與啊! 淨係見到啲佈置, 我都唔知係 狐狸祭, he ~ he !
間酒店係package 包咖! 大浴場都唔使加錢, 好正咖! 你下次可以考慮吓呀! 我哋哩啲靠自己對腳嘅行完一日返去浸一浸真係好爽咖!
啲相隨便搵去使啦! 重緊要啱用啊!
個蟹餐好正呀!
回覆刪除[版主回覆08/11/2009 07:26:00]唔錯咖! 我哋重係選下午做特價先去食, 所以好底食呀!