2009年8月5日 星期三

北海道仲夏賞花の旅 (第三日-Part 3)

28/07/2009  雨天 

    富良野 à 中富良野 ( 富田農場北星山町営ラベソダー園彩香の里) à 富良野(肚臍祭)


(Part 3)


4:30我哋就落街準備參加肚臍祭嘞!


ヘそ即係「肚臍」,富良野位處北海道本土(未計北方四島)正中心,早於戰前被公認為「北海道のヘそ(北海道肚臍)同埋係ヘその町(肚臍城) 。富良野以肚臍自豪,1965年被昇格為市後,富良野市於697278號確立<富良野市民憲章>,翌年第1回北海道ヘそ祭り(北海道肚臍祭)正式誕生,以及為紀念憲章成立,市政府鐵定不遷就周六日假日,於每年728日及29日舉行大型肚臍祭,男女老少超過5000人全城共歡,最精彩嘅肚臍舞巡遊於兩日黃昏後舉行。


我初初都好奇怪點解唔係安排喺星期六、日,後來睇咗啲資料先知原來有段故,而且北海道肚臍祭如非惡劣天氣或颱風,兩日全日活動即使落雨都要如常舉行。據近十年天氣數據,富良野市喺7月28至29號滂沱大雨嘅機會唔多。如果咁講又好似幾準喎!你睇而家幾好天呀!



條街好熱鬧呀!前兩日富良野重係靜英英,今日就成個旺角咁呀!



有好多小食檔呀!




我哋都唔拾輸買返條腸先!好好味呀!







哩班人喺到準備定晚餐等一陣完咗儀式之後工作人員同表演者會喺到食晚飯慶祝一番



好可愛呀!



祭典舞台



五點啦!啲小朋友開始巡遊啦!幾得意!














大槪5:45小朋友巡遊就完咗,咁我哋行咗陣喺超級市場買咗啲嘢食就返上酒店抖一抖先,因為巡遊條街只係喺我哋酒店後面,所以真係好方便咖!


有啲遊客可以喺之前上網報名參加哩個祭典,而家會有專人同你化妝同埋教你喺佢哋巡遊時嘅舞步咖!





6:50我哋又落街睇埋肚臍祭大人版本嘅巡遊嘞!

















睇完巡遊之後應該重有啲節目,但我哋冇再參與啦!去咗酒店後面間壽司店食晚飯。哩間褔壽司喺富良野都幾出名咖!


富良野褔壽司 http://g.pia.co.jp/shop/901257 

 



之前睇過啲人嘅評語都係正面,但都有啲人話唔好食,亦有啲人話職員態度唔好,更有幾個人講過哩到食嘢要等好耐咖!不過既然嚟到都試吓啦!


我哋叫咗 1 set 10件嘅壽司,我哋選擇要大size,因為佢哩到出名size大吖嘛! 實物嚟到真係好大呀!成隻手掌咁大呀!



件帶子壽司重好鮮甜添呀!



你睇件海膽壽司滿到漏晒呀!



三件拖羅壽司,入口即溶呀!真係好味到難以形容啊!



一樣係咁大嚿呀!



再嚟個半份size嘅海膽飯,雖然半份size,但都好多好多海膽呀!好香好滑啊!



最後總結,我哋覺得哩間壽司店啲嘢好食,職員服務好好,而且我哋落咗order 10分鐘到啲嘢就嚟啦!所以我哋好滿意哩間舖頭啊!


食飽飽就返上酒店食埋個好好味嘅蜜瓜,就真係飽到行唔郁啦!




好味、好多汁、好好味呀!




今日使費:


早餐: 360


午餐: ¥1,650


晚餐: ¥8,730


零食: ¥2,791


吊車費用:¥750


手信: ¥11,864


住宿: ¥25,500


6 則留言:

  1. 富良野褔壽司 超好食...上年食完..今年再encore
    [版主回覆08/06/2009 09:36:00]係呀! 佢哋用料新鮮, 又冇花巧, 真係好正呀!

    回覆刪除
  2. 好鍾意日本D乜祭物祭, 有野食, 有野睇, 好好玩呀!
    肚腩上嘅公仔好搞笑!
    仲有你碗海膽飯, 超正呀! 引死人喇!
    [版主回覆08/06/2009 15:13:00]我第一次參加日本嘅祭禮咖咋! 覺得幾得意幾好玩, 我本來load咗啲veido咖! 但唔知點解放唔到, 或者遲啲先搞啦!
    嗰碗海膽飯真係超正, 我而家諗返到流口水呀!

    回覆刪除
  3. WowWow Wow!!!!

    [版主回覆08/06/2009 16:45:00]係咪好想食呢? 你嚟緊去日本記住去食呀! 真係好好味呀!  

    回覆刪除
  4. Shirley :           嘩 ~ 好熱鬧呀 , 呢個節目係咁遇到定係有預計埋架 .
     

     
    我至鍾意呢D檔口小食 , 一定好好味 .    D壽司真係抵食夾大件呀 . 
       
    Bye Bye !
    [版主回覆08/08/2009 19:17:00]我尊登就哩日嚟咖! 橫掂都諗住係哩段時間, 緊係唔會錯過哩啲咁難得嘅慶典啦! 幾好玩咖!
    啲小食都唔錯咖! 間壽司店啲壽司真係好大件, 不果如果驚食唔晒, 可以叫返Normal size, 不過價錢就一樣囉!

    回覆刪除
  5. D野食好鬼正呀~~~~
    [版主回覆08/09/2009 12:31:00]所以你都唔好錯過呀!

    回覆刪除
  6. 哇,我見到都好想食呀,我都流哂口水添...! D大壽司我都見過,香港都有得食嫁,仲好平添。咁當然日本果D就好味好多啦,根本冇得比.....我地之前去東京時,D 拖羅同其他壽司一樣價錢,好抵抵抵!!!!
    [版主回覆08/13/2009 13:44:00]係呀! 而家諗返起都流口水呀! 尤其啲海膽呀! 香港真係食唔到呀!

    回覆刪除