2009年10月21日 星期三

09'新加坡遊-第一日(下)


喺Merlion Park(魚尾獅公園)對面就係Fullerton Hotel(浮爾頓酒店),酒店大樓建於1928年,原為郵政總局。2001年郵局搬遷,原址被規劃成The Fullerton Hotel。具歷史價值嘅大樓同部份內部物品都得以保留啊!令到我哋哩啲遊客又多一個旅遊景點嘞!不過我冇入去參觀,只係同佢影咗張相咋!



影咗一陣相我哋就沿住路牌行過去老巴刹嘞!




但其實星加坡啲路牌指示都幾混亂,好多街名地圖搵唔到,到地圖有嘅又搵唔到條街,往往要兩張唔同嘅地圖夾一夾先知自己喺邊


Raffles Place哩頭好多新樓起緊,所以好多地盤,又圍咗好多圍板,所以搵路真係有啲困難呀!



哩度係Raffles Place嘅MRT站,幾靚啊!其實老巴刹就喺附近,但啲路牌實在太混亂,所以我哋越行越遠



後來見到亞坤咖央間舖頭先知我哋原來行咗去牛車水嗰區啊!



雖然行錯路,但沿途見到啲得意嘢又去行吓影吓相先!


牛車水內嘅遠果廣場,哩個廣場榮獲建築經典特賞以中國陰陽五行為槪念,街道四邊設立以金、木、水、火命名嘅大門,廣告中間庭園則屬土。政府保留歷史建築時亦同時加入咗現代化嘅設施。哩到有博物館同餐廳咖!



哩間就喺廣場內嘅褔德祠,裡面放咗好多中國人傳統嘅用品



重有啲好得意嘅模型講述華人早期喺新加坡嘅生活



由於我哋一邊搵路,一邊八卦咁四周圍睇嘢,所以最後我哋用咗個幾鐘先成功去到老巴刹




老巴建於建於1894年,係國家史遺址,喺東南亞中,佢係現存最大型喺維多利亞時期鑄鐵建築。佢本來係菜市場,改建後就成為飲食中心,場有好多種不同嘅本地食品,包括拉茶、沙爹同海鮮等,加上哩到食物都價錢實惠,所以吸引不少食客專程到此



六點半到達咗沙嗲街,啲檔口啱啱開工,我哋一行入去條街,已經被人重重包圍,不斷叫你去佢嘅檔口幫襯


 


最後我哋簡咗一檔有得食燒魔鬼魚,另外再叫咗十串雞同牛嘅沙嗲串燒


燒魔魚 SGD10.00



沙爹串燒(雞、牛10串) SGD6.00



天氣實在太熱,再加上燒烤嘅熱氣,雖然咳緊亦不得不買啲凍嘢飲吓呀!我見庶汁好吸引,所以要咗杯庶汁,但佢哋加好多冰,所以飲落有啲淡。大笨蛋就飲菊花茶


菊花茶 SGD1.50 / 庶汁 SGD1.70



食食吓覺得啲蝦都好似好正,所以都叫咗兩串試吓,味道都唔錯啦!


燒大蝦 SGD2.00/串



食飽飽都八點鐘,跟住我哋就去Raffles Place站搭MRT去Clarke Quay克拉碼頭影夜影




搭哩個MRT都幾煩,買票時要比多SGD1做訂金,即車資SGD1.20,咁買票時要比SGD2.20,當到步出閘後再去售票機退返張票然後再攞返嗰SGD1訂金。 看似簡單,但多人起上嚟,吓吓要排隊退票,重要啲售票機嘅動作係龜速咖!真係會等到呆咗呀!




Raffles Place去Clarke Quey係須要喺Douby Ghaut轉車,哩個轉車站好大呀!足足行咗兩個字先去到另一月台轉車,好似我哋由中環嘅月台行去搭東涌線咁遠呀!所以之後嘅行程都好驚喺哩個站轉車啊!後來發覺原來旅遊書話由Raffles Place行過去克拉碼頭都只係3分鐘咋!咁我哋做咩走去搭MRT重行餐死呀!蠢咗添!


出咗Clarke Quay,又迷茫咗一輪,因為出到地面之後又搵唔到清晰嘅路牌,我哋就憑大槪環境估計方向,好快就到咗Boat Quay,河邊兩旁有好多餐廳,佢哋啲五顏六色嘅燈照到條Singapore River好靚呀!亦有好多戀人坐喺河邊談心啊!哎啊!好浪漫啊!點解我隔離嗰個係大笨蛋呀






哩間係珍寶海鮮舫,唔知同香港嗰間有冇關係呢﹖右邊中間有幾粉紅嘅物體係有啲人喺到放啲會發光嘅風箏呀!現場睇係有好多顏色咖!



我企喺條North Bridge上影過去條河真係好靚啊!



哩幾條金屬柱其實係一個機動遊戲 - GX-5加G-MAX 即係跳樓機加韆鞦。所以喺河邊不時聽到有人喺到衣嘩鬼叫呀



影完相係時間返去啦!打開地圖研究咗一輪,返去條路都只係一條大正路所以最後決定行返去酒店,咁就唔使再喺個MRT站內行嚟行去呀!



半個鐘到就順利返到酒店,完成咗第一日嘅旅程,雖然唔係去咗好多地方,但都好倦啦!而且哩間酒店嘅Internet係要收錢咖所以我哋帶咗netbook去都冇用十一點幾沖咗涼就瞓啦!


今日使費


車資 MRT (Dhoby Ghaut àClarke Quay) : SGD1.20 x 2


晚餐: SGD23.20


飲品: 薏米水一罐 SGD1.25


          苹果茶一罐 SGD1.25


手信: SGD35.00


5 則留言:

  1. day1已經去咗咁多好地方, 食咗咁多好野, 真係玩到盡bor.
    [版主回覆10/24/2009 17:49:00]其實係我喺咪都影一餐,所以好似去咗好多地方, 但我又覺得新加坡又唔係有啲人講到咁悶囉! 都ok好行, 我尤其鐘意佢哋啲美食呀! 真係幾正啊! 所以食到濟咗返嚟! 差啲變咗條嘔吐獅子魚呀!

    回覆刪除
  2. 我果次無去到 克拉碼頭,原來夜景都好靚。果次我自己都蒙吓蒙吓,以為這裡會幾雜吓,所以沒有去,看到你夜景相,原來咁靚喎,下次去又多個藉口!
    [版主回覆10/25/2009 21:37:00]係呀! 哩到夜晚真係好靚同環境好舒服, 好多人都帶晒長短鏡喺到影相啊! 哩到一啲都唔雜咖! 河邊兩旁餐廳重好高級添呀! (即係價錢好貴啊!) 所以你下次放心去啦!

    回覆刪除

  3.                           有用腳架嗎,好 SHARP 0番!
    [版主回覆10/26/2009 08:28:00]我有帶但冇用啊! 因為橋邊有好寬嘅欄杆, 所以個個都放相機上去當腳架就得啊!

    回覆刪除
  4. Shirley :           D路牌有埋日文 , 幾犀利喎 ,  係咪四處都係咁架 ? 
     

     
    Bye Bye !
     
     
    [版主回覆10/26/2009 21:34:00]係喎! 我都冇留意添! 其他地方唔係咁咖! 只有英文路牌, 有時重周圍搵都唔見有街名啊! 所以雖然地圖有中文,英文版, 但都係用返英文版會好啲啊!

    回覆刪除
  5. You know Shirley, the first and the only time I was in Singapore is 1996!!! wow, it's 13 yrs already. I remember there was a "Stone Grill" there in Clarke Quay, is it still there. Pity that you didn't try the Chilli Crab, it's very very delicious!
    [版主回覆10/27/2009 13:08:00]吓!! 好意外你話只係去過一次新加坡喎! 因為你成日都要出trip, 哩個地方都好似係一個好hit嘅地方啊! (又或者可能我公司嘅IT team係喺新加坡而產生錯覺呀)
    因為我只係一心喺Clarke Quay影吓夜影, 所以並冇留意有啲咩餐廳喺嗰到啊! 聽你講到咁吸引, 如果我下次有機會去嘅時候, 一定要去搵吓先!!

    回覆刪除