15/10/2009 陰天
今次同行只有我細妹 – 大笨蛋，到出發當日仍未認真咁去搵資料、睇旅遊書。第一次完全冇行程喺手就出發啦！
去到機場未上得機，玩吓Happy Farm hea吓時間先！
航班準時10:30起飛。
新加坡航空確實比國泰航空好好多，食個飛機餐瞓返個覺，好快就到咗新加坡墇宜機場啦！
好大好空曠嘅機場啊！ 過關都用咗頗長時間，唔知點解關員對每一入境者都發出很多題問，有一部份更須要被帶入房嚟個詳細訪問，當初我都擔心我哋唔知會唔會成為被訪對象，但好彩關員只係問咗我個名就比我過嘞！
攞咗行李就去找換店換咗哩幾日嘅使費。
然後就去星航嘅服務櫃台換取機場酒店接送車票同埋一啲優惠coupon，包括有一啲觀光熱點嘅入場費50% discount、觀光巴士任搭(Free)、同可以機場內使用嘅SGD40 coupon(2人) 。 
搞掂換領手續後就喺counter旁等shuttle bus接我哋去酒店，每人須要貼上個label。 星航職員會集齊一班人然後分批車到唔同嘅酒店，所以如果旺季要腳步快少少，如果唔係巴士滿咗就要等下一輪咖啦！
好快半個鐘就出到市區，我哋三點九已經不費吹灰之力就可以去到酒店嘞！Hotel Royal @ Queens
Check in 咗後就攞埋行李上房，房間雖不大但感覺乾淨企理，而且開啟全房嘅燈都係用輕觸式嘅電子板，好似好先進咁呀！
正想話三星酒店都算唔錯時，嗰個輕觸式嘅電子板竟然冇反應喎！擺明就hang咗機啦！唉…！真係讚壞添！call人嚟check，竟然打咗兩個字電話都冇人接，有冇搞錯，最後都搵到人嚟修理。最後都搞到成四點半先落街啊！
打開旅遊書揭咗一陣，就決定先去新加坡第一旅遊景點 – 嘔吐獅子魚啦！咁跟住睇一睇張自製地圖，如果搭MRT的話，最近嘅站係Bugis，但就只係搭一個站去City Hall，而且重喓喺Dhoby Ghaut轉車，好似有啲費時，從地圖了解由酒店行去City Hall都唔係好遠，所以我哋就決定行落去嘔吐獅子魚到嘞！
酒店旁嘅美術館
其實新加坡天氣都幾熱，但佢哋啲街道大多建築物都有騎樓底又或者兩旁種滿樹，所以行起上嚟唔會好辛苦，而且重不時有啲風吹埋嚟，沿途睇吓嘢認吓路，好快就去到榴槤劇院。
途經Raffles City
好多香港人都會簡哩間酒店 - Swissotel Stamford
由於我同大笨蛋都唔食榴槤，所以我哋不時將榴槤劇院講成波羅劇院呀！後來就直情將錯就錯叫波羅劇院嘞！
喺劇院門口有檔雪糕檔，大笨蛋買咗磚粟米雪糕夾餅乾試吓，佢話好好味啊！我因為咳緊唔食得，真可惜啊！
影咗一陣相又繼續行，好快就已經見到嘔吐獅子魚喺不遠處出現啦！
魚尾獅像坐落於市內河畔，是新加坡的標誌和象徵。該塑像高8米，重40噸，獅子口中噴出一股清水，是由雕刻家林南先生和他的兩個孩子共同雕塑的，於1972年5月完成。
在魚尾獅像背面的一小塊場地有四塊石碑，碑文講述了魚尾獅象徵的故事，近旁還建有一座小魚尾獅像與之相伴。
細嘅嘔吐獅子魚
獅子魚食濟咗，所以嘔得好犀利啊！
Singapore Flyer，我哋冇去到啊！ 只係喺遠處影個相留念啊！
喺Singapore Flyer 對面就係起緊賭場嘅地盤啊！
沒有留言:
張貼留言