2009年12月3日 星期四

驚聞惡耗

一直冇咩大病痛,還得戚咁同自己講:「重有個多月就到年尾,今年都未攞過一日病假真係叻嘞!」


1111號做例行身體檢查前兩日已經發現左邊乳房出現咗一塊少少嘅硬塊,當時心知不妙,但仍不斷咁安慰自己冇事嘅! 果然醫生都同意有個硬塊須進一步檢驗。一輪化驗、檢查、睇不同醫生都得出同一結果係一個唔係幾好嘅腫瘤,須要割除,但範圍不太而且發現尚早,加上家族並冇哩啲病歷紀錄,所以問題不大,一切都係樂觀嘅!


於是快刀斬亂麻,1123號就入院做切除腫瘤手術,醫生重喺我昏迷前安慰我瞓醒一覺就咩事都冇會好返咖啦!但好可惜當我瞓醒時醫生話攞出嘅係一粒惡性嘅瘤,所以腋下亦切除咗九粒淋巴核做化驗 最後報告顯示癌細胞已經擴散至淋巴,正式確診為「乳腺管癌第二期」,俗稱為乳癌


一切都嚟得太快,十幾日前,癌症哩樣嘢好似對我係遙不可及,十幾日後哩位新朋友竟然已經走入咗我體內,霎時間都不知點樣招呼哩位新朋友好啊!


哩段時間察覺身邊嘅親戚朋友對自己真係好好,大家都不斷送上關心、祝福、慰問,尤其媽咪無微不至嘅照顧,令我知道我自己唔可以氣餒,否則會令關心我嘅人擔心同失望。


所以唔開心咗一段少少嘅時間後,而家就等傷口痊癒然後開始進行四個月嘅化療同埋兩個月嘅電療,據我所知化療並唔係一個簡單嘅療程,過程會出現好多副作用,嘔吐、甩頭髮就一定走唔甩,但都冇辦法,唯有希望自己到時身體唔好太差,能夠順利應付一連串嘅治療啦!


為免到時甩起頭髮帶嚟嗰種震撼,所以將留咗多年嚟嘅長髮剪短,希望將個震撼感減底啦!




升上中學後都未試過咁短頭髮啊!




25 則留言:

  1. 這場硬仗,一定挨過的,努力,加油,身邊很多人支持你!
     
    [版主回覆12/05/2009 07:48:00]冇錯啊! 哩場仗真係唔易打, 不過我會努力咖!

    回覆刪除
  2. 噢!很不幸的消息!
    不過不要太擔心,兩年前我爸爸證實患了第三期腸癌,經手術和化療後,現已完全復元!努力!
    [版主回覆12/05/2009 07:48:00]多謝鼓勵啊! 我會努力去面對啊!

    回覆刪除
  3. 一家兩大三細四圍行2009年12月4日 下午12:29

    養好身體,便可再次旅行。 哩個世界好大,等待你的發掘!
    [版主回覆12/05/2009 07:50:00]係呀! 我重有好多地方未去啊! 所以我會努力去面對啊! 多謝你嘅鼓勵啊! 我會繼續追你嘅遊記啊!

    回覆刪除
  4. 努力啊
    我的老友記正在接受中風後治療, 他在努力的撐著, 我們也每天給他鼓勵, 我相信只要努力, 你也行的
    [版主回覆12/05/2009 07:52:00]多謝你嘅鼓勵啊! 我都會努力啊!

    回覆刪除
  5. 老友記:
    您一定要努力和正面面對,因任何事情都有解決的辦法,而且您有很多親戚朋友支持您。
    要記住:『辦法總比困難多』
    祝您早日康復,再去旅行,再寫遊記!
    [版主回覆12/05/2009 07:54:00]多謝你嘅鼓勵同祝福, 我真係重有好多地方想去啊! 所以我會努力啊! Thank You!!

    回覆刪除
  6. 努力呀!加油!pray for you...
    [版主回覆12/06/2009 07:44:00]Thank you!! 你blog裡面嘅資料真係對我幫助好大, 我遲啲可能會成日嚟打搞你啊! 請多多指教啊!

    回覆刪除
  7. 來得快走得也快,4個月不很長,要積極面對,化療期間小心身體,尤其流感開始蔓延的日子將到,出入公共場所要戴上口罩。
    [版主回覆12/06/2009 07:42:00]多謝你嘅提點啊! 我都希望哩位不速之客真係嚟一嚟就走, 以後都唔好再嚟啦!

    回覆刪除
  8. 要突然面對這突如其來的大病真的一點也不容易,好希望你能夠得到最合適的治療及早日病癒!深切的祝福你,加油!!!
    [版主回覆12/06/2009 07:44:00]多謝你嘅祝福啊! 我會努力啊!

    回覆刪除
  9. 希望你早日康復!!!要堅持下去啊!!!
    [版主回覆12/06/2009 07:45:00]多謝鼓勵, 我會努力啊! 有咁多人支持同鼓勵, 真係好感動啊!

    回覆刪除
  10. Shirley :           聽到呢個消息 , 真係令我都有一陣心痛 ,    點解會咁架 ?    真係唔知講乜野好 , 只能夠在遠方默默咁樣祝妳好運 . 
     

     
    Bye Bye !
     
     
    [版主回覆12/06/2009 07:50:00]Hi, Man Wai, 好多謝你啲花啊! 好靚呀! 盡在不言中啦! 唔使多講! 放心, 我會同哩個病魔撐到底啊! 我之前plan咗後年去日本睇櫻花咖! 所以我一定會努力啊! 多謝你嘅支持呀!

    回覆刪除
  11. 得此病而復原的例子太多了,所以妳絕不用耽心,繼續享受妳未來的幸福美妙人生吧!祝福您!
    [版主回覆12/06/2009 11:42:00]小子, 多謝你嘅鼓勵啊! 我會開心咁去面對啊! 因為醫生都話心情好影響病情, 所以開心啲會好啲啊! 我要成日都...哈!.. 哈!...哈!

    回覆刪除
  12. 發現得早,打蠃的機會好大架!加油對抗!
    [版主回覆12/06/2009 11:40:00]Thank you!! 我一定會努力啊!

    回覆刪除
  13. 加油! 明天會更好.....................
    [版主回覆12/06/2009 11:40:00]Thank you!!

    回覆刪除
  14. (Empty)
    [版主回覆12/06/2009 21:50:00]Thank you!!

    回覆刪除
  15. 幾時化療?12月23日?
    早D去睇燈飾和慶祝聖誕,化療開始咗就有排都唔出得去玩啦!
    [版主回覆12/07/2009 12:41:00]12月14號覆診, 冇問題的話就會當日打第一針, 所以今年嘅聖誕我都冇行咖啦! 好彩我一向都唔係要成日要出街嘅人, 所以節日冇得慶祝都唔係大問題啊!

    回覆刪除
  16. 我果陣11月化療,所以聖誕和過年都係屋企,要到復活節先出得街,果年仲好凍,我都係唔多出街ge人,但都有D悶,好在有now,結果學到煮野食,以前係連飯都唔識量水...
    有位blog友好中意煮食和玩,睇佢個blog唔使出街都好似身歷其境,我好多謝佢!
    [版主回覆12/08/2009 07:38:00]我都諗住到時上吓網呀! update個blog等啲親戚、朋友、blog友知道我嘅近況唔使佢哋太擔心囉!

    回覆刪除
  17. 聽到呢個消息, 我好唔開心, 不過我相信, 一班blog友會同我一樣, 無限量支持你!
    Shirley! 加油呀!!!
    [版主回覆12/08/2009 07:41:00]你唔好唔開心啦! 人開心啲, 面對問題會易解決啲啊! 放心, 我一定會努力面對啊! 你都努力呀! 唔好太擔心公司嘅嘢啦! 既然都已成事實, 就唯有隨遇而安啦! 唔好自己諗太多啦! 都係傷身咖! 笑吓啦!

    回覆刪除
  18. ....努力啊!加油~
    Pray for you~
     
     


    [版主回覆12/08/2009 07:44:00]Hi 阿耀, 你個video好有意思啊! 我好鐘意呀! 好多謝你呀! 我會加油、努力咖!

    回覆刪除
  19. I wish you recover soon!
    For your reference:  Perhaps you may be interested in taking a look at Siu Lam Tang's blog, because she has just recovered from lung cancer.
    [版主回覆12/08/2009 19:03:00]Thank for your support.

    回覆刪除
  20. 我地一齊加油啦,我12月3日打了第一針~ 我之前都好驚的,但祂會保護我。向祂求吧~
    [版主回覆12/11/2009 07:13:00]好開心識到你啊! 我睇咗你個blog, 你嘅經驗對我好有用啊! 你都要堅強啲啊! 要開心啲呀! 開心啲除咗令自己嘅病情有幫助外, 重可以令身邊關心自己嘅人冇咁擔心啊!
    我哋一齊努力打敗哩個病魔啦!

    回覆刪除
  21. 好開心你咁樂觀! 祝福你!!

    回覆刪除
  22. 祝早日康復 加油呀
    [版主回覆12/12/2009 21:36:00]Thank you!!

    回覆刪除
  23. ~~ DoNaLd & IrIs 愛閒遊 ~~2009年12月29日 上午12:25

    祝妳早日康復呀Shirley~~
    上次才跟妳說旅行的事,
    誰不知再入來妳個blog看看妳才知道發生這些事啦~~
    希望希望妳早日康復呀, 戰勝病魔呀, I support you !

    回覆刪除
  24. 努力加油!吉人天相

    回覆刪除