2010年3月3日 星期三

030310 終於打到第四針啦!

幾經波節,終於等到今日打第四針,約咗11:30打針,但唔知點解唔使錢啲針藥就會直接送到打針房,但今次係自己比錢,反而要預早啲自己去藥房排隊攞藥過去打針。

兩盒藥水,多謝承為HK$8,084.00

咁攞住啲藥去打針,今次係去一樓而唔係平時嘅四樓,哩層原來叫日間化療中心係專打化療針,並冇醫生喺到診症啊!不過姑娘做事作風就同上面完全唔同,其中一個好話我點解唔係屋企食定啲止嘔藥先,嚟到食又要嘥時間等成個鐘,但另一個又話要量過血壓合格先可以打針!

真奇怪,咁我食咗但血壓唔得我咪又食錯咗!我都係等佢話得我先食嘞!真係唔知佢哋嘅準則係咩咖!

我今次吊針要成個幾鐘頭先可完成,但嗰到個個都起碼要吊三、四個鐘,所以我都係好濕濕碎咋!吊針過程雖然長咗啲,但藥水流經體內嘅唔舒服感覺就好似比之前幾針少。而其他副作用就要再觀察啊!

多謝大家關心同鼓勵啊!               

   
 04/03/2010

P.S. 用咗啲咁貴嘅新藥,感覺好似都唔錯,啲作嘔、作悶同埋胃漲明顯減少咗!今日都可以正常用餐啦!所以大家可以放心啊!

 

23 則留言:

  1. 祝你盡快完成,很快啦!繼續忍耐,你已經很叻呀。
    [版主回覆03/04/2010 12:45:00]係呀! 好快就可以做返個「正常人」啊!

    回覆刪除
  2. 打到就好....剩番兩支咋 : )
    快啲好番, 好番再去旅行, 啲風景等緊你呀!
    [版主回覆03/04/2010 12:46:00]哈...哈!你真了解我啊表妹,我真係好期待啊!

    回覆刪除
  3. Good ! Shirley, 努力 !  繼續作戰 !
    [版主回覆03/04/2010 12:46:00]Thank you!! 我會繼續努力加盡油啊!

    回覆刪除
  4. Good job and Good Luck, Add oil
    [版主回覆03/04/2010 12:46:00]Thank you!!

    回覆刪除
  5. 妳老辦封利是果然利妳喎!
    下次打針之前記得揾佢喎!
    [版主回覆03/04/2010 12:47:00]係呀!佢封利是真係好利我,我冇拆到呀!我下兩次都帶埋佢去覆診先得啊!哈...哈!好迷信呀!

    回覆刪除
  6. Shirley :           貴係貴D , 最緊要有效 . 
    Bye Bye !
    [版主回覆03/04/2010 12:50:00]啲藥真係幾貴,但打咗由噚日到而家嘅感覺又真係比唔使錢啲好好多啊!起碼啲作嘔、作悶同胃漲同比之前少好多啊!莫非真係一分錢分貨定係心理作用呢??!!

    回覆刪除
  7. Good!繼續努力!
    [版主回覆03/04/2010 12:50:00]Thank you 啊!!

    回覆刪除
  8. 恭喜, 恭喜, 終於又等到你的好消息
    努力啊, 大家都希望看到你的成績, 原單為你高興, 更給自己堅持活得更充實的動力.
    加油
    [版主回覆03/04/2010 17:43:00]哈..哈!! 多謝多謝!!  我都期待你下個月嘅東京之旅啊!

    回覆刪除
  9. ~~天天開心~~祝您快樂~~                            . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
    [版主回覆03/04/2010 17:41:00]Thank you 啊!

    回覆刪除
  10. 貴少少但有功效都值得呀  , 而家又要養好身體休息多d呢
    [版主回覆03/05/2010 11:49:00]我都有同感啊! 多謝你嘅慰問啊!

    回覆刪除
  11. 咦,點解今次仲未見妳老闆出現嚟鼓勵妳嘅?
    [版主回覆03/05/2010 11:51:00]Hmm....!  我都唔知啊! 不過佢有入嚟行個圈咖! 不過冇留言之嘛! 唔緊要啦! 我知大家都有心我已經好開心啊!

    回覆刪除
  12. 0甘貴D藥梗係要親手交給物主啦!避免醫生或其他人可以偷龍轉鳳0卦(小子純以小人之心揣度之)?
    如果妳能申請到公援便好了,這些藥費可能由公援費資助也.
    繼續努力,迎戰未來,將來一定能回復昔日活潑生猛的,妳看,陳美齡現在幾 FIT!不看電視,不知她也曾遇上這個病。
     
    [版主回覆03/06/2010 11:31:00]經小子咁講一講又好似好有道理喎! 搞錯咗都唔好啦! 尤其是佢哋咁鐘意搞錯嘢!
    其實嗰到都有人教我去申請一啲唔使支產審查嘅傷殘津貼, 只要confirm咗係cancer又經醫生評估過, 就可以喺治療期攞到千多元一個月, 但當初覺得好似唔係幾好咁, 好人好姐攞咩鬼傷殘津貼, 又驚手續煩復, 後尾啲姑娘都叫我去申請,  佢哋話錢雖然唔多, 但幫補吓都唔錯啊! 攞嚟買吓嘢食都好吖! 所以我都啱啱申請咗而家等批囉!
    我都有睇佢嗰日個節目啊! 佢真係好勁呀! 我點可以同佢比呀! 不過我會繼續努力啊! 因為我真係好想快啲做返個正常人啊!
     

    回覆刪除
  13. 這是作為一個合法公民的權利,妳應該申請。
    陳美齡又不是神,妳怎麼不能學她0甘勁呢!

    回覆刪除
  14. Shirley :          如果合乎規格 , 幾大都要申請 , 你試交遲一陣稅 , 佢都追瘦妳 , 家陣又唔係呃錢 , 做乜唔申請呀 .   
    P.S. :  妳唔單止要做正常人 , 仲要比正常人健康 .     (我支持妳)
    Bye Bye !
    [版主回覆03/09/2010 12:41:00]Yeah! 係呀! 要正常人健康啊! Thank!!

    回覆刪除
  15. 好耐無見~雖然過左年 , 但都補祝你身體健康 , 虎虎生威~
    [版主回覆03/09/2010 12:41:00]Thank you 啊!

    回覆刪除
  16. 祝早康復,努力、加油!在另一边廂為您祈禱。
    [版主回覆03/09/2010 12:41:00]Thank you 啊!

    回覆刪除
  17. 會有啲咩side effect呢 << 唔會有o架...我希望..
    加油!加油!加油!
    pui
    [版主回覆03/09/2010 19:12:00]...我都希望冇啦! 因為今期都幾難頂啊!

    回覆刪除
  18. 關節同肌肉痛> 醫生有冇俾止痛药呀?  如果冇就試吓食 panadol 頂住先.....
    [版主回覆03/09/2010 19:13:00]醫生冇開藥啊! 不過之前有開啲止痛藥, 但諗住頂得到都唔食藥, 但今次真係頂唔到要食藥止痛啊!

    回覆刪除
  19. 加油呀! 如果口爛, 可以買d潄口水潄口, 會舒服d, 我呀姨以前都係咁, 不過佢用果隻係美國出嘅(我唔記得個名), 唔會乸o架.
    [版主回覆03/11/2010 19:18:00]多謝你啊悠悠閒, 醫生有開潄口水比我, 而家暫時都ok啊!

    回覆刪除
  20. 如果需要幫手, 請開聲, 支持妳
    [版主回覆03/13/2010 12:35:00]哈...哈!  有呀...有呀! 等錢使呀!  
    暫時到而家都重頂得住, 不過有時都會覺得有少少意志消沉啊!  好似好努力但都得唔到遇期效果, 真係會有啲倦, 但跟住見到你哋嘅留言鼓勵, 咁又好似打咗技強心針咁啊! (雖然我好驚打針) 所以見到你哩個留言都即刻精神晒呀! 真係幫咗好多啊!
    Thank you !!

    回覆刪除
  21. 加油呀,Shirley!
    [版主回覆03/17/2010 09:52:00]Thank you 啊!

    回覆刪除
  22. 嗨, 你好, 今天準備打第五針嗎?, 有點涼啊, 小心保重
    [版主回覆03/17/2010 14:22:00]打唔打到第五針要等22號返醫院抽血同見醫生先知啊!  所以而家都重努力緊食嘢同做動運去儲白血球呀!

    回覆刪除
  23. 加油呀~
    [版主回覆03/18/2010 11:24:00]多謝啊!  努力緊呀!

    回覆刪除