2010年3月22日 星期一

220310 終於一次成功過關啦!& 230310 完成第五針!

22/03/2010

今日嘅抽血報告終於全線合格,白血球指數重升到5.9添啊!所以順利批准聽日11:30打第五針啦!

今日哩個醫生係咁多個見過最正常嘅一個啊!一個有肚腩少少光頭嘅中年醫生,有問必答而且答案清澈,佢重好細心睇晒我嘅case之後話如果我打完晒六針先去排期做電療的話要等六至七個星期先可以開始做,所以佢就幫我寫紙叫我今日就攞去排定先,咁就可以慳返啲時間,到時一完晒化療,就可以好快咁開始做電療嘞!佢真係諗得週到啊!

由於今日公司有啲要事做,所以朝早抽完血就返咗上公司一轉,見返多月冇見嘅同事,大家嚟個擁抱,佢哋送上一連串嘅祝福、慰問,真係令我好開心同窩心啊!重有位靚太同事專登留起啲利是比我啊!繼上次喺街遇到老闆比利是,今日又有利是逗,真係利利是是,唔通今日咁順利就係袋住四封利是??!!哈...哈!咁我下次覆診打最後一針時我都袋晒哩四封利是去先得啊!

23/03/2010

今日順利完成咗第五針啦!即係重有一針咋!真係想快啲可以打埋佢啊!

今日哩姑娘手勢嘛嘛!竟然搵條最幼嘅血管插落去,唉!緊係唔得啦!痛餐死咪又係拮返上次個位。

哩啲自費嘅貴藥水係透明啊!唔係之前咁粉紅色,感覺上好似冇咁嘔心啊!



哩份係我每次抽血嘅指數,不過有啲都唔知係咩,醫生好少會每一項同我講,我淨係知 BW=體重 WBC=白血球 ANC=肝酵素。







完成咗吊針就打多枝鹽水針就大功告成,可以返得屋企開始做一條死魚嘞!

22 則留言:

  1. 哈哈, 你POST 3 次, 那我也給你說3 次恭喜, 恭喜, 恭喜
    [版主回覆03/23/2010 17:02:00]係呀! 個blog越嚟越差, 成日都有問題, 但都好多謝你嘅三次恭喜啊! 我收晒!

    回覆刪除
  2. 哈, 昨晚我也看到你的POST 有3頁差不多一樣內容的, Yahoo 也需要整理一下  利是利是, 恭喜你一天比一天健康
    [版主回覆03/23/2010 16:56:00]係呀! 噚晚個BLOG又"short short"哋, 係咁hold住個畫面, 但到今朝就post咗幾次嘞! 真激死呀!
    啲利是又真係好利是呀!  而家淨返一針, 好快就完啦! 所以都好期待啊! 不過哩個幾星期又開始挨嘅日子啦! 都係嗰句啦 - 好匆快就完啦!

    回覆刪除
  3. 太好了太好了太好了...Yeah~
    pui
     
    [版主回覆03/23/2010 19:18:00]! 噚日我聽到醫生話白血球係5.9, 我同你一樣Yeah咗出嚟, 佢話比我今日打針, 我就Yeah..Yeah..Yeah, 重不奇然做埋V V手勢, 佢話你做咩咁興奮呀? 有咩咁值得高興呀? 佢可能覺得哩個怪人做咩打化療針都打得咁開心, 緊係傻咖!

    回覆刪除
  4. good news
    [版主回覆03/23/2010 21:49:00]係呀! 真係good啊!

    回覆刪除
  5. 恭喜妳!真係利利是是,而且出路遇貴人,醫生咁周到,幫妳排定期,佢真係幾唔錯喎!
    打完針會攰D,妳要加油啊!
     
    [版主回覆03/23/2010 21:54:00]今次真係比之前兩次順利啊! 我會繼續努力食嘢同做運動, 希望下次可以都順利打埋最後一針啊!
    係呀! 打咗針真有啲攰同唔舒服, 所以嚟緊日子要瞓返一輪先得啊!
    多謝你留言鼓勵啊!

    回覆刪除
  6. 加油、努力!
    [版主回覆03/24/2010 11:16:00]一定...一定!!  多謝晒你嘅鼓勵呀!

    回覆刪除
  7. Shirley :          好咯 ~ 開始轉運 ,    好快就 "日本" 見 . 
    Bye Bye !
    [版主回覆03/24/2010 11:02:00]我都希望真係轉運啦! 希望跟住淨返啲療程都咁順利啊!

    回覆刪除
  8. 希望你快快快d順順利利完成哂所有治療 , 廿就可以去日本旅行啦 yeah
    [版主回覆03/24/2010 11:01:00]係呀! 我都想快啲呀! 真係好期待呀! 其實我好貪心咖, 想去嘅地方唔只日本啊!  不過首選當然都係日本啦!

    回覆刪除
  9. Good!繼續努力!
    [版主回覆03/24/2010 10:59:00]知道啦! 多謝晒!!

    回覆刪除
  10. 要加油 ! 祝你一天比一天更健康 !
     
    [版主回覆03/25/2010 10:25:00]多謝...多謝! 好多謝你一直以嚟嘅鼓勵呀! 我會繼續努力啊!

    回覆刪除
  11. shirley,你好叻呀! 繼續努力呀!
    [版主回覆03/26/2010 11:27:00]多謝你嘅鼓勵啊! 我會繼續努力過埋最後一關咖啦!  

    回覆刪除
  12. 不是死魚,是度假l懶人魚。
    [版主回覆03/27/2010 18:04:00]! 你都多多保重啊!

    回覆刪除
  13. >咁我下次覆診打最後一針時我都袋晒哩四封利是去先得啊! 一定要呀,仲要帶埋blog友既祝福去添! 電療要做幾耐呀?希望快d再去旅行寫遊記我地睇~
    [版主回覆03/27/2010 18:09:00]係呀! 要帶晒你哋嘅祝福去衝埋最後一關呀!
    電療大槪要三十多次, 每星期五次(每日一次), 所以都要個成兩個月啊! 不過就唔使吓吓等抽血過關先得囉!

    回覆刪除
  14. 努力呀!加油!pray for you..
    [版主回覆03/31/2010 12:09:00]多謝晒! 我會努力啊!

    回覆刪除
  15. 您好嗎?我第一次到訪您個Blog啊!您真係好勇敢呀,祝您早日康服,順順利利!
    [版主回覆03/31/2010 12:12:00]其實都唔算得上啲咩勇敢, 只係面對現實啫!
    好多謝你嘅到訪同埋留言祝福啊!  

    回覆刪除
  16. 祝早曰痊癒
    [版主回覆03/31/2010 12:12:00]多謝晒呀! Maymay!!

    回覆刪除
  17. 祝您早日康服...努力加油
    [版主回覆03/31/2010 12:13:00]多謝你嘅祝福呀! 我會努力啊!

    回覆刪除
  18. 根據記錄,妳應該在增磅!快些完成最後一針!努力!
    [版主回覆03/31/2010 19:35:00]係呀! 因為喺治療期間不繼咁食嘢吸收營養, 所以肥咗好多啊! 不過捱埋最收一針後就可以唔使再迫自己不停食嘢, 尤其啲討厭嘅奶粉呀!
    我會繼續努力啊! 多謝晒你呀!

    回覆刪除
  19. 喂, Shirley 復活節快樂啊  
    我明早出發, 會儘量影多D, 選靚D的櫻花送給你, 加油啊  
    [版主回覆04/01/2010 14:47:00]好啊! 好啊! 咁我多謝先啦! 你玩得開心啲啦! 一路順風啊! Happy Easter & Holiday!!

    回覆刪除
  20. 我要學習妳的樂觀態度﹐妳要加油﹐要有信心﹐一定會好起來的。
    [版主回覆04/05/2010 20:45:00]多謝晒你嘅鼓勵呀! 我會加油啊!

    回覆刪除
  21. 近來怎樣了? 應該打了最後一針是嗎?
    [版主回覆04/07/2010 18:19:00]未呀! 12號先覆診, 如果抽血報告合格應該就13號可以打最後一針啊! 不過哩排有啲感冒, 所以個人好倦同唔舒服, 希望下星期一可以順利過關啦! 你又點呀? 你應該已經完成晒化療過程喎?

    回覆刪除
  22. 好感恩我巳經完成咗化療啦! 化療的副作用正慢慢減褪 , 巳定了 12/4 去威院 晝位做模 , 相信會在 4 月尾展開電療.祝願你如期在13/4 順利打最後一針, 加油呀!
    [版主回覆04/08/2010 21:13:00]我都希望順利打到最後一針啊! 今日我都收到醫院電話15號(如果打到針)可以返去做電療嘅準備同見醫生, 我唔做係咪嗰日會做埋模呢?
    人哋話電療冇化療咁辛苦同副作用, 我都希望你一切順利, 快快完成晒啲療程, 早日康復啊! 大家一齊加油啊!

    回覆刪除