2010年6月21日 星期一

無無聊聊影街景

哩幾日天氣終於好返好多,而且個天重清咗好多,打開窗望出去個視野可以望得遠好多啊!


山頂廣場都清晰可見



九龍哩邊都起咗座高高嘅大廈同IFC2相對



夜晚都好清啊!好耐未試過咁清啦!平時成日都蒙查查有層冒咁咖!


以前可以見到成座IFC 2同埋上環嗰座大廈咖!平時放煙花都可以睇得到, 但兩年前喺前面起咗嘢阻住咗,而家已經睇唔到啦!



等我zoom近啲影多張先,香港夜景真係幾靚啊!



9 則留言:

  1. 府上地理位置好好0番,睇煙花咪正到暈?
    [版主回覆06/21/2010 18:50:00]! 呃得吓人哩!其實我zoom近咗好多咖咋! 個所謂海景都距離好遠咖! 不過可以遠望我都覺得好開心、好滿足啊!
    以前真係瞓喺張床到睇煙花咖! 但前兩年前面起咗座樓啱啱阻住放煙花個位, 所以而家只可以睇到放到最高最大嗰少少, 大部份都睇唔到啦!

    回覆刪除
  2. 九龍向海即是有南風窗,羨慕不少人呀!
    [版主回覆06/23/2010 19:48:00]我淨係知我間房係西斜, 但唔知係咪南風窗喎! 羡慕?? 我哩到並唔係啲咩貴價樓、亦唔喺黃金地段,所以唔使羡慕啊!

    回覆刪除
  3. 雖然睇得好少煙花,但係個景真係唔錯喎!夜景好靚呀!
    [版主回覆06/22/2010 18:43:00]係呀! 所以雖然個景遠咗啲但我都好滿足啦!

    回覆刪除
  4.   . . . .開始試相機 . . . 差不多可以準備出發了  
    [版主回覆06/22/2010 18:43:00]個相機舊咖! 只不過貪得意影嚟玩吓啫!

    回覆刪除
  5. 一年前去北國與你在網絡上溝通,一齊分享旅遊的經歷
    一年後路過貴網,更感受到你的堅強樂觀,.
    繼續努力,成功在望.
    [版主回覆06/23/2010 13:34:00]多謝晒你呀! 療程已接近尾聲啦! 一切都快成過去, 希望唔使好耐又可同你一齊分享一吓旅遊經歷啊!

    回覆刪除
  6. 小子推測妳是住在油尖區,寸土呎金呀!
    [版主回覆06/23/2010 20:17:00]哈...哈!!  小子真係太睇得起我啦! 我只係住喺九龍東一個小社區咋! 

    回覆刪除
  7. 好勁的長鏡啊!
    [版主回覆06/23/2010 20:39:00] ! 呃得吓人啊!

    回覆刪除
  8. 你家的夜景好靚啊!不用去山頂看夜景啦!
     
    [版主回覆06/24/2010 13:01:00]哈...哈!  呃得吓人啦!

    回覆刪除
  9. Shirley :           正喎 ~ "香港" 既夜景 , 絕對不下於 "函館" 呀 .  
    Bye Bye !
    [版主回覆06/24/2010 13:01:00]係呀! 香港同函館嘅夜景都喺世界三甲之內啊!

    回覆刪除