2010年11月3日 星期三

台中輕鬆四天團 ~ 26/10/2010 (Day 2 - Part 1/3)

今朝五點就起身準備迎接今日嘅黎明呀!

但係今朝啲雲好厚,根本就睇唔到日出嘅情況,只係望到天上一片紅霞,無幾耐個天就光晒嗱!




太陽出晒嚟嗱!好曬呀!但個天空真係好藍好靚啊!




肚仔餓,醫肚先!




不過唔好期望有好多嘢食,醫飽個肚就算嗱!


食飽又未夠鐘出發,又四周圍影吓相先。






哩到啲花都好靚呀!哩到個工作人員重送咗啲花連根比B女返嚟種呀!開心死佢呀!















哩到真係好靚、好舒服呀!


影完相都係時候離開,跟住就會再向山上走,目的地係青青草原



場內有表演睇人剪羊毛,但到步時表演已經開始咗,所以入口嘅工作人不斷催促我哋快啲入場,快啲行。

不過入到嚟嘅風景實在太靚嗱!我哋掛住影相,包晒尾,行嚟行去到行唔到去表演場地。











 





望到個表演場地嗱!






工作人員三兩吓手勢就將隻綿羊搞到光禿禿,羊仔好慘啊!


睇完表演就可以去喂吓羊仔,同佢哋玩,佢吔唔驚人咖!不過我就好驚佢哋嘞!佢哋以為我有嘢食,係咁跟住我,真係比佢哋嚇鬼死呀!









沿路行返出草原嘅出口就係一個擺攤檔嘅地方,賣一啲比較地道、家鄉嘢。











沿住檔口向上行就會見到一啲賣記念品嘅地方。


哩啲羊仔cute好多啊!









逗留咗個幾鐘,係時候開車離開清境嗱!

沿途落山都見到好多哩啲好靚嘅建築物啊!




                                                                                        .....續 (Day 2 - Part 2/3)


9 則留言:

  1. 青青草原四週嘅環境好靚呀!
    睇相都感覺好舒服.
    [版主回覆11/04/2010 08:49:00]係呀! 我睇旅行社啲行程時, 都係比哩到啲相吸引咗報哩個團咖!

    回覆刪除
  2.  
              看到D景0甘靚,真想即刻飛過去,呢度叫乜地方呀?
    又想不到台灣都有剪羊毛表演,我以為澳紐才有添,認真鄉里!
    [版主回覆11/04/2010 19:30:00]哩到叫清境,屬於南投縣,係近年新嘅景點啊! 個剪羊毛表演就擺明係模仿澳紐嗰邊嗰啲啦! 個老外都係一個識講國語嘅澳洲人嚟咖!

    回覆刪除
  3. 呢個洋人都算識走位了!
    [版主回覆11/05/2010 08:57:00]「 識走位 」係咩意思呀! 係咪即係識搵食呀?

    回覆刪除
  4. 真係好有瑞士 Feel,風景怡人,好舒服,我知妳和妳家人一定係好喜歡這處地方,妳介紹後有機會都想去呀!
    [版主回覆11/05/2010 09:01:00]係呀! 我選行程嘅時候就第一時間比哩到啲風景吸引咗,如果可以自己嚟重好呀!因為哩區重有好多風景區同花園,又有啲行山徑,真係好鬼啱你呀! 不過如果你同屋企去就緊係跟團好啲嗱! 哩到短短哋幾日真係一個唔錯嘅行程啊!

    回覆刪除
  5. 對,身在異鄉,競爭者少,較易搵食也!
    [版主回覆11/06/2010 09:31:00]哦!原來咁解,明晒!

    回覆刪除
  6. Shirley :            勁喎 ~ 唔係見到D中文字既話 , 以為去 "歐洲" D農莊果度 . 
    D羊毛好厚咁喎 , 果度天氣點樣 , 會否熱親佢地 ? 
    Bye Bye !
     
    [版主回覆11/06/2010 09:37:00]所以好多台灣人放假, 佢哋自己都會揸車嚟哩佢玩吓、住吓咖!
    哩到位處山腰,海拔千幾呎,通常比地面溫度少5-10度,係幾清涼同舒服咖!佢哋啲酒店九成都無冷氣咖!熱天都係比把風扇你咖咋!咁嘅環境所以應該唔會熱親啲羊仔。

    回覆刪除
  7. 你的相影得好靚呀! 想問你是跟哪個旅行社呀? OK 嗎? 因我我將會跟團去台中4天!THANKS!
    [版主回覆11/01/2011 07:26:38]多謝! 其實都係個境靚啫! ^o^ 我跟東瀛遊咖! 哩個團唔錯啊! 而且個導遊+領隊(同一人)做得好好, 好用心、好盡責。
    咁你玩得開心啲啦! 清境真係好靚, 隨手都會影到啲好靚嘅相, 到時你影多啲啊!

    回覆刪除
  8. 我都是參加東瀛遊呀! 又想問你個團的自由時間多唔多, 我想去誠品買書, 唔知酒店OR 逄甲夜市近唔近呢? 多謝你
    [版主回覆11/02/2011 07:38:46]我唔知你參加嘅團種係咪同去嘅一樣, 如果以我哋嗰團嚟講, 除咗返台中嗰晚外, 喺清境同日月潭都比較早返酒店, 但因為哩兩個地方都唔會有咩行, 所以自由活動時間都只會留喺酒店範圍內。
    至於返到台中, 喺逢甲嘅自由時間都係得個半鐘, 又要食嘢、又要行街其實都幾趕,如果你喺台中住嘅酒店同我一樣的話, 誠品就喺酒店後面, 你睇我day 4個網誌會見我喺酒店房影到誠品咖嘞! 佢平時開到十二點, 我嗰日係星期六, 所以通宵營業, 不過只限賣書嗰一層, 下面嘅商場同食市就會由八點至十點分別收舖。

    回覆刪除
  9. 講真,我覺得去清境,住一日係唔夠架。
    [1733回覆05/13/2013 20:14:27]所以你唔見我有機會我就會上去清境hea下咩?
    [版主回覆05/13/2013 12:45:16]我都咁話, 不過跟團無辦法啦! 哩到真係好靚好舒服啊!

    回覆刪除