導遊沿途講解哩到嘅歷史同故事，由於我哋興趣不太同埋老人家行得慢追唔上，所以我哋只係喺到影吓相，詳細嘅嘢就唔係好知啊！淨係覺得哩座建築物都幾宏偉。
我覺得個蓮池幾靚啊！
重有隻反肚熊貓伴襯。
好快又完成咗哩個行程，又係時候食晏嗱！話咁快就去到埔里四季料理。
繼續係一般嘅團體餐。
不過哩碟嘢就比較奇怪，所有嘢啲味道都好似唔係咁夾，不過隔離兩枱都清晒，係我哋哩枱都最後都係保持哩個樣呀！
食飽飯就去隔離嘅埔里酒廠參觀
哩到曾經發生過地震，喺重建時酒廠專登保留返一啲遺跡作紀念。
展覽廳擺放咗好多關於酒嘅用具。
展覽廳下層有好多特別小食，可以用作手信，價錢都唔太貴，但佢哋啲包裝搞到好大件，好唔方便啊！
出咗展覽廳行去對面，有好多賣熟食嘅檔口，原本我想食試食酒釀豆花，但因為實在太飽食唔落，所以放棄咗。最後都只係買咗條腸返酒店食咋！
哩行舖頭隔離有間賣台中特產嘅店舖，好似小型超市咁，我自己覺得如果要買手信的話，嗰到真係唔錯，種類多，價錢唔貴，買得多重有節扣。我之後出返台中市都買唔返哩到啲嘢，就算有啲價錢都貴好多。所以好後悔無喺哩到入貨啊！
(我掛住買嘢所以唔記得影相呀！)
跟住就向我哋今晚嘅酒店進發嘞！
.....續 (Day 2 - Part 3/3)
全部食物都係有酒嘅成份?
回覆刪除[版主回覆11/04/2010 08:47:00]佢大部份都用酒名加入食物名到, 我完全飲唔到酒, 但都食唔出有酒味囉!
回覆刪除善與惡的強烈對比，栩栩如生的雕塑，工藝一流，抵讚！
[版主回覆11/04/2010 19:43:00]我一向對啲佛像冇咩興趣，但中台寺哩到比到一種威嚴同宏偉嘅感覺，所以都謀殺咗我唔少菲林....呀！唔係...應該係謀殺咗我唔少記憶咭嘅記憶呀！
記憶卡係可以還原的，妳冇殺過什麼什麼。。。
回覆刪除[版主回覆11/05/2010 09:02:00]又好似係喎！
Shirley : 又真係幾莊嚴喎 .
回覆刪除另外手信部都幾企理 .
Bye Bye !
[版主回覆11/07/2010 07:59:00]但係啲手信pack到鬼咁大件，雖然俗語有云「底食夾大件」，不過咁大件點擉返香港呀？最後咪又係無幫襯囉！唔知點解哩樣佢無學日本，整得佢細細哋，精精緻緻可能重好生意呀！