台中輕鬆四天團 ~ 27/10/2010 (Day 3 - Part 1/2)

今朝一早起身第一件要做嘅事就緊係去浸返個溫泉啦！不過哩到要七點先開工，如果喺日本，通常六點已經可以開始嗱！

我哋係第一批入去，所以可以影吓入面嘅環境。

今朝女湯同男湯調轉咗，我比較鐘意今朝哩到，因為喺個溫泉池上面係開咗天窗，有啲涼風吹入嚟無噚晚咁焗呀！

中間圓形嘅係冷水池，當浸完大池嘅熱水，再落哩個冷水池，嗰種爽嘅感覺好難形容呀！

裡面啲設備好齊全咖！基本上咩都唔使帶落去。

浸完返房拾好嘢就去餐廳食個豐富嘅早餐。

餐廳出面望返酒店嘅樣貌。

餐廳面向日月潭。

食飽飽就出發去遊湖啦！

上船啦！我哋坐中華一號呀！

坐定定，開船嗱！

政府為保護原住民，所以哩到其他人係唔可以喺到捕魚，只有原住民先可以喺到搵食啊！

哩間酒店灰色嗰部係蔣介石同宋美齡嚟渡假所住嘅位置。

水霸

哩個島仔係因為地震而剩返哩少少，導遊話以前係可以上去行吓影吓相，但因為之前有啲大陸團唔守規則太多人一次過上島，令圍住個島嘅簡陋棧道臨咗，所以而家已經唔比人上去嗱！

台灣最矮嘅燈塔

中途有好多碼頭，通常啲大陸團都會上岸再行去山上嘅寺廟。

哩間係新起嘅酒店。

藍天白雲，好舒服啊！

大半個鐘頭就返上岸。

哩到啲艇仔返轉晒重落晒水。

表弟話哩啲景最好玩懷舊feel喎！等我試吓先！

完成咗遊船就跟住去毛王爺之家同孔雀園，我個人覺得一個比較無聊嘅行程。

沿途經過纜車站，哩個車站係新開，纜車上山嘅目的地係九族文化村，我睇過人哋嘅相，嗰到都幾特別咖！不過我哋就無哩個行程啊！

毛王爺之家係哩到嘅原居民賣土產嘅地方，包括有鹿胎、靈芝、蜂皇漿。不過我哋成團人都無幫襯呀！

轉吓眼就去到孔雀園

各團友又叫又跳，都無辦法叫到孔雀開屏呀！

最後由哩隻唔靚嘅孔雀開屏。

睇完孔雀就去食飯嘞！哩間酒家就係喺雲品酒店望到對面山頭嘅建築物呀！

門口放咗嚿大木頭。

哩到可以望返過去雲品酒店

開飯嗱！又係一餐普普通通嘅團體餐，最特別係左下角嗰碟鹿肉，咩味？我唔知喎！因為我無食到啊！

食飽飯就行過去對面馬路嘅文武廟，對於啲廟宇我一向都無咩興趣，難得今次所到嘅寺廟都比想像中好，我印象返大陸啲寺廟又大煙、又污穢，重昏昏暗暗添呀！但哩到啲廟幾乾淨同開陽啊！

 

哩啲手摺工藝真係好得呀！

寺內賣啲公仔幾得意啊！

肥豬仔都幾得意呀！

                                                                                    .....續 (Day 3 - Part 2/2)