2010年11月3日 星期三

台中輕鬆四天團 ~ 28/10/2010 (Day 4)

行程去到最後一日,今朝一早起身,天朗氣清,窗外見到好靚嘅公園,一於食早餐前落去行吓公園先。



誠品就喺下面咋!



另一面房嘅景




又經過春水堂嗱!




Hotel One 係台中市最高嘅建築物。



個公園好靚、好舒服啊!好多台灣人喺到做運動啊!



啲花幾靚。





行行吓又去咗便利店,裡面好多飲品我都未有機會試呀!好似「綠豆椰果」咁,未嚟嗰陣重話試吓,但哩幾日太多嘢食嗱!真係無辦法食得落呀!



最後買咗哩枝綠茶多酚,味道唔錯啊!我知哩隻嘢香港都有得賣,貴少少,但唔係成日有貨啊!



哩到有間西餅店都幾出名,都係喺酒店隔離咋!




行咗大半個鐘就返酒店食早餐嗱!哩間酒店啲早餐都幾豐富咖!



哩個奇異果枇好正咖!我食咗兩件呀!




食完早餐就出發去台中太陽餅專門店,最後衝刺將身上所有嘅台幣使晒佢。




幾大枝棒棒糖



買完太陽餅只係十一點,食完早餐無耐又話去食晏。


今次嚟哩間餐廳「伍角船板」主要唔係食佢哋嘅嘢,而係睇佢餐廳嘅設計,哩間餐廳係由一個女人一手一腳設計,由一枱一椅至一碗一碟都係由佢親手設計甚至製造。


















 



由旅啲杯、碟係店主自己造,所以隻隻都好厚、好重啊!




哩到啲伙記上菜都要好有手力呀!我諗洗碗嗰個都幾辛苦,個個碗碟都咁重。



食物就以fusion菜做招來,Hmm...唔好有過高嘅期望囉!不過不失啦!始終佢嘅賣點係餐廳設計而唔係食物呀!



食飽飽係時候出機場嗱!


全場得兩個閘口,一眼望晒。




我哋坐UO163 14:35起飛



上機嗱!



台中再見嗱!



好快又到派餐嘅時候,但真係重好飽,所以都食唔晒呀!



四點幾就返到香港嗱!



哩幅相係咪同上幾張好似呢?不過一張係台中機場,一張係香港機場,我post咗上嚟先發覺原來好似呀!



攞埋行李就正式結束今次短短四日嘅旅程啊!



總結今次嘅旅程雖然時間比較短,但因為兩家人難得一齊去玩,真係好開心啊!而且行程唔多又唔趕,所以感覺都好relax,但relax得嚟都玩到好攰,返到嚟香港瞓咗一日一夜先回氣啊!


                                                                                                        .....完


11 則留言:

  1. 個trip好似唔錯喎, 有時跟團都好, 唔使plan, 唔使煩!
    [版主回覆11/04/2010 18:19:00]你講啱我心意啊! 因為太多人, 人多意見多, 所以都係跟團好啲, 而且有四個長者都唔方便自由行啊!

    回覆刪除
  2. 間餐廳設計好特別,好似喺岩洞用餐.
    [版主回覆11/04/2010 18:20:00]係呀! 我最初睇人哋啲相覺得嘛嘛哋, 但原來去到個感覺又唔同, 都幾得意, 幾特別啊!

    回覆刪除
  3. 好羨慕你可以到處旅行!
    你d相片影得好靚,好專業;你係咪學過架?
    如果要戒口,旅行咪好麻煩囉。
    係邊度可買到個隻綠茶多酚飲品呀?好似好好味喎!
    [版主回覆11/04/2010 20:15:00]唔使羡慕喎! 好快你都可以四圍去咖啦! 多謝讚賞呀! 我冇學過咖! 亂咁影咖咋! 因為啲團體餐通常都係八送一湯,白飯任裝,所以有咁多碟送總有一啲係啱食, 如果真係唔啱咪抓多兩碗飯囉! 但我自己覺得ok啊! 今次哩個團餐餐都有魚、有菜、有豬肉,所以都啱食啊! 係行夜街就好多嘢唔食得, 咁咪陪佢哋高興吓囉! 都無咩所謂啊! 綠菜多酚真係幾好飲, 又可以排毒, 而家百佳都有得賣呀! 台灣賣六個幾港幣, 百佳都係七個幾之嘛! 不過就成日都缺貨, 如果你見到都不仿試吓吖!

    回覆刪除
  4. 未計手信,請問妳回來後,重了多少斤?
    [版主回覆11/05/2010 09:43:00]你指啲行李重咗定係我自己呀? 我無磅過呀!我諗都有幾磅卦!至於手信就最後pack多兩箱返嚟囉!

    回覆刪除
  5. 我都覺得妳影啲相愈來愈有水準。
    妳今次去這個團,看完後,住、食、觀光地方也幾好,妳今次介紹得唔錯,令我都想同家人去。
    [版主回覆11/05/2010 09:49:00]真係多謝晒!都全靠你教我點用部相機啫!我表妹今次帶咗部可以加鏡頭嗰啲相機,影出嚟啲相sharp好多呀!搞到我都心郁郁想整返部,但我驚搞佢唔掂呀!得閒要搵你指教吓先決定呀! 唔係幫人賣廣告,哩團真係去得過,唔太多買嘢嘅行程,而每個地方都好夠時間比我哋停留同影相,真係唔錯啊!

    回覆刪除
  6. 「 請問 妳 回來後,重了多少斤? 」問的當然是 妳 啦!
    [版主回覆11/06/2010 10:02:00]He ~ He!! 因為我見你又問手信,所以咪以為係講啲行李囉!

    回覆刪除
  7.  轉左個新 LOOK 0番!
    [版主回覆11/07/2010 07:37:00]喺facebook見到人哋砌自己個樣, 我見幾得意咪又試吓囉! 不過唔係太相似啊!

    回覆刪除
  8. 好詳細呀 ~ 正 ~
    [版主回覆11/10/2010 20:14:00]多謝...多謝! 不過都唔夠你詳細啊! 我都係因為睇到你啲相咁吸引先選哩個行程咋!

    回覆刪除
  9. Shirley :          開開心心咁玩幾日都唔錯喎 , 唔駛好似我去 "北海道" 咁 , 事前乜鬼都要搜集一番 ,   
    真係跟團有跟團既盞 . 
    Bye Bye !
    [版主回覆11/10/2010 20:17:00]各有各唔同玩法, 我始終比較鐘意自遊行, 自己鐘意去邊就去邊, 留幾耐就幾耐, 而且跟住自己一手一腳搞嘅行程實現嗰種成功感同興奮跟團係搵唔到啊! 你明啦!
    而且我份人....跟團都睇咗好多資料先去咖!

    回覆刪除
  10. 你個新look好qute呀 !! 但我覺得你真人應該會廋D......
    [版主回覆11/18/2010 19:27:00]哈...哈! 我真人個面都係圓碌碌咖!

    回覆刪除
  11. 玩完今個行程,有無諗過會再去台灣呢?
    [版主回覆05/13/2013 21:04:00]上網打幾粒字就搞掂,我唔當係唔使簽咁咖啦!
    [1733回覆05/13/2013 20:11:30][尤其而家唔使搞簽證]
    仲係要簽證架,在網上做嘛。係唔洗錢咋。
    [版主回覆05/13/2013 12:55:42]其實之我好多年前都跟過人去台北同高雄, 都覺得台灣幾好玩啊! 我諗我會開始去研究多啲哩個地方, 尤其而家唔使搞簽證, 到時要向你請教呀! 你咁熟台灣。

    回覆刪除