2010年12月17日 星期五

兩日一夜澳門行 (14.12.2010) 3/3

喺酒店坐穿梭巴士去漁人碼頭,幾分鐘就到嗱!






睇過啲介紹話哩到夜晚好熱鬧,有好多食市同酒巴,但我眼見就靜英英,而且好多舖頭都收咗工,不過哩到啲燈飾就好靚啊!







廣場中間有人唱歌,但無觀眾,我行上去問可唔可以影佢哋相,佢哋好開心咁叫我隨便影呀!




去到大街嘅盡頭係Rock's Hotel,個設計好古典呀!



望出去就係友誼大橋



日頭嘅金沙賭場成座建築物都係金色,夜間就好似隻UFO咁呀!





布達拉宮




行咗一圈就過返去外港碼頭,因為酒店嘅穿梭巴士已經收咗工,所以我哋就坐去匍京嗰啲穿梭巴士。


碼頭對面有個A貨水立方,哩到叫「海立方」。



哩輪葡京穿梭巴士唔係喺門口落車, 佢一車就去咗新葡京地庫個賭場入口,焗住我哋一定要入咗佢哋個賭場先可以返出去地面呀!


澳門而家起咗好多賭場,金碧輝煌、歐洲風格,但我覺得新葡京真係最特別,當你企喺座建築物下面,真係好感受到佢嗰種氣勢呀!新、舊葡京加埋一齊,真係成為澳門嘅標記之一啊!







影咗一輪相,個天開始落毛毛雨,咁我哋就沿住新馬路行返酒店嗱!




又經過議事亭前地,見無頭先咁多人,又忍唔住影返幾張先!



我好鐘意哩棵藍色嘅聖誕樹啊!真係好靚呀!





十點幾返到酒店,見到酒店大堂嘅蛋糕好似幾吸引,又唔太貴,所以買咗一件朱古力蛋糕返上房做宵夜,$17一件。




不過味道一般,而且好似唔新鮮啊!食飽飽就瞓覺,我哋嘅習慣係臨瞓先鎖門,但嗰刻先發覺原來房門有啲問題係鎖唔到,如果要求換房又好似好煩,又已經好夜,諗住都應該唔會太大問題,我叫大笨蛋將證件同錢自己袋住瞓,咁佢就好快好安樂咁瞓咗,但我自己始終都心卦卦,所以成晚都瞓吓醒吓呀!


                                                                                                         

here


                                                                       .........兩日一夜澳門行 (15.12.2010) 1/2


2 則留言:

  1. 澳門真係唔同哂,哩度我都未見過.
    [版主回覆12/18/2010 09:25:00]表面睇, 澳門而家繁華咗好多啊!

    回覆刪除
  2. 妳的相機影夜景很出色,乜牌子和型號呀?
    [版主回覆12/21/2010 07:39:00]我部機係Canon IXUS 850IS, 都用咗三年幾嗱!

    回覆刪除