瞓吓醒吓情況吓，終於都天光嗱！本來諗住一早落去游早水，但真係好攰，所以都放棄咗啊！
拾好嘢，七點半落餐廳食早餐。
我哋攞咗窗邊位置，望出去有個好靚嘅公園啊！
早餐以自助形式，都幾多選擇。
可以即叫即烚嘅粉、麵。
熱辣辣嘅豆漿，好味呀！
我嘅豐富早餐呀！一碟就飽晒嗱！
食飽飽就沿住酒店旁嘅斜路向上行去東望洋燈塔，途經「東望洋酒店」
行咗成半個鐘先行到上嚟，全程都係斜路，所以都行得幾攰呀！
上到嚟準備上個燈塔到，原來九點先開門，所以喺門口等咗十幾分鐘先可以入去啊！
聖母雪地殿 + 東望洋燈塔
而家澳門真係多咗好多建築物呀！
聖母雪地殿要10:00先開門，我哋無等嗱！影咗一陣相就返酒店check out 嗱！酒店門口哩間建築物幾靚！
由於真係好攰，所以我哋喺酒店附近坐的士過去主教山，$23都OK吖！
.........兩日一夜澳門行 (15.12.2010) 2/2
好耐冇去澳門,同以前唔同晒啊!
回覆刪除[版主回覆12/17/2010 22:11:00]我都幾年無去過嗱! 而家真係唔同晒呀!
澳門的旅遊配套做得好過香港。
回覆刪除[版主回覆12/21/2010 07:32:00]我都覺得係呀！尤其佢哋嘅交通指示真係好清楚啊！
(東望洋燈塔)好懷念呀,
回覆刪除記得細個時成日跟(老表)上去玩,真係情懷在心中呀!