2010年12月17日 星期五

兩日一夜澳門行 (15.12.2010) 2/2

坐上的士,輕輕鬆鬆就去到主教山嘞!


主教山小堂(Chapel of Our Lady of Penha)



聖母個樣好慈祥啊!



上次嚟嘅時候教堂無開放,今次就可以入嚟嗱!





教堂下坡有座聖母岩。



哩到無咩遊客,好寧靜、好舒服呀!



哩到望落去嘅風景都唔錯,上次嚟嘅時候條橋重係起緊咖咋!



望落山就係澳門嘅禮賓府呀!



然後沿住山路行返落山,好快就去到媽閣廟前地,哩到勁多我國同胞呀!旅遊巴都停咗幾十部喺到。我哋無入去參觀呀!一嚟係人太多、其次我哋對啲寺廟嘅地方興趣不太。



對面係海事博物館




哩個儀器係可以觀星座,但我睇極都唔明啊!




媽閣廟前有哩間「船屋餐廳」好出名咖!不過去之前要訂位先得咖,同埋今日係佢哋嘅休息日,所以我哋今次無幫襯啊!



跟住就坐11號巴士過去氹仔食晏。


又嚟到官也街嗱!哩間「莫義記」好多旅遊書都有介紹,不過我哋都無幫襯過呀!



穿過手信街就到達「木偶餐廳」嗱!




之前每次嚟澳門,我都會嚟間餐廳食嘢,不過今次哩個位置我都係第一次嚟。




哩到比起之前舊舖靚好多啊!





睇過好多評語話哩到嘅食物同餐廳職員服務態度比以前差咗好多,但我今次再嚟又唔覺啊!


我每次都點嘅「葡式青菜湯」,依然好好味呀!



燒沙甸魚,yummy!



燒乳豬仔,皮脆肉滑,哩個我第一次食,但一食就愛上佢嗱!



埋單$246,價錢都合理吖!如果下次再嚟,我都會選擇嚟哩到啊!


食完飯個天開始落雨同返風,再加上我哋都已經攰到行唔郁,所以決定搭車返酒店攞埋啲嘢就走嘞!


哩兩日不斷喺議事亭前地行嚟行去,但都無去到大三巴,好似總係差咗啲嘢,所以最後我哋都去咗大三巴作為我哋今次行程嘅終點站啊!


哩間「非凡藥房」本來無咩特別,但因為「非凡哥」所以我就幫佢影返副相呀!佢喺澳門都幾多分店咖!




雖然落緊雨,但哩到都仍然係遊人不絶啊!



                                                       .........旅程完畢,多謝收看


18 則留言:

  1. Pandora 香傭講法文2010年12月17日 下午5:16

    有歐洲feel!
    [版主回覆12/17/2010 22:09:00]係呀! 真係幾靚呀! 咁就緊係唔及法國嗰啲靚啊!

    回覆刪除
  2. 澳門歡迎您~
    [版主回覆12/17/2010 22:09:00]香港都歡迎您啊!

    回覆刪除
  3. 我都等緊老公得閒,陪我去澳門遊啊!
    [版主回覆12/17/2010 22:10:00]好呀...好呀! 近近哋過去行吓散吓心真係唔錯啊!

    回覆刪除
  4. Shirley :           "澳門" 都幾靚喎 , 可惜我未去過 . 
    Bye Bye !
    [版主回覆12/18/2010 09:26:00]我又睇唔出你未去過喎! 近近哋有機會都去行吓啦!

    回覆刪除
  5. 以前我都去過木偶餐廳呀!
    不過係舊嗰間.
    [版主回覆12/18/2010 09:27:00]係呀! 我之前都係去舊嗰間咖! 而家搬咗嚟哩到都係第一次去, 比裝修比以前靚好多啊!

    回覆刪除
  6. 食得咁少野既? 重唸住有多d 野等你介紹同推介tim
    [版主回覆12/18/2010 09:29:00]我盡晒力食咖嗱! 但真係無能為力呀! 我睇人哋個blog見到佢哋由朝食到晚, 我就真係好佩服呀! 我自己已經食到返咗肚嗱!

    回覆刪除
  7. 哈哈, Shirley 你就好啦, 可以放閒日慶祝生日. btw, 補番個
     "生日快樂, 身心健康, 事事順意 !!!" 小肥敬上.
    好多評語話"木偶"嘅食物同餐廳職員服務態度比以前差咗好多 . . . 其實都有佢既原因, 特別系假日, 嗰種混亂, 真系慘不忍睹 . . . .  同時, 依家D人, 只會揸住本書行, 逐間逐間點, 全部人撞埋一齊食差不多既野, 點會唔混亂 . . . . 所以, 我已經好耐無去D "人氣"景點, 去完亦唔再寫 . . . .  因為, 我迷失咗系日本 . . .. 仲未返
    [版主回覆12/18/2010 13:50:00]多謝小肥哥。我無盤川咋!如果唔係我都去日本迷失吓呀!唔使白白咁浪費咗成個星期假呀!

    回覆刪除
  8. 天氣凍 , 要加衣保暖啊 !

    回覆刪除
  9. 嘩!澳門風景好靚喎!碟燒乳豬睇落好好味!

    回覆刪除

  10.                  呢個取景角度都幾有創意,好0野!
    兩日行程有如此豐富體驗,值得妳再訪WO!
    [版主回覆12/21/2010 07:35:00]多謝..多謝!哩張相只因我懶,想一次過影晒公仔、建築物同埋大山巴。 係我無聊先會影埋咁多嘢啫!多謝小子咁誇場就真啊!你講得啱呀!澳門有時間真係會再去呀!

    回覆刪除
  11. 澳門雖然細細地 ~ 但仍然好吸引 ~ 美食靚景都有 ~ 真係好正 !!
    [版主回覆12/24/2010 08:19:00]係呀! 近近哋去行吓食吓嘢真係唔錯啊!

    回覆刪除
  12. Shirley, 你可以去咁遠...好開心呀!! 主教山個教堂好寧靜, 好優雅~
    [版主回覆12/24/2010 08:27:00]都唔算好遠啫!我好鐘意澳門啲教堂,主教山以前都好多人去,唔知點解今次無咩人,所以感覺好寧靜、好舒服啊!

    回覆刪除
  13. Shirley:Merry Christmas!

    [版主回覆12/24/2010 08:28:00]Thank you, Sandy!! 聖誕快樂呀!

    回覆刪除
  14.  







    聖誕節快樂!
    [版主回覆12/24/2010 19:25:00]Ling, 聖誕快樂呀! 身體健康、開開心心呀!

    回覆刪除
  15. MERRY CHRISTMAS!
    [版主回覆12/24/2010 19:23:00]Thank you Boop!!我都祝你有個快樂聖誕呀!

    回覆刪除
  16. Merry Christmas!    
    [版主回覆12/24/2010 19:23:00]Thank you HoBo!! 我都祝你有個快樂聖誕呀!

    回覆刪除
  17. 祝你聖誕快樂
    [版主回覆12/24/2010 19:22:00]多謝OK, 你都係呀! 聖誕快樂呀!

    回覆刪除
  18. (主教山)真係好靚,
    我哋.好幾年無去玩啦,現時太多自由行,同 太多賭場啦.

    回覆刪除