2013/04/22 ~ 2013/04/29 八日嘅中部北陸之旅完滿結束,哩個行程喺源自多年前睇到一幅立山雪之大谷嘅相,我就對哩個地方好感興趣,但睇過中部交通資料就覺得好頭痛,實在太混亂,無從入手,所以一直都淨係喺諗嘅階段。
直到今年年頭要計劃四月尾嘅行程,上網搵資料時,哩個時間,立山開山、上高地開山、砺波有鬱金香展,好似就係為咗夾啱我嘅時間咁,真係唔去唔得啊!用咗兩星期不斷咁睇資料,計劃到我自己認為天衣無縫嘅路線,多年嘅心願終於可以實現到啊!
雖然今次旅程喺上高地同埋新穂高遇到大大雪,令到原本嘅行程同想睇嘅風景都泡湯,但又因為哩場大大雪比我哋享受到落住大雪浸溫泉嘅滋味,零下七度瞓喺軟棉棉嘅雪上面喺感覺,飄雪下漫步兩小時,真係印象難忘。
今次嘅旅程更令我對中部念念不忘,而家希望明年秋天可以再一次到訪,紅葉下嘅立山、上高地應該會有另一番景像啊!
中部北陸後會有期。
今次旅程比舊年啲円平咗好多,但買哩嘅興趣反而無咁大,比起之前我去旅行買嘢嘅作風,今次真係買少咗好多。
就只有哩幾樣。
真是一個很難得的旅程, 令人回味無窮.
回覆刪除[版主回覆06/10/2013 07:27:30]係呀! 而家都重不時上live camera睇吓各地嘅情況呀! 真係好回味呀!
[今次使費交通同住宿佔咗好大部份,比起北海道重要貴啊!]
回覆刪除雖然我只去過日本兩次,但我覺得租車自駕平過搭公共交通好多架。
另外,點解你呢一個表攪到咁細,睇唔到D內容喎。
[版主回覆06/13/2013 07:40:40]我好似你咁copy & paste, 但啲位整極都唔啱位, 所以咪淨係capture咗個畫面做jpg放上嚟囉! 你將隻老鼠放喺張相上面click一吓就可以放大張相睇到啲內容啊!
等我得閒再搞吓個excel表先再amend吧!
真係每日都在回味
回覆刪除[版主回覆06/18/2013 20:30:05]係呀! 而家成日心思思睇吓幾時可以再出發呀! 我想睇紅葉呀!
都唔簡單架 , 買都幾多野丫 .
回覆刪除[版主回覆06/19/2013 07:04:56]比起之前, 尤其北海道, 哩期真係買少咗好多, 可能買咗個喼覺得肉痛, 28000円呀! 所以其他哩唔買囉!
雖然話日本冇咩通脹過, 不過我覺得唔到城市個價錢真係不一樣。
回覆刪除[版主回覆07/15/2013 12:29:26]係呀! 每個城市都有佢哋唔同嘅特色貨品同價錢, 中部嘅嘢都唔算太貴, 我覺得北海道啲嘢重貴啊! 不過交通費就中部貴啲啊!
嘩...d交通費咁貴...同瑞士真係有得比呀
回覆刪除[版主回覆07/15/2013 12:24:01]日本同瑞士都出名交通費貴, 而且我今次嘅路線大部份JR cover唔到, 所以用唔到JR pass, 而中部嘅交通費同住宿費比起東京大阪嗰啲又係貴啲, 所以加加埋埋真係唔平, 前幾年去巴瑞士十五日都係用咗HKD20,000, 而家中部哩個trip八日都用咗HKD17,000, 相比起嚟好似去瑞士重底啊!
個磁石貼好靚呀, 我好喜歡儲磁石貼的~~~
回覆刪除[版主回覆08/07/2013 07:31:12]我都好鐘意儲磁石貼, 每個磁石貼都有當地風景同特色, 買咗返嚟貼出嚟得閒望吓會好開心啊!
係呀 好開心的!
回覆刪除