2014年10月5日 星期日

Day 7.2 @ 鶴見綠地公園、溫室 (下) → 心斎橋

Day 7.1 @ 鶴見綠地公園、溫室 (上)
2014年5月24日 晴天
09:54~10:15 | [普通]大阪市営長堀鶴見緑地線 門真南方面(下り) 心斎橋 → 鶴見緑地
14:35~14:56 | [普通]大阪市営長堀鶴見緑地線 大正方面(上り) 鶴見緑地 → 心斎橋
16:04~16:06 |  [普通]大阪市営御堂筋線  なかもず方面(下り)  心斎橋 → なんば
17:30~17:31 |  [普通]大阪市営御堂筋線  江坂方面(上り) なんば → 心斎橋
(交通收費及詳細資料請往交通篇)
酒店:ホテル日航大阪

繼續睇花

 






啲大紅花真係好大朵啊!
啲顏色都好靚呀!


哩個係啲咩果實呢!

睇完啲咁靚嘅花之後已經到晏就,準備去食晏,但姨媽同B女見到溫室門外花店賣嘅小花好靚又好平,兩個花痴引又起嘞!


最後買咗哩五盆,我當時都擔心唔知佢哋點攞返香港,不過原來佢哋真係有佢哋嘅方法,五盆都完整無缺返到屋企啊!

公園內有個面向湖嘅餐廳,所以就喺到食埋晏先走。


B女同亞姨食嘅個便當

姨媽食牛肉飯

我同大笨蛋Share豬扒飯同豆腐皮烏東,好好味呀!

餐廳重有免費冷、熱嘅茶、水供應,真係唔錯啊!

對住個咁靚嘅湖,吹住涼涼嘅風,啲嘢食都特別好味啊!

食飽飽係時候就要打道回府啊!



返到心齋橋後先同三寶返酒店休息,跟住我同大笨蛋又再出動去難波,因為表妹前兩天搵唔到嘅嘢想我哋幫佢買,目標係士多啤利呼吸糖,我上網查過哩隻呼吸糖近期好受歡迎,一直都好奇咩呼吸糖呢!食咗會呼吸定呼吸住去食,所以就去難波搵嘞!

哩日行完公園真係有啲攰,所以唔行改搭地鉄過去,只係一個駅,而且得我哋兩個,唔使喺地鉄駅裡面為咗要搭電梯行一大段路,酒店大堂內行樓梯直落地鉄駅,入咗閘行樓梯直落月台,只係幾分鐘嘅事,之前為咗唔行嗰少少樓梯搞幾個字先去到月台,真係......無奈!

喺難波地下商店街搞咗一輪,終於搵到哩間傳聞中嘅手信店。

門口大大嘅字寫住呼吸朱古力

但原來係香港都有得賣嘅 Tiramisu朱古力,只不過哩到有多幾款味,同埋士多啤利味香港當時未有,但近哩一兩個月我都見到香港都有得賣啊!

買完之後都無咩特別嘢要行,所以坐地鉄返酒店同三寶會合,哩日早啲返去係想同佢哋落去大丸嘅超市買晚餐,經過前一晚嘅經驗,我唔想再行個幾鐘都唔知食咩,而且哩晚要拾行李準備第二日返香港,我無可能再同佢哋糾纏喺晚餐嘅問題上面。

落到超市,各人揀各人自己喜歡嘅食物。

三寶自己揀嘅晚餐幾豐富

嚟到哩一刻,其實我同大笨蛋都已經好攰,除咗係體力攰之外,成個人嘅精神同思緒都好攰,所以我哋真係要有個空間抖抖,哩期我哋唔同佢哋食嘞,一於返自己房食。

我哋都好豐富咖!可以食生嘢,可以食炸嘢。

啲魚生好好味呀

帶子沙律

薯仔沙律

前所未有咁酸嘅士多啤利,真係未食過咁酸嘅日本士多啤利。

食飽飽就拾嘢,哩個旅程唔算買得多嘢啊!

有啲重係幫人買添!

哩個貓貓碗幾得意,連裡面都有公仔咖!買嚟送比貓痴表妹就啱嘞!



..... 續   Day 8 @ 黑門市場、關西空港

4 則留言:

  1. 士多啤梨點埋練奶真係好好食。買時唔見側邊有賣埋咩?

    回覆刪除
    回覆
    1. 點煉奶……?!我比較鐘意齋食,係咪日本人無咁嘅習慣,所以無得埋呢?

      刪除
    2. 日本人好鍾意點練奶食喎,去温室摘士多啤梨實包一兜奶。我初初都無諗過㗎,食過你就知幾好味。

      刪除
  2. 係呀!咁我下次留意吓先!

    回覆刪除