〒401-0303 山梨県南都留郡富士河口湖町浅川132
TEL.0555-72-0010/FAX.0555-73-2783
http://www.fujiginkei.jp/
本館スタンダード】和洋室
1泊二食：27,000円(税込・サービス料込) / 入湯税大人150円
距離JR河口湖駅都有10分鐘車程，酒店有穿梭巴士由下午2:30至5:00從河口湖車駅接客人至酒店，到步後只需到旅遊中心叫職員打電話到酒店，酒店就會派人嚟接送至酒店。
如果自己坐巴士的話，只需要喺「眺望逆さ富士」駅落車，酒店就喺巴士駅斜對面，都好方便。
揀哩間酒店原因係本館每間房間都面向河口湖同富士山，而價錢亦算係喺河口湖中比較容易接受。有好多間酒店位置比哩間更好，但房價差唔多要二萬円一個人或以上，實在太貴了。
當上網查到哩間湖楽おんやど 富士吟景，無論評價同價錢都唔錯，而且房間都幾搶手，所以早在十二月尾已經訂房，剛剛當時有早割優惠，所以以27,000円訂到一泊二食嘅雙人湖景房都確實唔錯。
我哋訂房時係揀和室或和洋室，到步後就被安排最高層 ~ 四樓嘅和洋室。
入房睇睇先！先通過洗手間同浴室通道。
和洋室所以用西式床
一個小小和式編廳
有冷、熱水壺
茶杯、綠茶
一個浴室，但入住溫泉酒店，個浴室往往喺多餘啊！
枱面放住一啲小食，哩啲通常喺下面小賣部有售。
房間重點當然係一個大玻璃窗，一打開就可以見到富士山同河口湖！
但當日到步只有哩一番景像
不過好彩第二朝天朗氣清，我就係咁坐喺窗邊呆咗成半個鐘啊！
溫泉喺四樓，即係我哋住嗰層，所以好方便。溫泉外大個編廳可以休息同免費享用按摩椅。
跟住過咗條有好有風味嘅竹橋，有盞好古式嘅燈。
浴場內唔方便影相，露天溫泉喺五樓，要沖好涼喺室內溫泉浸一浸先可以上去，因為露天溫泉無沖涼位，同埋唔浸暖個身走出去會好易冷親。
YouTube 由 Ansami 上載咗一段片喺介紹溫泉裡面嘅環境
我上次都係住呢間，無得彈!
回覆刪除輝哥, 我真係要同你擊掌多一次呀! Give me FIVE!!
刪除