2015年4月11日 星期六

上野ホテル丸谷

上野ホテル丸谷

〒110-0005 
東京都台東区上野6丁目7番6号
TEL:03-3831-4308
FAX:03-3831-0554
http://www.hotel-marutani.com/



2015年03月17日 から 1泊 和室6畳 (二入房)
10,500円(税込・サービス料込)  素泊

2015年03月19日 ~ 20 日 から 2泊 和室6畳 (二入房)
20,600円(税込・サービス料込)  素泊



除咗套票包嘅酒店喺新宿外,我一早鎖定喺東京要住上野區,因為我自己覺得上野地區幾方便,而且住宿費亦較為相宜,原本諗住訂之前第一次嚟東京住過嘅ホテル日光館 (上野日光館) ,房價只須要4,500円就可以訂到和室二人房,佢係由一個老婆婆主管,但我出發前睇返近期嘅評語,好多都話清潔程度久佳,有小強出現喺房間。哩點係最令我不能接受,所以就另覓一間。

揀哩間ホテル丸谷首要係地點方便,房價雖比日光館貴,但都還可接受,最重要係有個浴場,有睇開我個blog嘅朋友都知哩點絶對係我取決嘅重要因數。

由上野JR駅出,唔使五分鐘就可以到達。

出咗車駅,過馬路後喺0101旁行入去。



行到尾會有分义路,當見到哩間磯丸水產店舖行左手邊。

一轉入左手邊嘅街就已經可以見到酒店嘅招牌啊!

大堂喺地下








大堂有電腦供應收費使用

浴湯開放時間由下就三點到第二朝八點,不過地方唔大,最多只可以同時容納四個人同。

上房啦!走廊有啲屋村feel呀!

入去睇吓先!頭一晚房間同網路上嘅相片一模一樣。 先喺門關位,右邊洗手間。

浴室係日本傳統嘅原個啤出嚟,面積比較細,不過我哋都係去浴場,所以影響不大。

一眼見晒,兩份床舖,一個不能打開嘅窗。

另一位置睇,家徒四壁都應該係咁啊!

由於地點方便,而且住和室房都唔算太迫,如果再有機會到訪,哩間酒店都會係我首選。

不過有兩點要注意係哩間酒店係無禁煙房,每個房間都可以吸煙,所以有評語話房間好大煙味,而我出發前已發了電郵比酒店叫佢哋盡量安排無煙味嘅房間。 三晚住咗兩個房間都無煙味嘅問題。

而另外一點係成間房得一個插頭,對於我哋而家咁多電子產品需要义電的話係一個難題,好彩我係有帶拖板,同埋先將電視同雪櫃嘅電源攞嚟义咗電先。

到行程最後兩晚從輕井澤返嚟都係住哩間酒店,訂嘅房係一樣,但租金平咗啲,到入住時被安排嘅房間面積亦比之前嘅房間大少少啊!

一入房多咗個地台先到和室房,雪櫃亦放咗出嚟哩到,雪櫃插頭下有多一個插頭位可以用。

浴室一樣大

房內多咗電視機位同埋衣櫃位,不過窗仍係鎖住開唔到的。


2 則留言:

  1. 我好似都系住呢間. 不過一個人, 魰只系一晚. 剩系記得 見到間磯丸水產店舖行左手邊 . . .

    回覆刪除
    回覆
    1. 咁啱! :) 住哩間真係幾方便呀!

      刪除