2018年10月13日 星期六

Day 5.1 @ 松山城

Day 5.1 @ 松山城

2016年10月11日 / 星期二 (第五天)    利用「JR四國鐵路周遊券」
07:37 ~ 10:05 | 特急いしづち1 号 | 高松(香川県)→ 松山  (指定席)
10:20 ~ 10:31 | 伊予鉄道ホーム 市内電車 ⑤番 | JR松山駅前線 | JR松山駅前→ 市役所前
16:39 ~ 16:51 | 伊予鉄道ホーム 市内電車 ③番 松山市駅線 | 大街道 → 後温泉駅

(交通收費及詳細資料請往實際交通篇)
酒店:道後温泉 八千代

因為哩日車程比較長,所以早點出發,首先check out 同時將大件行李寄往後日入住琴平嘅酒店。
攞住輕便嘅行李就到高松駅坐車前往松山。



高松駅內有麵包超人做主題的便當及擺設。





列車已經停咗喺月台上,只有兩個車間。

指定席也共佔半個車廂。

由高松前往松山需要兩個半小時,上到車補睡一吓就到達松山,喺高松上車時列車明明只得兩節,但喺松山落車時,列車竟然變成十多節,好神奇啊!



喺JR駅對面就係市内電車站。






我本諗住喺大街道商店街落車就可步行到松山纜車站,但上車後有點疑惑,以為自己坐錯相反方向,所以問一問車上嘅乘客,點知原來佢都係香港人,佢話佢都係去松山城,跟佢喺道廳前落車就啱,唔使去到大街道商店街咁遠,見佢咁有信心咪跟住佢囉!點知又係錯誤嘅選擇,原來佢諗住行上松山城,道廳前嘅站係步行上山嘅入口,但我係要坐纜車上車,所以應該係喺山嘅另一個方向,佢跟本就唔知可以坐纜車上車。

就係咁佢到咗入口一聲拜拜,我哋就要繼續行多兩個車站去返大街道商店街站,又一次教訓要對自己有信心啊!





纜車站內有Locker,我哋先將背包寄放好再輕鬆前往松山城。


售票機有多種售賣方案,我選了來回纜車票+松山城入場劵。

乘扶手電梯上二梯坐吊車,有一幅好有氣勢嘅畫。


上松山城可以選擇坐纜車或得張椅嘅吊車,問B女坐邊種,佢話緊係要坐腳fing fing嗰種啦!上次喺富良野又係坐哩種吊車,佢坐得好開心呀!


到達松山城後在城內遊覽車一周,因大家之前都曾遊覽過幾個城,所以感覺似曾相識,城內同樣有窄窄又斜嘅樓梯,上落都要比較小心,喺頂樓休息一吓,影咗一陣相就落山食晏了。






當日好多小朋友嚟旅行呀!





上天守閣先要換上拖鞋,自己對鞋有Locker可以鎖住,唔使自己攞住!


要出埋對手爬又窄又企嘅嘅樓梯。




終於爬到上天守閣,可以高高咁遠眺松山市。




因已諗好要去五志喜食五色麵,所以返落大街道商店街後雖街道兩旁店舖好吸引,但都先往餐廳食飽飽再行。




哩間係老字號店舖,五色麵的確好好味。





所以臨走時都係舖頭小賣部買咗一包五色麵帶返香港回味呀!

食飽開始行街,最吸引我哋嘅係100円店。

大槪四點多便乘搭電車前往道後溫湶。









3 則留言:

  1. 回覆
    1. 🙄係食唔出有五種味,只食到麵嘅味道😂😂

      刪除
  2. 我都有去五志喜呀,但係唔知佢d麵出名叫咗鯛飯

    回覆刪除