2018年10月14日 星期日

Day 6.2 @ 琴平金刀毘羅宮

Day 6.2 @ 琴平金刀毘羅宮

2016年10月12日 / 星期三 (第六天)    利用「JR四國鐵路周遊券」
08:11 ~ 08:35 | 伊予鉄道ホーム 市内電車 ⑤番 JR松山駅前線 | 後温泉駅→JR松山駅前
09:15 ~ 11:20 | 特急しおかぜ12 号 | 松山 → 多度津 (指定席)
12:26 ~ 12:40 | 土讃線普通 | 多度津 → 琴平
16:26 ~ 16:30 | 的士 | JR琴平 → 琴平パークホテル

(交通收費及詳細資料請往實際交通篇)
酒店:琴平パークホテル  (Kotohira Park Hotel)  http://kph.anabuki-enter.jp/

沿住商店街前往金刀比羅宮,前往金刀比羅宮需要上七百多級樓梯。比諭為日本人一生人要去參拜一次嘅寺院。



山腳有些喬供遊人乘坐,但他們也只是抬到四百級樓梯的中途休息站,如要上金刀毘羅宮還是要自己爬三百多級樓梯。


頭嗰二百多級有各種商店在旁分散注意力所以感覺不太吃力,













見到「五人百姓」表示快到中途休息地方。「五人百姓」是五個擺賣日本轉統糖果加美代飴的擺攤,只有這五家是特許在園來擺賣,據說是因為這五家的袓先在建金刀毘羅宮時有重大貢獻,所以他們有著這個特許,當日我們只見到四檔,還有一家休息吧!



這個捐了錢就可以留名


繼續再上到四百多級時會有休息地方、餐廳及洗手間。B女就喺哩到止步。



這裡有一匹黑馬,當地人叫它是神馬。


有說因為這裡樓梯太多,以前很多善信因行動不便不能前來參拜,於是就把想要參拜的任務委託小狗代為執行,所以現在這裡有專金比羅狗在此。






我同大笨蛋繼續努力向上,最後嗰一條長樓梯我就覺得最辛苦啊!終於到啦!
用咗差不多一個鐘終於上到金刀比羅宮,由高處望下嘅風景真係好靚!





當天朗氣清可以望到遠處。

喺哩到逗留咗大槪半小時就開始往下走,落樓梯真係比上樓梯輕鬆得多。好快就去到餐廳位置同B女匯合,然後食咗杯大雪糕先走。






返到落地面都四點多,哩晚住嘅酒店離車站或商店街有點遠,但價錢相對比較平,我哋先步行返車駅Locker攞返行李然後坐的士前往酒店。幾分鐘就可到達。


酒店頂樓有大浴場,最好就是消除剛行完幾百級樓梯嘅疲勞。酒店算是在琴平市比較高的建築物,可以居高臨下看到琴平市。

泡完湯休息一陣就到酒店前面商店搵食。

其實選擇不太多,原本諗住喺超市買點熟食、壽司,但款式不太合意,剛好超市旁有間烏東店,正值有點冷想食一啲熱騰騰嘅食物,所以就二話不說走入這店舖。

價錢不太貴,味道不及晏就商店街裡的烏東店,但總括也不錯。





食飽到超市買些生果做宵夜,就返酒店再泡一次湯就早抖了。





2 則留言:

  1. 周圍都得烏冬同骨付雞,呢頭食嘢悶啲。

    回覆刪除
    回覆
    1. 真係選擇唔多,不過一餐半餐都無所謂啊!😁😁😁

      刪除