2016年10月11日 / 星期二 (第五天) 利用「JR四國鐵路周遊券」
07:37 ~ 10:05 | 特急いしづち1 号 | 高松（香川県）→ 松山 (指定席)
10:20 ~ 10:31 | 伊予鉄道ホーム 市内電車 ⑤番 | JR松山駅前線 | JR松山駅前→ 市役所前
16:39 ~ 16:51 | 伊予鉄道ホーム 市内電車 ③番 松山市駅線 | 大街道 → 後温泉駅
(交通收費及詳細資料請往實際交通篇)
酒店：道後温泉 八千代 http://www.e-yachiyo.co.jp/
電車好快就將我哋帶到道後溫泉，車駅旁放住少爺火車嘅車頭，向前行會見到溫泉街嘅地標 – 音樂大鐘，每逢搭正音樂大鐘會有公仔走出嚟報時。但當天我哋並無特別預時間欣賞。
沿住溫泉商店街行咗陣後，就到達道後溫泉館，一個千與千尋的畫面就出現喺面前，館外有一條長龍排隊入內享用哩個千古溫泉。但我未嚟之前已經決定唔會入去浸哩個溫泉，因為知道內裡溫泉面積相當細而遊人相當多，感覺不太好。
喺館外影咗一陣相就前往當晚住嘅溫泉酒店- 八千代。
一踏入酒店覺得酒店大堂相當豪華，感覺非常興奮，但職員搞咗一輪都搵唔到我嘅預訂紀錄，最終原因係因為我哋入錯酒店，我訂嘅八千代其實係喺哩間酒店後嘅橫巷行過去先係。雖然八千代都係一間唔錯嘅酒店，但因之前嗰間嘅華麗大堂確實令我入八千代嗰一刻係有少少失落。
辦理好入住手續後就先快速浸個溫泉然後就去食飯。
晚飯款式及味道一般吧！ 食飽再浸過溫泉就返房早早休息了。因明日行程需要體力啊！
沒有留言:
張貼留言