2016年10月13日 / 星期四 (第七天) 利用「JR四國鐵路周遊券」
08:35 ~ 08:40 | 的士 | 琴平パークホテル → JR琴平
09:01 ~ 09:43 | 特急しまんと5 号 | 琴平 → 大歩危 (指定席)
14:02 ~ 14:30 | 乗合バス 祖谷線 | 大歩危峡 → かずら橋
(交通收費及詳細資料請往實際交通篇)
酒店：新祖谷温泉 ホテルかずら橋
巴士兩點準時到達，半小時車程就到達。
落車後沿小路便可前往祖谷蔓橋。
喺快到橋入口處有家無人看管小店內有存物櫃可用 ，如果攞住行李唔方便帶落橋參觀，可先將行李放喺到。
遊橋是單向 ，比咗錢之後就只能往另一方離開，如走回頭路收費處會再收一次過橋費，當然你可以喺橋上不斷來回，但最終只可在另一方離開。
睇人哋相片睇得多，自己終於嚟到真係好興奮，過橋時真係一步一驚心呀！橋好高，罅隙好大。
過橋時也破多人，好彩我哋有時間可以慢慢行，所以可以影到全無人嘅全橋景，超滿足。
跟住就去埋蔓橋隔離嘅小瀑布。哩日河水唔算大急流，所以我哋都走咗去河邊影相同玩水，環境實在太舒服，令人樂而忘返，真係唔捨得走呀！
逗留咗都個幾鐘後，我哋就步行往當晚嘅酒店，其實係有巴士由祖谷蔓橋前往酒店，只是一個巴士站嘅距離但需要等多個多小時才有巴士到，所以我計算過用祖谷蔓橋哩個景點作尾段，咁完成後就可步行十多二十分鐘就可到達酒店。沿路有一點點上斜，但也不大辛苦。
四點多到達酒店，辦理好入住手續後就先浸溫泉，除了可消除一天嘅疲勞外，因為哩間酒店有個露天溫泉需搭纜車前往，所以好期待去睇睇呀！
由於到達時間尚早，浸浴嘅人也不算多，環境確實唔錯，不過沖身位只有簡單兩格，相信係想大家喺大下面大浴場沖好涼先上嚟。
大家靜靜的欣賞這山區寧靜又舒服嘅環境，但當我哋正投入這醉人嘅環境時，突然有六、七位大媽相繼擁至，佢哋又大聲，又無規矩，重要同隔離男湯嘅人大聲對話，一個寧靜嘅環境完全被佢哋破壞晒。
重要佢哋全部都未沖身，見得兩間沖身位要等就話唔想等所以唔沖嘞！嘩見到咁環境重唔嗱嗱聲起身著衫走人。
當晚同第二朝都無再上去哩個露天溫泉啦！一嚟怕咗佢哋，二嚟可能個個都上晒去上面露天溫泉，下面室內溫泉完全無人，我哋晚上同早上都好似包場咁，自己玩晒，重有冰池同桑拿房，玩得更開心啊！
搞掂換好衫就去食飯，今晚嘅晚餐不過不失，最特別係有一條燒魚。食飽浸吓溫泉就去休息了。
網誌管理員已經移除這則留言。
回覆刪除