2016年10月14日 / 星期五 (第八天) 利用「JR四國鐵路周遊券」
10:30 ~ 10:45 | 的士 | ホテルかずら橋 → 大歩危 2,800円 (934円)
11:03 ~ 11:21 | 特急南風10 号 | 大歩危 → 阿波池田 (指定席) 1,500円
11:25 ~ 12:36 | 特急剣山6 号 | 阿波池田 → 徳島 (指定席) 3,340円
14:45 ~ 14:50 |「眉山ロープウェイ」往復：1,020円
15:30 ~ 15:35 | 「眉山ロープウェイ」
(交通收費及詳細資料請往實際交通篇)
酒店：ホテルサンルート徳島 (Hotel Sunroute Tokushima)
又係一早起身去泡湯，然後食過早餐後返房稍作小休，原來打算坐巴士離開可以直接回到阿波池田 ，但巴士班次要喺九點前開出，我又唔想太早離開酒店，不竟比咗咁多錢住宿費，想慢慢咁享受吓溫泉酒店嘅設備，所以前一天已通知櫃檯職員幫我哋安排的士離開，咁我哋到咗十點先Check Out，然後搭的士離開返回大歩危。雖然短短十多分鐘嘅路程，司機友善地同我們傾談，但可惜大家言語不通，雖不大明白大家講咩，但好感受到佢哋嘅熱情同友善。哩啲而家喺日本大都市已經搵唔到啦！
個多鐘頭後就返到德島啦！
先去酒店放底身上行李就前往欣賞阿波舞及坐吊車往眉山山頂。
由酒店步行往阿波會館都係幾個字，阿波會館旁有間簡單神社，入內逛一圈後尚未到阿波舞表演時間，所以喺會館手信店徘徊到表演時間。
一向對舞蹈表演不大感興趣，開頭都有猶疑睇唔睇哩個表演，最後睇完結論係值得一睇。表演中有中文字幕令大家容易明白節目內容，演講者說話風趣，在尾段更邀請台下觀眾上台一齊參與，令在場氣氛掀起高潮，跳得好嘅觀眾更有獎狀及紀念品，其中一個係香港人啊！之後一日喺鳴門重同佢相遇呀！
表演過後就跟住上會館頂樓乘吊車上眉山山頂，由於天朗氣清，一個普通嘅景色也顯得份外耀眼。
落山後就返回酒店Check In，酒店頂樓有大浴場，所以先去浸浴再研究吓晚飯食咩好！
德島比我想像中鄉下，並未有岡山嘅熱鬧，街上近JR車駅算是最多店舖聚集，行一吓土產店後就到百貨公司超市買晚餐返酒店享用，食飽又再一次去浸浴後休息。
沒有留言:
張貼留言