2008年7月26日 星期六

巴黎、瑞士之夢想自遊行(第九天)

05/07/2008(星期六) 晴天   策馬特(Zermatt)→勞特布魯尼(Lauterbrunnen)


今朝五點幾就爬起身,好彩重未日出,等到 5:47開始日出啦!陽光開始慢慢咁射向馬特洪峰啦!








到6:15成個山頭都光晒啦!真係好滿足呀!


睇完日出LH都起身啦!平時hostel係七點先開始有早餐食,但唔知係咪今日有馬拉松比賽呢!我哋六點九落去canteen早餐都已經開始重好多人添!其中有好多係參賽選手,有啲年紀都唔細嫁啦!真利害!



食飽飽我哋就返房收拾晒我哋嘅行李離開哩到啦!今朝我哋唔搭巴士啦!因為除咗唔知要等幾耐,而且落斜都好輕鬆姐


哩輪就係策馬特專用嘅環保電動車嘞



馬特洪峰又再躲藏喺雲層裡面啦



馬拉松嘅起步點呀



我哋搭八點八開出嗰班車出去勞特布魯尼(Lauterbrunnen),全程差不多三個鐘頭但要轉幾次車,Visp、Spiez同埋Interlaken Ost轉,而今日係咁多日以嚟遇到最多人搭車。唔知係咪星期六嘅關係,基本上好多人都係向Interlaken個方向去,多人到連行李都冇地方放。



但都好順利去到Interlaken Ost轉車,哩到我哋都好小心咁睇清楚上嗰個車廂,因為哩班車係會喺中途一分為二,前半節去格林戴爾華德(Grindelwald),後半節先係去我哋要去嘅勞特布魯尼(Lauterbrunnen)。



十二點就到咗Lauterbrunnen,我哋係哩到會住三晚,選哩到係因為我睇到哩到啲資料覺得真係好以海迪住嘅地方,尤其嗰個修塔布巴哈瀑布真係同海迪片頭打鞦韆嗰景一樣,而且哩到嘅住宿費都比Interlaken同Grindelwald平。




我哋今次哩間hostel好近車站,出咗車站轉上大路第一間就係,真係勁方便


http://hk.myblog.yahoo.com/jw!xKRw0VmBGB4ShQv8ezyHYho1NuoRnw--/article?mid=2898




而且哩間Valley Hostel口碑好好,我三個幾月前訂三人房,但今晚都已經full!所以今晚只可以住六人大房,明日同後日先可以轉去三人房。


去到未夠時間check in,阿老板伯伯叫我哋放底啲行李三點後先再返去check in,咁我哋就喺佢個飯堂食埋個晏就出去





我哋第一站就去繆倫(Mürren),用Swiss pass坐纜車唔使比錢。







哩個小鎮好寧靜好舒服,而且哩到有好好靚花花。





行行吓經過一間新加坡華人開嘅餐廳,老板同我哋傾咗陣計,我哋咪話plan明日去少女峰,但佢竟然話點解今日咁好天唔上去,明日會落雨喎!到時咩都睇唔到!唔係嘛!而家咁好天明日點會落雨呀!但我知佢哋當地人睇天氣真係好準嫁!策馬特個伯伯已經係一個好例子啦!死啦!咁點算呀!唯有而家影返夠本先啦!老板話前面哩個就係少女峰!但我都唔知邊個打邊個。




回程啲風景



行咗輪我哋就返去Lauterbrunnen然後轉車去威根(Wengen)又係有Swiss pass坐纜車唔使比錢。






有吊車可以再上山哩程就要比錢但Swiss pass就有折不過我哋冇坐。



行咗陣之後!B女喺麵包舖買咗嚿不明物體做High Tea喎!嘆完之後本來諗住去圖魯梅爾巴哈瀑布(Trümmelbach Falle)嫁!但係嗰到六點姍門而家過去都應該趕唔切所以就返去hostel check in嘞!



佢同LH都話好食,我就嘛嘛哋嘞!我發覺佢兩個啲口味越嚟越夾喎!




返落嚟時喺纜車攞包餅出嚟食發覺包餅發漲呀唔知係咪上咗高啲氣壓嘅問題呢




返到Hostel好快就搞好手續不過勁多人呀阿伯伯重比張鬼咁長嘅手則比我睇,我都睇唔切,唯有影低佢先



我哋見都幾多人,所以攞咗房擺好晒啲嘢就嗱嗱聲落去廚房煮嘢食先啦




食飽飽都係7:30,咁我哋就出去四圍行吓







修塔布巴哈瀑布(Stabbach Falle)








散完步就返去沖涼瞓覺


哩張係喺間房到影出去嫁



: Supermarket: CHF12.40 (脆肉瓜、蕃茄、香腸、蘋果、乳酪)


    麵包2個: CHF4.40


手信: CHF11.60


        Postcard : CHF0.80 x 3


: CHF75.00 (CHF25.00 x 3)


 

8 則留言:

  1. 看妳們的相都感受到妳們的開心呢!
    看到Lauterbrunnen的相更有份親切感呢!
    [版主回覆07/26/2008 21:44:00]我朋友睇到我哋啲相都話今次我哋玩得好開心,而B女更比我哋玩得癲,我好慶幸自己今次有帶佢嚟,令我今次嘅旅程無憾,所以真係好多謝你嘅提醒,否則真係唔會有今次咁完滿嘅旅程啊!

    回覆刪除
  2. Mt. Matterhorn 日出, 好靚 ! 超靚 ! 好黃金燦爛 feel ! 如果真係再去, 一定要早啲起身睇睇. (喺旅館附近影嗎 ? 相信喺嗰度睇, 應該都會好靚 !) 你影啲相好靚呀 !       我嗰啲就偏向曝光多咗 (同埋六月好曬). (不過, 我未 upload 相上 blog.)    
    [版主回覆08/01/2008 21:38:00]我係喺hostel間房到影出去嫁! 我哋相都係一般咋! 因為我唔係好識攞角度,我哋呿嗰陣都好曬呀!我哋重曬傷咗添呀!

    回覆刪除
  3. 我都有去過一個類似嘅瀑布, 好可能就係你呢個呀, 我地D團友仲喺到玩笨豬跳添呀, 不過我冇玩.
    其中一晚唔知咩事, 喺瀑布前放煙花呀, 係大型果隻喎, D煙花好矮, 好似可以伸手摸到咁, 真係好靚.
    [版主回覆08/08/2008 21:14:00]如果你係參加學聯嘅巴士團就係嚟哩個瀑布啦!因為我個同我一齊去個friend之前都跟過巴士團嚟過哩到啊!
    放煙花你都遇到真係好彩啊!

    回覆刪除
  4. 張係喺間房到影出去相 ! 令我好懷念第一天從房間望向窗外的震撼的感覺!!
    [版主回覆09/16/2008 07:30:00]係呀! 間房一打開隻窗就可以見到馬特洪峰,所以真係好滿足呀!

    回覆刪除
  5. 我果時去左少女峰,馬特洪峰都好靓啊...
    [版主回覆09/22/2008 21:24:00]係呀, 馬特洪峰真係好靚, 所以我自己就比較鐘意策馬特多過少女峰, 如果再有機會去瑞士我一定會再去策馬特睇馬特洪峰啊!

    回覆刪除
  6. 陽光射向馬特洪峰, 真的很美!
    [版主回覆10/08/2008 19:07:00]係啊! 我見有個blog佢哋直情凌晨就上山睇日出重靚呀!
    http://hk.myblog.yahoo.com/familybe/article?mid=16251

    回覆刪除
  7. 好靚的太陽出來了, 好有神跡feel!  
    [版主回覆10/28/2008 18:44:00]我都好開心睇到咁靚嘅日出啊! 如果可以近距離睇重滿足呀! 我見有個BLOG友凌晨就上山睇日出呀! 真係好靚好壯觀呀!

    回覆刪除
  8. Hi Shirley,
    想請問你POST出來既地圖, 係邊度可以搵到?
    我又打算5月中去瑞士, 其實同你個行程差唔多,Thanks!
    [版主回覆01/04/2009 14:38:00]Hi Kevin, 多謝到訪, 個地圖係喺瑞士旅遊局攞咖! 如果你買swiss pass都會送哩一份SBB嘅路線圖, 不過我都覺得你去瑞士旅遊局攞會好啲! 嗰到除咗地圖重有好多資料供參考咖!

    Switzerland Tourism (HKG) Suite 1116, 11/F, Ocean Centre, 5 Canton Road, Tsim Sha Tsui, Kowloon, Hong Kong  Tel : (852) 2865 6505
    但辦公時間我就唔清楚, 因為我係朋友幫我去攞咖!
    你五月去都應該幾好喎! 因為未到暑假啲機票同住宿都冇咁貴,如果你有問題再問我吖! 其實我都係半桶水咖咋!! 哈...哈..!
     

    回覆刪除