2009年10月24日 星期六

09'新加坡遊-第三日

17/10/2009 晴天 

Tanny
  新加坡 à 香港


今日係喺新加坡最後一日,唔想去得太遠,所以就去小印度啦!而喺小印度區嘅附近有間食叻沙好出名店舖,於是我哋第一站就去嗰到食早餐先!


九點鐘落去Check Out 咗放底啲行李就出發啦!



噚晚哩條街好鬼熱鬧,而家拍烏蠅呀!



哩到有啲街邊檔開咗啦!



開始入咗小印度區啦!





行咗一輪開始入咗去人哋啲屋村裡面睇地址應該係屋村內嘅熟食中心嚟!喺27座地下




但搵嚟搵去只有26同28座編編就冇27座見公園有三個亞伯坐喺到咪諗住問吓佢哋囉!點知佢哋一樣好似我哋咁蒙萬話27應該喺26同28之間我夠知亞媽係女人啦!咁即係喺邊先得格!


跟住我去間電器舖問個老闆,比本旅遊書上個地址佢睇,佢即係手指右面話轉彎就係啦!佢問我喺邊到嚟玩,重問我本書係咩書嚟,佢跟住洞起手指話哩本書好嘢!唔知係咪話咁山咖啦都介紹到嚟呢?



真係一轉個彎就見到個熟食中心,咪即係香港舊屋村嘅大排檔格局囉!不過哩都就乾淨好多啊!



就係哩檔結霜橋叻沙,成個檔口獨沽一味 - 叻沙,SGD2.00一碗,冇其他選擇,埋去只係講數量同埋係堂食定攞走



檔口係由哩位老伯伯從早到晚喺火爐前煲湯、煮麵,佢就係老闆黃先生



我哋依舊兩個人叫一碗,一食落去,嘩!好好味呀!雖然啲送唔多,但啲鮮蛤好鮮甜呀!啲湯又好好味,話咁快已經將成碗粉吞晒落肚。真係好滿足呀!哩碗粉係我成個行程最回味嘅食物,真係值得我專登走入嚟搵佢呀!


其實重可以食多碗,不過又貪心想試吓其他嘢!



跟住我哋喺不同檔口叫咗杯咖啡 SGD0.80,好香好滑



同埋泰興嘅炒鮮蛤粿條 SGD2.50



都好好味呀!



食飽飽就行過去小印度,見到街道上掛咗好多好靚嘅飾物先醒起哩幾日喺印度新年呀!因為我隔離屋係印度人住,每年新年佢哋都大事慶祝一番,所以我知每年十月中都係印度新年啊!



應該噚日有大型嘅慶祝活動,所以四周圍啲地方都正等待收拾




有好多好靚嘅花環,我問隔離屋太太哩啲嘢有咩用,佢話係送比人有祝福嘅意思喎!早知我都買啲嚟送比佢哋啦!






好多印度甜品,不過我諗唔係咁啱我哋口味,所以冇買嚟試啊!



好似都冇咩嘢睇,於是我哋就坐MRT去烏節路,雖然知道行名店唔啱我哋,但始終係熱門景點之一都要去行吓先得!


嚟小印度一定會經過哩間竹脚中心




幾個站就去到Orchard,我哋只係去咗兩個商場 - Wisma Atria 同埋義安城(Ngee Ann City)



Wisma Atria內又有Foodrepublic,哩到有係齊集咗好多新加坡美食,我緊係要試吓噚日食唔到嘅嘟嘟糕啦!




有椰子同花生味 SGD0.70一件



好味道!



跟住就過去義安成,目的只有一個就係去買椰子酥



哩間舖頭啲班蘭蛋糕好出名,但我想出機場先買蛋糕,我喺人哋啲blog到見到有人話佢哋隻椰子酥好好味,於是嚟睇吓!



重有得試食,又幾好食喎!入口即溶,美味無窮。好買兩盒先



跟住又買咗啲糕點試吓!不過味道麻麻哋




大笨蛋重食咗杯北海道麻布工房嘅士多啤利雪糕



哩到都有間亞坤,我同大笨蛋都想食佢做哩個旅程最後一餐,但大家都想去返牛車水間舖頭食。所以買完嘢就搭MRT去Raffles Place



今日星期六,出咗車站成個Raffles Place都好靜,同前兩日比較真係天壤之別呀!



點知我哋日日經過都冇幫襯,今日專登嚟幫襯,佢竟然冇開門喎!明明旅遊書寫星期六都會開咖嘛!有冇搞錯!



咁唯有去返老巴刹熟食中心啦!前晚影咗個夜景,而家嚟個日景





我哋簡咗碗魚蛋麵 SGD3.00 ,唔掂!



煎蠔 SGD5.00 得五粒蠔仔,其他全部都係粉,同埋有咩理由煎到蠔還蠔,粉還粉,散晒咖!好唔掂!



唔知係咪跟本唔係好肚餓,今次啲嘢真係嘛嘛哋!開頭諗住食完行返去酒店,但真係好倦同埋正值中午時份,實在太熱嘞!最後都係搭MRT去Bugis返酒店啊



酒店旁嘅St. Joseph Church,本來預咗啲時間喺教堂旁嘅小店買啲記念品,點知竟然休息冇開舖喎!門口明明貼住個時間表星期六都開咖嘛!嘜咁茅咖!到到都講咗唔算數



冇地方行又倦,於是三點幾就返到酒店,喺大堂拾吓頭先買啲嘢返落喼,同埋換吓衫,因為成身濕晒呀!之後就等到四點半星航有Shuttle bus 嚟酒店接我哋啊!


好快五點就到咗機場啦!



十分鐘到就搞掂晒啲手續



用埋星航送嘅SGD40 coupon買蛋糕,一共買咗五盒同一盒椰子酥都係用咗三張Coupon咋




買完嘢去找換店換返用剩啲坡紙就過關,咁奇怪點解過海關唔使check手提行李??



見重有SGD10 coupon剩,所以喺Toast Box 叫咗兩個set都係SGD8.70,姐姐話剩返啲冇得找返比你喎!佢話唔好浪費,叫我要多件蛋糕上機食喎




真係食到好飽呀!然後就去閘口啊!原來去到閘口前先撿查手提行李啊!



黃昏時份,要離開新加坡啦



上到機叫咗杯坐星航先有嘅特飲 - Singapore Sling 好酒味呀!嘛嘛哋!以我飲3%酒精都即瞓嘅人哩杯嘢對於我嚟講就係好勁呀!



瞓咗陣有嘢睇,原來有生命最後一個月-花嫁,正呀!我本來都諗住去睇咖啦!




好感動呀


飛機餐到啦!不過真係好飽食唔落啊!而且個肚重好痛添呀!



班機遲咗成半個鐘先到步



終於三日短短嘅行程就喺一個好似食滯咗狀態吓圓滿結束啦



今日使費


車資 MRT (Little India àOrchard) : SGD1.10 x 2


                 (Orchard àRaffles Place) : SGD1.20 x 2


                 (Raffles Place àBugis) : SGD1.20 x 2


早餐: 叻沙 SGD2.00


          咖啡 SGD0.80


          鮮蛤炒粿條SGD2.50


小食: 士多啤利雪糕 SGD3.80


          嘟嘟糕 SGD0.70 x 2


          椰汁糕 SGD0.80


          樹輪蛋糕SGD1.50


午餐: 魚蛋麵 SGD3.00


          蠔煎 SGD5.00


          庶汁 SGD1.7 x 2


手信: SGD29.60



 


9 則留言:

  1. Your photos are very very attractive!!  And your information is really in great detail.  They are quite useful.  You should travel more and let us have more fun!
    [版主回覆10/24/2009 23:39:00]哈~哈!!真係多謝晒! 我只係想詳細啲記錄吓自己嘅經歷, 因為我好冇記性, 我驚自己好快會唔記得呀!

    回覆刪除
  2. 你今次去啲地方多個我去個次,你有去小印度,仲搵到啲好嘢食添。
     
    星航送嘅SGD40 coupon,二個人都唔錯喎。我上次去四個人都係 只得SGD 40 coupon。
    [版主回覆10/25/2009 21:16:00]但係我哋冇去聖陶沙同埋動物園呢!! 嗰碗叻沙真係好正呀! 要多謝你個friend本書嘅好介紹啊!
    我都覺得星航嗰啲coupon好正, 好過其他嗰啲咩50%discount嘅餐廳卷啊! 所以明白點解你叫我用星航啊!

    回覆刪除
  3. 星航先有嘅特飲 - Singapore Sling,我都唔記得提添,我來回程都有飲呀,但無醉意喎,原來你都幾酒淺喎!
    [版主回覆10/25/2009 21:55:00]無醉意.....?? 我飲到好濃嘅酒味已經知死啊! 點知飲完全身慶晒, 即係要瞓一瞓呀!  

    回覆刪除
  4. 0甘喜歡食野,請問賺了幾多磅肉回來?
    [版主回覆10/26/2009 08:33:00]今次真係主力食呀! 肥咗三四磅呀! 所以返嚟要節制唔食咁多嘢減返條數呀!

    回覆刪除
  5. 呢D係咪叫做「20甘耐風流,有。。。」哈哈
    [版主回覆10/26/2009 12:00:00]! 你講得啱呀! 其實我食多少少嘢就會唔舒服咖啦! 但去到又唔忍得啊! 返嚟真係食濟咗! 疴咗一日, 食咗兩日粥先冇事咋! 鬼叫自己為食, 真底死呀!

    回覆刪除
  6. 嘟嘟糕其實係咩糕? 係咪米糕呀?
    [版主回覆10/26/2009 12:03:00]你講得啱呀! 係用啲米嘅粉加啲椰絲或都花生做饀然後蒸熟佢, 個質地好煙韌咖!

    回覆刪除
  7. 呢個「滯」呀!哈哈
    [版主回覆10/26/2009 19:33:00]係喎! 真係唔該晒啊!

    回覆刪除
  8. 食滯左都寫得個BLOG 0甘靚,算係0甘喇!

    回覆刪除
  9. Shirley :             三日短短地 , 唔錯啊 ~ 好犀利呀妳 ,    係呢 ~ 果度講乜野話架 ? 
    Bye Bye !
    [版主回覆10/26/2009 21:56:00]開頭我見到鬼婆講英文,佢同我講國語, 到我見到當地人同佢講國語, 佢哋又同我講廣東話, 又時自己都唔知應該講咩好, 一於唔理就講廣東話, 基本上係可以通行成個星加坡咖! 所以溝通完全冇問題呀!

    回覆刪除