打完第二針到而家啱啱一個星期，由於今次食咗隻勁嘅止嘔藥，所以已經冇出現嘔嘅情況，但原來唔嘔亦唔代表會好過啲！ 因為作悶同反胃嘅感覺仍然係有，只不過係嘔唔出，所以個胃會漲住好唔舒服。
再加上B女見我唔嘔，打完針嘅第二日已經不斷咁整啲好嘢比我食，變咗所有嘢喺體內頂住出唔返嚟，足足滯咗幾日。同埋今次哩針感覺好倦同好頭暈，所以每日都瞓十幾、廿個鐘，搞到個人好呆。下次都係唔好咁快食咁多住啊！
今日總算精神返啲, 雖然都重有啲頭暈、個胃悶悶, 同埋手背至手臂血管有啲踵痛, 但比起過去嗰星期已經冇咁辛苦啊! 我當又捱過一關咖啦! 而家又要食、食、食, 做好準備等25號打第三針啊!
努力…!
shirley一步一步行, 我地會喺你旁邊陪你一步一步走! 一定會好快走完呢條醫療路, 好快又可以做番健康活潑嘅shirley!
回覆刪除[版主回覆01/12/2010 10:23:00]有你哋喺身邊陪我一齊走, 真係覺得好窩心啊! 哩種無形嘅力量都係對我嚟講係好大嘅支持啊! 所以我要努力...努力啊!
唔 - -看到你咁努力, 我都要加把勁處理好媽咪的事 . . . . .
回覆刪除話唔定, 過一年我地會在富田農場遇上
[版主回覆01/12/2010 10:25:00]Yeah!! 咁就大家一齊努力啊!
妳好叻! 加油!
回覆刪除[版主回覆01/12/2010 10:26:00]多謝你嘅鼓勵啊! 我會加重油咖啦!
Shirley : 好 ~ Keep 住個勢 , 將個病打殘 , 重有大把好日子過架 .
回覆刪除Bye Bye !
[版主回覆01/12/2010 10:27:00]一定,一定!! Thanks!!
努力呀! 天氣又凍番, 你包到自己成隻稯咁就啱o架啦...
回覆刪除[版主回覆01/12/2010 10:29:00]我而家係日日都係一隻蒸熟咗嘅稯呀! 因為除咗著咗好多衫外重24小時抱住個熱水袋呀!
一關關好快過去，轉眼又過去的，加油！
回覆刪除[版主回覆01/12/2010 10:33:00]係呀! 時間會過得好快, 有個blog友話我而家好似跨欄咁, 向住終點一個個咁跨過去, 好快就可以完成咖啦!
利害!利害!老友記您要繼續努力，一定可以將病魔打敗。keep on!
回覆刪除[版主回覆01/12/2010 10:33:00]多謝你不時嘅鼓勵啊! 我會繼續咖啦!
我明白妳的感受, 因當年我食TB藥都有這個副作用
回覆刪除唯有少食多餐喇! 加油啊!
[版主回覆01/12/2010 10:37:00]係囉! 啲藥真係食到個人好鬼辛苦啊! 而且平時我唔係好鐘意食肉, 而家話要提升白血球所以要食多啲肉類嘅嘢, 真係搞到好鬼滯啊! 我而家一日食成五、六餐呀! 我諗完成晒個療程我已經變咗一隻大肥豬啦!
加油!! 一步一步會好 ka
回覆刪除我媽媽電完, 好弱, 好多 side effect, 但都慢慢好
[版主回覆01/12/2010 10:38:00]Thanks, Jeff!! 我會繼續努力啊! 好多謝你嘅鼓勵啊!
努力加油 ! 一定會一天比一天好呢
回覆刪除[版主回覆01/12/2010 10:39:00]Thanks,翠兒!! 我都相信明天會更好啊! 多謝你嘅鼓勵啊!
最緊要保持樂觀的心境，唔覺唔覺過吓一關又一關 …… 瞓十幾個鐘咪當還債 ( 我估你病之前都係晚晚唔願瞓個種人 ?) 。仲有，趁現在放病假，租一些一直很想看但沒時間看的影片，回家慢慢欣賞也是一件樂事。
回覆刪除[版主回覆01/12/2010 18:44:00]哈...哈! 你估錯啦! 我病之前係每日都九點幾十點前就要上床瞓! 每日一定要瞓足八、九個鐘先得嘅人嚟咖!
好多謝你嘅意見啊! 我都有上網睇吓啲韓劇同日劇咖! 或者睇吓人哋嘅遊記當係自己去緊旅行都會覺得好開心啊!
見妳逢關過關，真係戥妳開心，繼續努力，就快上岸喇！
回覆刪除如果悶悶0地，小子歡迎妳來看看我的網誌－我在廣華的日子，獨家0架，冇乜人有如此經驗0架！還有那篇 25天流動酒店西歐團，又係不太多人有此歷程呢！歡迎妳，免費的，哈哈，宣傳完畢。
[版主回覆01/13/2010 09:22:00]你啲遊記我成日都有去咖! 不過有時用咗隱形人(i.e.冇login)入去, 你睇我唔到咋! 你個廣華的日子我之前都睇咗呀! 講講吓比你知道我係你fans嚟添!
食食食~ 加油呀~ 食完記得刷牙呀~
回覆刪除[版主回覆01/13/2010 09:23:00]多謝...多謝! 有呀! 我每食完一餐都有去刷牙啊! 因為我真係好怕會爛咀, 到時又冇得食咖啦!
飲d 消濟的東西會唔會好d 呢?
回覆刪除加油!!好快就過...休息多d
[版主回覆01/13/2010 09:25:00]多謝你啊! Cherrie, 哩幾日所有嘢都暢順返, 所以而家冇嘢啦! 放心啊!
繼續努力, 我會keep住睇妳D好消息!
回覆刪除[版主回覆01/13/2010 09:25:00]Thanks, Rognfan!!
.....好消息，副作用可能還有，小心D啊~
回覆刪除努力
[版主回覆01/13/2010 09:26:00]我知道啦! 多謝你啊! 我會繼續努力啊!
雖然我只係路過，不過都祝福你早日康復，加油呀！
回覆刪除[版主回覆01/13/2010 09:28:00]小魚, 多謝你嘅鼓勵啊!
祝福你早日康復，繼續努力呀！
回覆刪除[版主回覆01/13/2010 21:37:00]多謝你嘅祝福啊!
你好勇敢!祝你早日康復!
回覆刪除[版主回覆01/14/2010 09:11:00]Kimmy, 多謝你嘅祝福啊!
Thanks for visit my blog.
回覆刪除ADD OIL ah !!!!!!!
[版主回覆01/14/2010 19:12:00]Thank you!!
想不到小子的老舊網誌妳也找來看，認真賞臉呀！多謝。
回覆刪除其實小子網誌平庸得很，只有一兩輯是性質比較特別，所以特別推介而已。有機會看看別人的東西（尤其我的一笑集，哈哈），解解悶，病痛的癥狀都在不覺中減輕呀！
加油呀! 希望你早日康復!
回覆刪除[版主回覆01/22/2010 15:55:00]多謝晒你嘅鼓勵啊! 我會加盡油咖啦!