2010年1月25日 星期一

250110 失敗咗!打唔到第三針啊!

今朝照舊九點返醫院抽血,然後下午兩點返去見醫生,今次哩個係一個好串嘅女醫生,佢話我今次嘅白血球指數底過要求而且肝功能亦下降咗!如果堅持打枝化治療針落去,感染風險會好高,所以佢今日唔比我打針。                              

我問佢可唔可以打補血針(阿輕佻醫生成日叫我自費打)幫助吓,佢又話我未到要打補血針嘅地步,講咗一輪最後都係要推遲下星期一再返去抽血覆診,睇吓到時白血球報告點先決定點做。

唉!我已經咩都做齊咖啦!但到係得出咁嘅結果,我都唔知重可以做啲咩啊!

                                   

21 則留言:

  1. Shirley :          上次輕挑 , 今次串 ,      幾時先至會遇到個 "仁心仁術" 既醫生架 ?    (唯有耐心等候啦)
    Bye Bye !
    [版主回覆01/27/2010 08:43:00]可能我真係黑仔啦!

    回覆刪除
  2. 不要氣餒 ! 努力加油 !!
    前面還有很多美好的事等著妳 !!
    [版主回覆01/27/2010 08:44:00]Thank you!!

    回覆刪除
  3. 唔緊要啦, 抖一抖再打過, 可能效果重好!
    [版主回覆01/27/2010 08:44:00]希望啦!

    回覆刪除
  4. .....努力啊!不要氣餒 !
     
    [版主回覆01/27/2010 08:44:00]Thank you!!

    回覆刪除
  5. 唔緊要喇....咁你呢個星期要休息多d,儲多d蛋藥(白血球),下星期再去打仗啦! 加油!
    [版主回覆01/27/2010 08:50:00]我驚到時都係唔夠咋!

    回覆刪除
  6. 唔好扁咀啦...你咪當俾隻手多少少時間散淤囉...
    pui
    [版主回覆01/27/2010 09:06:00]哩兩日倦到好似打完針咁呀! 都唔知搞咩鬼, 噚晚重嘔到隻嘢咁呀! 唔知係咪迫自己食多啲嘢食滯咗! 家陣見到啲食物都想嘔, 你話下星期一啲白血球點升呀??

    回覆刪除
  7. 我老爸都係咁,兩次都要成四個星期先打得,每次到第三個星期返去抽血都唔得,要等到下一個星期先得,我都問過醫生有啲咩方法可以令白血球高啲,佢話無! 我諗要靠自己身體先得,最緊要唔好諗咁多,平常心啦! 話唔定下星期ok呢! 加油呀! 醫生呢家嘢真係睇好唔好彩,我哋都遇到過啲咁既醫生,有啲就真係好好,返而4次,遇到好既都係男醫生,比女醫生返而為我老爸諗得多啲! 不過可能好既女醫生我哋暫時未遇到啦! 不過唔緊,最緊要唔好放棄! 咩醫生都好,要有信心打贏呢場仗呀,加油! 支時你!
    [版主回覆01/27/2010 09:03:00]我都希望到時會ok啊! Thank you!!

    回覆刪除
  8. Shirley, 妳要加油呀!
    [版主回覆01/27/2010 08:49:00]Thank you!!

    回覆刪除
  9. 好多人都係做齊曬都唔合格,我仲係每次都唔合格添。努力呀!好多人支持你!pray for you!
    [版主回覆01/27/2010 08:55:00]Thank you啊!

    回覆刪除
  10. 聽 SCM 說啦,天無絕人之路,總要「定」!
    [版主回覆01/27/2010 08:55:00]Thank you!!

    回覆刪除
  11. 繼續努力食多D,休息多D。有精神就做下運動吧,但不要太操勞呀。

    [版主回覆01/27/2010 09:02:00]唔知係咪迫自己食多啲嘢食滯咗, 噚日就開始嘔返啲嘢出嚟, 而家唔係好食到嘢!  再係咁落去我諗下星期一啲白血球重低啊!

    回覆刪除
  12. 嗨, 打遲一個星期就當是給你更多時間準備好了, 反正白血球也是儲得逾多逾好呢  努力
    [版主回覆01/27/2010 09:03:00]希望到時真係會升啦!

    回覆刪除
  13. 唔緊要啦,等身體強壯d先打會冇咁辛苦嘛,一個禮拜好快過~ 加油呀
    [版主回覆01/27/2010 09:02:00]Thank you!!

    回覆刪除
  14. 嘿, 你咁早就起身吃早餐, 做運動, 回覆網誌 . . . . 放心, 白血球量一定會上升

    回覆刪除
  15. 我打完第一針後第八日白血球得0.1, 醫生都要我打兩枝白血球針至升返3.4 (我係私家做化療)
    下次同醫生再講吓可唔可以自費打...
    [版主回覆01/30/2010 13:09:00]今次醫生話我係第一次delay,所以唔使打補血針住啊! 我諗如果星期一返去都唔夠的話就要打咖啦! 政府醫院啲補血針都係自費, 一打要連續打六日, 四千幾蚊啊!

    回覆刪除
  16. Shirley,   推遲一個星期 啫,不要氣餒,加油!!!
    [版主回覆01/30/2010 13:14:00]沮喪咗兩日, 而家已經繼續食嘢做運動, 希望星期一可以打到化療針啦!

    回覆刪除
  17. 雖然早睡早起是好的,不過八點多就起身回mail未免真是太早了 。記得要有足夠的休息 。不要過予玩電腦呀 。
    [版主回覆01/30/2010 13:18:00]!! 知道啦!

    回覆刪除
  18. 養好d身體 , 多d運動 同休息 , 同埋都要保持番心境平和d丫 加油加油 好多人支持你咖
    [版主回覆01/30/2010 13:19:00]多謝支持同關心, 沮喪咗兩日, 而家好返好多啦! 希望星期一順利打到針啦!

    回覆刪除
  19. Shirley, 加油, 今日狀態如何?今晚 annual dinner 黎5黎到?
    [版主回覆01/30/2010 15:33:00]我而好咗好多啦! 但今晚我唔會去咖啦! 因為醫生都唔見議我去啲多人嘅地方啊! 而家annual dinner搞到咁夜, 我要早瞓啊!
    btw, 你係邊個呀?? 你用哩個名我估唔到啊!

    回覆刪除
  20. 努力加油~ 唔好比D 『負能量』打敗。
     
    [版主回覆01/31/2010 12:06:00]知道啦! 多謝你嘅鼓勵啊!

    回覆刪除
  21. 現在你食番嘢真係好,自己有强身體,才可對抗,所以做好自已,已經好好,繼續保持樂觀想法,祝星期一順順利利!
    [版主回覆01/31/2010 12:09:00]係呀! 而家好好多啦! 有你哋咁多人嘅關心, 我唔敢唔努力啊! 我噚晚重發夢你同我一齊唔知去咗邊到旅行嘅途中食晏添呀!  

    回覆刪除