胃口、體力、精神都開始恢復正常，所以又開始不斷咁食、食、食！
唔精神時通常係B女媽咪返工前煮好嘢啲早餐同晏就，然後慶住等我起身食，咁家陣冇咩嘢就自己整啦！又可以打發吓時間，又唔使佢做咁多嘢啦！不過我唔係好識煮嘢食咖咋！
我比較鐘意食粉，今次好似送多過粉啊！
賣相嘛嘛，不過味道都OK啊！
睇過好多資料，除咗要食多啲嘢吸收營養外，其實重要做運動去增加抵抗力，咁我都有落街做運動，而我嘅運動模式係急步行半個鐘至九個字，但有時又落雨，有時又好凍，落一落公園又要換衫、戴帽、戴口罩，好似好煩咁呀！ 諗諗吓如果可以喺屋企做就好啦！
於是上網搵吓有冇啲啱心水嘅跑步機。 哈…哈！比我搵到部唔係好大部又唔係好貴嘅跑步機，雖然我未試過喺網上買嘢，但實在太吸引啦！所以好快就完成咗購買過程，噚日落單，今日送貨。
新玩具到啦！
砌好後放入房都OK喎！
摺埋收起牆邊都唔係好阻訂。
其實今次下決心買部機返嚟做運動，除咗係為而家方便外，亦希望方便將來復工後放工返嚟做，因為知道長遠計係一定要keep住做運動先可以令自己嘅抵抗力加強，以前實在太懶，所以由而家開始要改咗哩個壞習慣啊！
我要努力！
做完運動記得要飲多啲水(如果飲到o既話) 咁先可以幫助身體排走垃圾...
回覆刪除Pui
[版主回覆01/16/2010 09:14:00]有啊! 我做完之後就飲一大杯水呀! 噚日做咗半個鐘已經全身濕透呀! 喺屋企做最爽係唔使戴帽同口罩, 感覺真係唔錯啊!
持之以恆噃 !!
回覆刪除[版主回覆01/16/2010 09:16:00]你講得啱呀! 我以前就係做唔到"持之以恆", 所以而家一定要的起心肝啊!!
嘿, keep住做運動 . . . . 我就已經放棄好耐了, 不過, 聖誕節滑雪時也覺得出事, 條腰硬是擺動不足, 滑到平地時已經成個人散曬 . . . .
回覆刪除好在, 因為是在晚上滑, 沒甚麼人注意到
現在真的要重新迫自己再做翻至得
[版主回覆01/16/2010 09:21:00]我以前成日覺得做運動係好但麻煩,所以成日都keep唔到, 但遇到今次嘅病真係令我醒覺唔可以再懶惰啊!
Shirley : 好犀利呀 , 意粉都識煮 , 部機都唔錯喎 , 摺埋幾慳位 , 不過慢慢黎 , 唔好太過粗勞 , 記得循序漸進 .
回覆刪除Bye Bye !
P.S. : 見到今期咁順利 , 我都好高興 .
[版主回覆01/16/2010 09:26:00]犀咩鬼利吖! 其實煮意粉簡單過煮送好多啊! 起鑊爆香晒啲材料跟手倒埋啲意粉落去調味就得咖啦!
部機真係幾好, 放心啊! 我會慢慢咁加上去做咖啦! 好多謝你嘅關心啊!
你唔好食咁多火腿呢d 野啦...好多化學物架, haha...可能要食齋pasta(VEGETABLE PASTA i mean)
回覆刪除[版主回覆01/17/2010 11:59:00]哦! 原來唔食得哩啲嘢咖! 咁我用瘦肉代替啦!
很好哦, 可以有時間就運動一下
回覆刪除[版主回覆01/17/2010 11:59:00]係呀! 做吓運動流吓汗, 個人好似舒服啲啊!
運動與陽光，缺一不好！
回覆刪除食得到便要食，不吃太肥膩的便是了。
「只要有恒心，鐵柱磨成針。」老師教的。
[版主回覆01/17/2010 12:01:00]多謝小子你嘅提點啊! 我自己間房係西斜咖! 所以每日下就我都會坐喺窗邊曬吓太陽啊!
努力！ 加油！
回覆刪除一於enjoy 呢個悠長假期!
[版主回覆01/18/2010 09:17:00]係呀...係呀! 而家都開始習慣哩種"假期"嘅生活, 原來喺屋企都可以好多嘢做啊!
呢部機好掂呀! 唔阻地方, 又可以一路睇電視一路跑, 一d都唔悶囉.
回覆刪除我屋企都有部單車機, 但摺唔埋o架, 又要放喺廳到, 好阻地方呀.
[版主回覆01/18/2010 15:18:00]係呀! 你講得啱呀! 而家我日日一路睇住午間劇場, 一路做, 劇播完就啱啱做完, 佢又唔阻地方, 真係好正啊!
努力努力 十卜十卜 支持你 戰勝病魔 ,
回覆刪除等身體好番 , 去日本旅行 出多d post 丫 我一定追來睇既
[版主回覆01/19/2010 18:02:00]多謝你嘅鼓勵啊! 我都好想快啲再遊日本啊!
Good meal , exericse, happiness are all essential to good health. Keep it on. Wishing you all the best.
回覆刪除Have a good year of "Tiger".
[版主回覆01/20/2010 21:55:00]Thank you!!
部機好方便喎!你要加油呀!
回覆刪除[版主回覆01/20/2010 21:55:00]係呀! 部機真係唔錯啊! 多謝你嘅鼓勵啊!
努力呀！加油！食多啲啦！你做住運動都唔怕會肥啦！
回覆刪除你好叻呀！我打針時都無氣無力，拉被瞓都氣喘！
[版主回覆01/23/2010 08:59:00]好多謝你咁忙都嚟留言比我啊! 見到你嘅鼓勵就多兩成氣力啦! 哈...哈! 其實打完針嗰個星期我都好似死魚咁係咁瞓咖咋! 不過去到後段就精神返所以可以做吓運動囉!