喺星期一覆診後，因打針失敗所以B女為咗盡快增加營養，當晚就整咗好多好嘢比我食，當中包括花膠海參煲豬展、煎牛排，但由於我未病前嘅食量唔算大而且少肉，家陣霎時間食咁多嘢落去又加上心情嘛嘛，所以一食落去後疑似食滯咗，期後兩日又做一條嘔吐獅子魚，連只係飲奶粉都嘔返晒出嚟，個人又好倦，每日瞓二十個鐘，狀態好似打咗化療針咁，亦因為咁所以心情都好差。
好彩哩個情況只係維持咗兩日，星期四開始可以食返嘢，再加埋做運動，個人都精神返。
而家一日食六餐，早、午、晚三餐，每餐中間都飲一餐奶粉，因唔鐘意飲奶粉，所以之前偷雞每日只係飲一次，而家要跟足啊！跟住再喺六餐之間加插水果同飲花生衣煲水，扣起十至十二個鐘頭瞓覺，計埋計埋我差唔多個個鐘頭都要食嘢落個肚到，基本上佢都冇機會有肚餓嘅感覺啊！希望啲白血球接收到晒乖乖啲反彈啦！
噚日收到同事寄嚟嘅慰問咭，真係令我好開心啊！好似幫我打咗枝強心針咁呀！好多謝佢哋嘅支持啊！
咭裡載滿同事們嘅關心同鼓勵，真係好窩心啊！
希望聽日都係可以順利打到針啦！
對！繼續努力！
回覆刪除[版主回覆01/31/2010 12:10:00]Yes, Sir !!
明天會更好 !
回覆刪除[版主回覆02/01/2010 18:18:00]多謝晒啊! 真係會更好, 因為今日成功打到針啦!
Shirley : 今次一定得 , 支持 ~
回覆刪除Bye Bye !
[版主回覆02/01/2010 18:18:00]Thank you 啊!!
會唔會少食多餐反而好d 啊? 你唔好一下食咁多攪到滯晒啦...唔飲奶粉不如飲豆奶/豆漿啦
回覆刪除加油!!!努力!!!
[版主回覆02/01/2010 18:21:00]我而家都係少食多餐咖! 啲奶粉係專比我哋啲癌症病人飲, 係主攻提升白血球, 我唔知豆漿會唔會有哩個功能啊! 不過有時間可以飲埋佢, 因為豆漿我都鐘意飲, 反正又冇害。
介紹妳睇多本書, 阿樂珍藏秘方 抗 sars 加料版 , 入面有許多藥方, 支持妳, 加油!
回覆刪除[版主回覆02/01/2010 18:22:00]多謝你嘅資料啊! 不過要遲幾日先睇啦! 因為今日打咗針有啲倦, 又要瞓幾日先可以做返正常人啊!
祝你明天順順利利 .
回覆刪除[版主回覆02/01/2010 18:23:00]多謝你嘅祝福啊! 因為有你嘅祝福, 所以我今日好順利咁打咗針啦! Thank you!!
繼續努力。
回覆刪除[版主回覆02/01/2010 18:23:00]Yes Sir, 我會繼續啊!
keep going on~~
回覆刪除[版主回覆02/01/2010 18:24:00]Thank you!!
...烏雲過後是彩虹啊~加油！
回覆刪除Pray for you~