2012年5月6日 星期日

Day 7.1 @大阪城公園 (2012京、阪、神發花癲之行)

2012415日 晴天
09:17 |
大阪市営 千日前線 南巽方面 | なんば → 鶴橋 
09:33 |
大阪環狀線 大阪方面外回 | 鶴橋 → 大阪城公園

12:12  | 
大阪市営  長堀鶴見緑地線 大正方面 心齋橋大阪市営 御堂筋線 なかもず方面 |大阪ビジネスパークなんば 




今次成個行程嘅酒店除咗喺有馬溫泉外,酒店都係唔包早餐,我哋每一日嘅早餐都會係前一日喺便利店買定啲麵包或蛋糕然後喺酒店食咗就出發。哩日我哋諗住不如出去食一日早餐吖!而且重係我最鐘意幫襯嘅Doutor。點知哩個原來係一個錯誤選擇。





哩間Doutor就喺Bic Camera對面,我哋入到去見到有啲早餐set,於是我同媽咪喺counter前研究食邊樣好,跟住個女待應用日文講咗啲嘢,我哋當然唔識聽啦!咪繼續睇counter上嘅餐牌,點知佢好惡咁係咁敲counter張枱同講嘢,我都唔知發生咩事,細妹走過嚟問做咩,佢可能見我細妹個樣比較惡,就停止咗敲枱嘅動作,當我哋落咗幾個餐之後,到揀飲品,佢又不斷咁又敲又拍張枱,啲態度差到不得了,我當時真係想唔幫襯鬧返佢一轉就即係走呀!但我又唔想嚇親媽咪,淨係對哩位姐姐講廣東話:「我哋唔識聽日文都唔使咁呀!唔想做唔好做囉!」見佢碌住我但又唔明我講咩,我無再理佢自己埋位食嘢。 其實坐底見佢跟本就對個個客都係黑口黑面同負氣,只不過我哋聽唔明佢講咩令佢更火。



哩間店嘅食物一向都好好食咖!不過比哩位姐姐仔搞到心情好差,當堂扣咗啲分呀!係日本比咁唔禮貌嘅對待都係第一次咋!













食完早餐離開哩間餐廳亦要忘記唔開心嘅事,唔可以因為佢影響自己嘅心情。
哩日得一個行程,就係大阪城公園,原本哩個行程可以不去,因為我同細妹都已經去過,我自己重係去過幾次,但又係因為媽咪未嚟過,而且我睇過人哋啲相,由櫻花襯托嘅大阪城係幾靚,既然有時間就嚟睇睇吧! 當時重大家講好唔會行到上城堡嗰到,只會喺下面啲公園影吓相就走咖啦!

先搭地鉄去
鶴橋














好快就到達大阪城公園駅嗱!

出咗車駅就已經係公園嘅入口
一入到公園即時感到有啲失望,棵棵樹都光秃秃。




但行行吓就開始好興奮嗱!好靚開得好燦爛嘅櫻花樹又係我面前出現啊!






由於哩日喺星期日,所以好多人已經嚟到「霸地盤」賞櫻呀!
哩到有棵綠色葉嘅獨立喺其他粉紅色嘅中間好特出呀!






加埋個好藍嘅天,哩一日影嘅相係我最滿意嘅一日呀!
















過咗哩條長長嘅路就望到大阪城嘅天守閣啊!














城牆上都有好多櫻花樹啊!


條護城河嘅景色都好靚啊!












就係咁比啲好靚嘅花同景吸引住就不經不覺咁向住天守閣方向行上去。亦繼續發揮我哋發花癲地亂咁影,所以今次啲相好難揀,因為好多都好鐘意,所以今次就post比較多嘅相出嚟啊!






































下面哩幾張係成個行程我自己覺得影得最好嘅幾相啊!櫻花下嘅大城我終於影到嗱!


Zoom近啲嚟多張



再近啲














































































沒有留言:

張貼留言