2014年9月21日 星期日

Day 4.1 @貴志川観光いちご狩り園

2014年5月21日 雨天/晴天
09:44~10:15 | [和歌山電鐵 - 玩具電車] 和歌山 →貴志
12:25~12:54 | [普通和歌山電鐵] 貴志 → 和歌山
14:14~15:02 | [紀州路快速 ] 和歌山 → 新今宮
15:52~15:54 | [普通]南海本線] 新今宮 →難波
(交通收費及詳細資料請往交通篇)
酒店:なんばオリエンタルホテル

一早起身浸過溫泉,食過簡單嘅早餐就出發去貴志川摘士多啤利啦!

出發前我落街睇過環境,仍然落住細細嘅雨,而且溫度亦降咗好多,所以原本諗住拉埋行李出車駅放喺Locker,可以回程時慳返啲時間,但噚日睇個放大件行李嘅儲物櫃唔多,而且落住雨拉喼真係好唔方便,所以都係決定放喺酒店先,返嚟先再過嚟攞返。

吩咐三寶加夠衣服同安排好啲行李後就正式出發。朝早落住雨,條商店街好冷清啊!

由於和歌山電鉄係同JR用埋同一個閘口,但係兩間唔同公司,所以去到和歌山車駅,先跟閘口工作人員講要去貴志駅,佢就會比你過,跟住沿住啲貓腳印就可以去到九號月台。


指示相當清楚


去到九號月台就會見到售票處

我哋係買一日乘車劵,其實來回兩程係370円x2 = 740円。 哩個Pass 720円一日,價錢差唔多,不過可以慳返每程買票。當然越搭得多越抵,但我哋無時間啊!

當時月台上好多人都係等玩具列車,雖然哩班普通列車停咗喺到,但都無咩人上啊!

隔離月台就係JR線

好快普通列車開出,玩具列就駛入月台


月台上嘅人見到列車到都一湧而至。 我都唔拾輸快啲入去睇吓先!



有一排玩具櫃放咗好多公仔同火車模型。





小玉列車模型

玩具列車同士多啤利列車模型

有張小書枱

有一排扭蛋機,但到車程中段我哋已經發覺哩幾部絕對唔係扭蛋機咁簡單,佢哋原原全全係一部食錢機。

十部機裡面只有兩三部可以正常運作,其他都係入咗錢但扭唔到蛋出。

大笨蛋都為咗母明比中間部機食咗300円


半個鐘車程都無辦法扭返隻蛋出嚟,埋駅唯有搵工作人員睇吓可唔可以攞返隻蛋。

搞咗輪,睇住哥哥仔不斷咁攞啲coins放入部機到都係扭唔到隻蛋出嚟。入咗十幾個重唔係食錢機,最後佢都放棄,比返300円大笨蛋就解決咗件事。但大笨蛋係想要蛋唔係要錢,不過哥哥仔係唔可以開部機,唯一辦法係賠錢。所以大家有機會去就諗諗玩唔玩哩幾部機啊!


搞咗輪,月台嘅人潮都散晒,因為佢哋係一團台灣團,導遊比佢哋十多分鐘影相同買記念品,所以我哋解決完扭蛋問題,佢哋已經夠鐘上晒旅遊巴走人啦!

咁我哋就先去搵小玉站長先。

但佢又係瞓緊覺,不竟十幾歲嘅貓貓好老人家啦!所以瞓嘅時間比較多。

同小玉影完相就先出發去士多啤利園,因為約咗十一點,以三寶嘅步行速度我預算要半個鐘。如果我哋自己行三個字應該就得啊!

我有諗過同佢哋坐的士,但哩到係鄉村嘅地方,跟本唔會搵到的士囉!所以無辦法啦!唯有要三寶努力啲啦!

個天嚿黑雲好厚呀!真係驚會落雨啊!


沿途有好多好靚嘅花花,所以三個花痴都唔覺行得好辛苦,重覺得好開心添啊!

哩啲係大蔥嚟咖!幾得意!

哩朵花唔知咩名種,好靚啊!



兩個幾字到就行到去紀陽銀行,即係重有三分二路程就到啊!

繼續行行行

嚟到郵便局啦!

見到郵便局表示要留意轉入嘅路口位,見到前面嘅藍色嘅交通板就可以轉彎啦!


之前睇過如果喺四月嚟,沿途都有士多啤利園嘅指示牌,但當日所見係一個牌都無,可能已經到士多啤利嘅季尾,好彩之前用google map行過,如果唔係真係未必識行呀!

到啦到啦!貴志川観光いちご狩り園  (預約詳情)


不過哩到只係報名處,喺到對咗名交埋錢,農場嘅工作人員就會開車送我哋去農場啊!


等三寶去完洗手間就上車啦!

間車一直喺田與田之間嘅窄路穿嚟穿去,跟本都唔知自己身在何處,大笨蛋前面個GPS都無顯示地方名稱,只有一條條彎彎曲曲代表山路嘅線,所以如果自己揸車嚟都未必試行啊!

都坐咗幾個字嘅車程就到咗一個溫室場啦!司機就咁開住門停咗間車喺到,一直到車返我哋走都係咁,唔關門、唔鎖車,厲害。

跟住司機行咗過馬路之後,佢就揀咗哩個溫室比我哋隨意享用,我問有冇時限,佢話無,總知食到夠就話佢知。

入到嚟溫室,啲溫度真係升咗好多,而且出面重開始出太陽,跟住有踎有跪,搞到一頭大汗呀!


有啲都未熟重係係綠色
 

紅卜卜嘅士多啤利啊!I love you all!

真係又甜又多汁呀!

好多有紅有甜嘅士多啤利,真係好好味啊!


玩咗成個鐘食到好飽,真係好開心呀!我同司機話我哋食飽走啦!照規矩司機會車我哋返頭先上車嘅報名處,咁我問佢因為老人家對腳唔方便,可唔可以喺第一個燈位放底我哋,咁三寶就可以行少啲路。我緊係唔識同佢講,只係比我個地圖佢睇加身體語言,佢話OK,跟住攞咗我個地圖指住貴志駅問返我 - OK? 嘩! 我當然OK啦!佢真好人啊!真係想熊抱佢呀!

三寶聽到幾開心呀!拿拿聲拾埋嘢就上車啊!


.... 續 Day 4.2 貴志駅/和歌山往難波


7 則留言:

  1. 下次有機會的話去千葉mother farm,佢地士多啤梨種係膠管內,企係度摘,唔洗有踎有跪。:)

    http://www.motherfarm.co.jp/harvest/mikaku/strawberry.php

    回覆刪除
    回覆
    1. 係喎! 咁等我mark底佢先!下次有機會一定要去試吓! 多謝你好介紹呀!

      刪除
    2. 母親牧場系好, 可惜開放時間唔太長, 好容易山長水遠去到無得摘 ~ 小肥系人版 ::mm1578

      刪除
  2. 樓主你好,我打算2月去採草莓,好似要事前預約,請問你是如何預約的,可有相關網址可提供,謝

    回覆刪除
    回覆
    1. 你好,由於這農莊沒有提供電郵或傳真號碼,所以我是寄信往日本預約。詳情你可以在下面我其中一篇blog參考。
      http://shirleychiublog.blogspot.hk/2014/04/22014.html?m=1

      刪除
  3. 回覆
    1. 不用客氣, 祝你有個愉快旅程。

      刪除