2014年9月19日 星期五

Day 2.3@崎の湯

Day 2.3@崎の湯

2014年5月19日 晴天

10:35~10:42 | 白浜バスセンター → 草原の湯

12:26~12:51 | 千疊口 → とれとれ市場前

15:18~15:33 | とれとれ市場前→ 草原の湯

(交通收費及詳細資料請往交通篇)
酒店:南浜千鳥の湯 海舟

食飽飲醉後,係時候返酒店嘞!因為哩晚嘅酒店係全行程最貴,賣點係設施多,溫泉、風呂當然不在話下,而且有三個私人風呂可以免費享用。

我訂哩個Plan係可以提早兩點Check in,不過我都係預四點!雖然每日都無咩行程,但都唔知點解啲進度都係比較慢,所以都係唔好預咁趕。

返到酒店太陽又出嚟,所以再去一去玫瑰園影返啲有籃天嘅玫瑰花先!



有籃天襯托,真係靚好多啊!


好嘞!係時候check in啦!

 準時四點返到酒店辦理入住手續,我訂嘅時候係1-2階,但最後我哋被分配到4樓,如果自己要求係貴千幾二千円一個人咖!


高啲個景當然靚啲啦!(酒店咩情) 三寶非常鐘意哩到,安頓咗佢哋之後,我自己就拿拿臨去崎の湯,由酒店坐巴士只係一個駅,不過等車嘅時間可能會好耐,所以我諗都唔諗就行過去,步行都係十幾分鐘就到達,沿途都唔見有巴士經過。



途經哩間食九繪魚好出名嘅料理店

差不多到啦!嚟到哩就下面路口轉返彎就係嘞!



崎の湯 (文章來自:日本和歌山縣旅遊官方網站)
白濱溫泉為日本三大古老溫泉之一,早於萬葉時代已被使用,就連當時的有間皇子亦曾經到過,並有日本史書作記。其中有 1350 年歷史的崎之湯可謂白濱的代表,其露天風呂是利用伸向太平洋的岩石造成的,泡溫泉時可一邊看看眼前的太平洋波浪拍打着風呂周邊岩石,一邊享受泉水為身心帶來的舒暢。泉水為碳酸氫鈉泉,對風濕性疾病、運動、更年期疾病及婦科相關疾病等都有一定療效。


先喺場外購買入場劵,因為場內嘅存物櫃並無鎖,所以都係用100円利用出面有鎖嘅存物櫃擺放貴重物品,雖然我都已經盡量唔帶貴重物品,但相機、電話都真係不能離身,都係將佢哋鎖住好啲。

搞掂就入場啦!


男左女右,唔好偷睇呀!

我喺網上已經睇咗資料,知道裡面設備簡陋,只有一個沖身位同一排無鎖嘅存物櫃。


哩個溫泉係天然,面向住太平洋



由於擔心出面海面嘅船望到溫泉裡面狀況,所以我都唔敢企高身,只係屈膝四周圍望,見無人嘅時候就偷影一兩張相啦!


隔離男士嗰邊個景會好好多,因為無咩遮擋,所以會睇得瞭寬啲,當然你睇得開心時,人家都會望到你,哩到位置係對正水中展望台,如果嗰邊啲人攞個望遠鏡或相機zoom埋啲都睇晒。

浸咗十多分鐘,實在太曬,而且總覺得位置唔太安全,叫做見識過哩個千年溫泉,到此一遊吧!而且想返酒店趕喺食飯前浸返轉酒店裡面嘅溫泉呢!

喺附近影咗少少相就再次步行返酒店。

只係隔住哩道石牆就係女湯啦!





遠處就係水中展望台,由嗰邊望過嚟就可以睇到男湯享用緊溫泉嘅男仕啊!

令人感覺好舒服嘅大海

崎の湯旁邊哩間酒店好多香港人會入住,通常旅遊套票或跟團都會住哩間,我當日已經見到一輛香港旅行團同兩間香港人自駕遊嘅私家車都係嚟哩到,所以我唔揀哩間。


返到酒店,房都唔返就第一時間去浸返個溫泉先。酒店裡面嘅溫泉比起崎の湯真係舒服好多啊!
(酒店溫泉)

浸完溫泉出嚟食返枝無料雪條真係好爽呀!波子汽水味。

大堂重有炭酸水同埋梅子水免費供住客飲用。
 


玩咗個幾鐘就返上房同團友會合去食飯。

.....續 Day 2.4 晚餐@浜千鳥の湯 海舟



2 則留言:

  1. 浜千鳥の湯好正嘅開揚感覺. 海舟

    回覆刪除
    回覆
    1. 無錯,有同感,有機會要再去先得!

      刪除