2015年4月4日 星期六

Day 1.1@東京到着

2015年3月14日 / 星期六 (第一天)
07:47~09:32 | 成田エクスプレス(新宿)| 成田空港 → 新宿  3,190円
10:36~10:40 | JR 山手線(内回り) | 新宿 → 原宿 140円
11:46~11:51 | JR 山手線(外回り) | 原宿 → 新宿 140円
11:59~12:06 | 小田急小田原・江ノ島線快速急行  | 新宿 → 下北沢 160円
14:34~14:45 | 小田急小田原線各停  | 下北沢  → 新宿 160円

(交通收費及詳細資料請往實際交通篇)
酒店:ホテルサンルートプラザ新宿

今次之行只有我同大笨蛋,所以唔使諗一定係凌晨機,可以玩盡佢嘛!出發當日重要返工,一收工就立刻返屋企沖個涼、食個飯就坐機場巴士出機場。

可能距離上一次旅程已經有十個月,所以對哩次嘅旅程都好期待同興奮。


飛機準時開出

過咗大槪一個鐘到就開始派餐,係輕便嘅晚餐。食飽就好好咁瞓咗一大覺。

一個覺後就差唔多落機啊!太陽剛剛出嚟啊!


一早已經好多人啦!行快啲先!

大槪大半個鐘就出完成入境手續同埋攞埋行李。雖然當時只係七點,但機場內真係都幾多人啊!

我哋先到B1京成電鉄同JR Counter買Pass

京成上野Counter剛剛七點開工,唔算多人,所以先喺到買咗個Skyliner + Tokyo Subway 1 day Ticket,網上好似話只可以喺機場先可以買到哩個優惠套票。


然後行過對面JR Counter購買 JR Kanto Pass (關東地區通票)三天pass同埋N'EX往新宿車票

真係好多人排隊,條龍都排咗幾個字先到我哋。

由於太多人,所以工作人員唔肯同我劃定幾日後嘅座位,咁唯有去到新宿嘅JR Counter先再訂位吧!

買好晒票啱啱可以到7:47開出嘅N'EX列車前往新宿,由售票處再落一層就可以到乘車月台。

月台已經停咗一部快速列車

我唔想轉車,所以坐N'EX直接到新宿

車到啦!可以上車啦!

車廂幾寬敞


個半鐘後就到咗新宿啦!

影返列車個樣貌先!

出咗車駅先前往酒店放底行李

跟住行過去酒店對面嘅便利店買咗兩個飯團,諗住食咗先行,因為邊行邊食嘢唔係幾有禮貌,點知便利店位職員好大聲咁呼喝我哋 「No Drinking No Eating in the shop」,重係連叫兩次,我同大笨蛋當時都嚇呆咗,因為之前喺大阪、京都等日本便利店,我哋係有試過喺店內進食,而且佢哋店內都有熱水供應比客人焗杯麵,同埋亦唔見有告示係嚴禁進食,所以我從無意識到店內係不能進食。再者就算係唔可以店內進食,我諗都唔使咁大聲喝過嚟囉!令到剛剛到步嘅我哋心情跌到落谷底。好感到我哋好唔受人歡迎啊!跟住嗰兩日我哋都無再入去嗰間便利店啊!

返到去JR車駅時,先到綠色窗口劃好幾日後由河口湖返新宿同埋來回軽井沢嘅車票座位。


跟住就正式開始我哋嘅旅程了!


5 則留言:

  1. 個列車車頭好似一舊大鐵咁樣。

    回覆刪除
  2. 一到步就受到咁既對待就更係唔開心啦!

    回覆刪除
  3. 凌晨機落機一定要行快兩步,唔係jr counter實排長龍。

    真係無諗過唔俾店內食嘢。不過又真係未試過,通常買走返酒店或上火車食。我都要記住先。

    回覆刪除
  4. 我好多次都o係點裡面食,乜原來唔得ga? 唔通要好似日劇d大叔咁企o係門口食?

    回覆刪除
    回覆
    1. 我都試過喺店裡面食咖! 都唔會有人話, 而且佢裡面係有熱壼比人焗杯麵,咁唔通又攞住個杯麵去門口食呀! 我覺得可能佢哋有遇過一啲唔好嘅人客, 令佢哋對其他遊客有所介心, 不過我以後都唔會喺便利店食嘢咖啦!怕..怕!!

      刪除