2015年4月4日 星期六

Day 1.2 @ 原宿、下北沢、新宿

2015年3月14日 / 星期六 (第一天)
07:47~09:32 | 成田エクスプレス(新宿)| 成田空港 → 新宿  3,190円
10:36~10:40 | JR 山手線(内回り) | 新宿 → 原宿 140円
11:46~11:51 | JR 山手線(外回り) | 原宿 → 新宿 140円
11:59~12:06 | 小田急小田原・江ノ島線快速急行  | 新宿 → 下北沢 160円
14:34~14:45 | 小田急小田原線各停  | 下北沢  → 新宿 160円

(交通收費及詳細資料請往實際交通篇)
酒店:ホテルサンルートプラザ新宿

搞掂好車票後,我哋就先去原宿Line Friend Store行一轉,此店剛剛喺2014年12月13日開張,大笨蛋又幾鐘意熊大,所以既然嚟到就去睇睇啦!


山手線坐兩個駅就到。 原宿車駅為木造建築,是東京都內現存歷史最悠久的木建車站建築物。

出咗車駅,沿住大道行,好多名店都可以喺哩條大道上。

Line Friend Store @ 原宿
日本〒150-0001 Tokyo, Shibuya 神宮前4丁目32−13 JPR神宮前432ビル

一入門口就見到熊大歡迎我哋啊!


等我同佢哋影返張合照先
好大隻熊大啊!

雖然我唔係佢哋fans,不過見到咁大嘅公仔都好開心啊!

落去下層會有一啲本地設計嘅產品同埋熊大嘅大廳,但當日去到唔知點解好多人喺到排隊,最初都重比影吓相,後來人越來越多後,工作人員就欄住咗唔再比人過去大廳,好彩我哋行快兩步影咗相啫!

跟住就喺店內睇吓紀念品,但好似選擇不多。



到此一遊後就先坐JR山手線返新宿再轉坐小田急往下北沢!


一出車駅就見到一個市集販賣一些當地農產品,有隻公仔喺到招生意,好多人同佢影相,我都影返張先!


超市門口好多靚花花啊!


(文章來自:日本國家旅遊局)
下北澤俗稱下北,是東京市西側的一個小城市,是一個受年輕人歡迎的城市。在多次以日本年輕人為對象的最宜居住城市的調查問卷中,該市總排名在前3名。由於這裡有很多小型劇場大廳、夜總會、酒館、老唱片店等,絕對是年輕人文化前沿的資訊基地。

說起購物,最引人注目的就日本古着衣物、1970年左右的精緻雜貨、動漫為主題的舊玩具店等。雖然現今不斷增加大型店,但仍然以酒吧、唱片、手工藝小玩意等年輕消費群的店舖居多。




哩到好多小店,咖啡店,行吓hea吓都唔錯。 重有啲特色樓上舖。


下面嗰個唔係真人,係公仔嚟咖!





有間好似啲老子號嘅米餅店,好懷舊感覺。

藥房喺日本點會少得,不過哩區藥房產品價錢都唔算平。

匹頭行都有

有條小小嘅橫街係食店,不過間間都只係準備開工,未有得食住。

行到一點幾,又攰又餓,係時候搵食啦!見到哩間好似幾吸引啊!

睇吓啲樣版都幾啱食喎!

咁就一於哩間啦!

我哋被安排喺樓上,包房呀!

因為大家都好肚餓,所以叫咗兩個海鮮丼套餐,但食落就覺得好飽啊!實在太多嘢食啦!

魚生真係好新鮮,好鮮甜!

埋單1900円,抵食。

食飽飯氣功心,就開始覺得自己已經無力再行落去,埋單後坐車返新宿,啱啱好三點可以Check In,實在太攰,覺得有啲頭暈暈,所以先返上房瞓返兩個鐘先再出動。

瞓醒覺成個人精神返,就出去新宿東口嗰邊行。 去吓伊勢丹、激安、Bic Camera就已經九點幾。其實行街Shopping真係唔多啱我哋,沿途好多藥房,但一心諗住喺吉祥寺先至入貨,所以行咗幾個鐘都無咩收穫。




反而見到哩啲擦得甩嘅原子筆同螢光筆覺得幾得意。

擦得甩嘅原子筆香港都有,擦得甩嘅螢光筆就真係未見過,又唔貴,買啲返去送比小朋友先得。

路過Gift Gate,有隻大Kitty當然唔放過啦!

最後喺超市買咗啲沙律同飯團做晚餐就返酒店,結束咗一日疲倦嘅旅程啊!


6 則留言:

  1. 在河口湖欣賞富士山都真係好正喎。

    回覆刪除
    回覆
    1. 係呀! 好開心見到好靚富士山同逆富士啊!

      刪除
  2. Brown Mug Cup 台北的Line Friends Store sold out, 原宿竟然有...

    回覆刪除