2015年4月5日 星期日

Day 3.2 @ UKAIオルゴールの森

2015年3月16日 / 星期一 (第三天)  ~ 利用河口湖周遊レトロバス2天劵
07:10~09:05 | 新宿高速バス | 新宿高速バスターミナル → 河口湖  1,750円
09:40~09:51 | 河口湖周遊レトロバス | 河口湖駅 → 遊覧船・ロープウェイ入口 220円
10:05~10:10 | 天上公園纜車 | 河口湖畔駅 → 天上公園 (往復)  720円
10:50~10:55 | 天上公園纜車 | 天上公園 → 河口湖畔駅
11:26~11:30 | 河口湖周遊レトロバス | 遊覧船・ロープウェイ入口 →  眺望逆さ富士 160円
11:55~11:59 | 河口湖周遊レトロバス | 眺望逆さ富士 →  UKAIオルゴールの森 220円
11:55~11:59 | 河口湖周遊レトロバス | UKAIオルゴールの森 →  山梨宝石博物館・河口湖 220円
11:55~11:59 | 河口湖周遊レトロバス | 山梨宝石博物館・河口湖 →  浅川温泉街 160円

(交通收費及詳細資料請往實際交通篇)
酒店:湖楽おんやど 富士吟景

坐返纜車離開天山公園



返Locker攞齊嘢後就過對面搭巴士前往當晚住嘅酒店放底行李先!
巴士駅旁就係遊覽船嘅碼頭,襯巴士未到,喺湖邊影咗幾張相。


哩到啲巴士唔係好準時,睇住時刻表嘅時間過晒都唔見有巴士。

等咗幾個字,搭幾分鐘又落車嘞!

入到酒店一心諗住放底行李就走,點知酒店職員立刻安排女將出嚟招呼我哋,同埋幫我哋做咗入住手續先,咁一陣玩完返嚟人多我哋都唔使等,可以直接返房就得嘞!

再嚟杯利繽納咁嘅飲品比我哋解解喝。

酒店大堂落地玻璃外,清晰咁見到富士山加河口湖 ~ 正!

搞掂好晒!交底會五點前返嚟後就步往酒店斜對面巴士駅坐車去音樂會館。

哩個巴士駅叫眺望逆さ富士,顧名思義哩到喺睇逆富士嘅最佳位置,不過當時湖面有波浪,所以逆富士無出現。

又係等幾個字坐幾分鐘車程就落車。


嚟到音樂館已經十二點幾,有一點點肚餓,我哋朝早買咗飯團但驚館內又唔准進食,所以坐喺門口解決咗個飯團先入去。

食飽可以入場嘞!一入到去第一感覺係同箱根玻璃之森美術館好相似。尤其大家都有一棵水晶樹!

 公園面對富士山係佢賣點之一。

 

現場睇哩棵人做水晶樹係閃爍爍咖!

拉近啲就可以見到掛喺樹上嘅水晶。


跟住隨意咁係園內走走


天色越嚟越灰暗


襯重見到富士山就影多幾張先!


 有好多公仔,入去睇吓先!有好多木盒係可以比人買嚟自己設計自己音樂盒。

揀好自己需要嘅材料,就可以喺提供咗所需工具嘅工作室做出自己獨一無二嘅音樂盒啊!

大家都好比心機,我自己就無哩方面嘅天份。

工作室下一層係買禮品嘅地方,由於好多產品都係 "Made in China",所以提唔起興趣。

但忽然比我見到個音樂相架係 "Made in Japan",唔使多講,即刻攞返個去比錢。

跟住去咗個音樂廳諗住睇吓啲資料同大型音樂盒,點知入到去好似有場表演準備開始,橫掂都攰攰哋,於是就坐底睇吓有咩攪作先!


其實係一大座音樂盒,工作人員會每一格去介紹部份發出嘅聲係咩樂器同聲音。

最後唔知點解放咗段片係講沙畫。聽唔明不過幾得意。睇完影吓相又去另一個展館。

今次哩個展館以鐵達尼做背景去介紹一啲大型嘅音樂播放器

哩座音樂播放器有十幾種樂器喺機器裡面,開動時琴鍵會自己郁咖!



哩一座就係當年為鐵達尼頭等倉嘅客人而設計嘅音樂播放器,但唔知咩原因最後無將佢放喺遊輪上,改由六位音樂演奏家上船為頭等倉客人演奏。

哩一個係一個流動音樂播放器,放入一張長長嘅滿有窿窿嘅音樂樂譜,然後用手搞動旁邊嘅搞動器,音樂就會播放出嚟咖啦!

我自己覺得都幾大開眼界啊!睇完出嚟個天開始落毛毛雨,本來諗住去河口湖自然生活館同埋大石公園都放棄啦!因為富士山都已經匿埋咗喺雲層裡面,過去都睇唔到啲咩,所以就取消哩兩個地方。直接轉去本來聽日先去嘅山梨宝石博物館。

臨走有輛公主車,影埋佢就走啦!





2 則留言: