2016年5月1日 星期日

Day 1 @ 仁川機場、梨大、明洞、南大門、梨大

2016年4月9日

韓亞 OZ750  | 香港 → 首爾仁川機場
機場巴士6002 號 | 首爾仁川機場 → 梨大
地鉄 2號線(綠色) | 梨大 (241) → 乙支路入口 (202)
地鉄 4號線 (天藍色) | 明洞 (424) → 會賢 (425)
地鉄 4號線 (天藍色)換2號線(綠色) | 會賢 (425) → 東大門历史文化公园  (422/205) → 梨大 (241)

為爭取時間,今次都係選用凌晨機,當地時間五點半到步。

雖然時間尚早,但排隊過關亦出現人龍。大槪大半個鐘後就順利過關及攞行李。

出閘後就先去巴士售票處購買巴士票前往酒店所在地 - 梨大,巴士票價為W10,000。


我哋搭嘅巴士路線係6002 。
 

在巴士裡小睡一小時就到達目的地,酒店Check In 時間係下就三點,所以大家先放底行李後就向明泂出發。


自覺不會常嚟韓國,所以只問朋友借咗幾張 T-Money,開始旅程前先要喺車駅幫 T-Money增值。增值器有中文介面選擇,操作簡單。(可參考這裡教學 →  T-Money交通卡)

地鉄跟日本嘅都差不多


到咗明洞後,原本諗住先唱錢,不過太早嘅關係,只有一、兩間找換店開舖。


所以我哋就先去食早餐。

哩間紫菜包飯天國喺首爾有好多分店,我個人見意千其唔好嚟明洞中國大使館隔離哩間,食物都算可以,但男店東嘅態度絶對有問題,首先每人一定要點一個餐,哩點無問題,只要佢講清楚就可以,但佢一開始已經用不禮貌嘅態度同我哋講一人要一個餐,再嚟係我哋進食期間門口有一啲遊客等位,但我哋喺重未食完,男店主不斷咁走埋嚟用韓文向我哋大聲講嘢,明白係催促我哋,不過都要我哋食晒啲嘢先走得嘛!係毫無準備下我肩頭比人恨恨咁拍打兩吓,驚魂未定抬頭原來係女店主出手打我,跟住又一輪韓文指出面好多人等位,痴線咖!比錢幫襯重要比人打,團友們紛紛清理埋剩下食物後找數出門口,女店主又再出手推我哋出門口,有病咖!認住哩間舖,有得揀都唔好入去幫襯呀!

食店餐牌

韓國餐廳必有嘅漬菜

芝士辛辣麵同埋炸醬麵

辣年糕

煎餃子

紫菜包飯,韓國人好普遍會食嘅早餐。

蟹肉粥

比人無禮對待後,大家懷住不安嘅感覺去唱錢,觀察咗幾間找換店都差不多對換價,於是就隨便入去一間嘞!


唱好錢,有錢在身,當堂整個人都踏實好多呀!


第一個項目喺明洞逛街。好多店舖剛剛開門,哩日有幾間鞋店都大排長龍,唔知係咪做大特價呢?


街頭好多小食檔

雞蛋蛋糕

明洞有好多護膚品、化裝品店舖,不過吸引我哋留步嘅係Line Store。

喺店舖內影吓相,買吓嘢,留連咗一陣後就向明洞教堂進發。







明洞教堂
明洞聖堂於朝鮮末代國王高宗二十九年(1892)時開始動土,光武二年(1898)完工,從天主教傳入韓國後開始,當時的明洞即成為天主教信徒的信仰中心,這一帶自1830年後也成為信徒隱居秘密傳道信仰的中心地,高宗十九年(1882)當時的教區長Blanc主教買下這裡作為教堂的土地,建造鐘峴(明洞舊名)主堂,從1887年開始進入清掃促進教堂建立,後於1892年5月8日舉行動土儀式,1898年5月29日完工,舉辦祝聖儀式。




教堂前嘅小路種咗好多好靚嘅小花花。



草草遊覽完教堂後,大家都已經非常疲累,所以就到教堂前嘅咖啡廳休息一吓!

休息時間,大家明明傾緊計,但雙眼都會夾埋瞓著!

小休過後就前往南大門,南大門好似一個大市集,人來人往。



哩個紅豆同埋一啲唔知咩豆嘅煎餅,幾好味。



南大間好多人參賣




地下市場好多嘢賣,好似街市咁,但好迫好多人,啲亞朱媽有鐘意用手臂批人,真係比佢哋撞死咁制呀!所以係咁意轉個圈就出返地面。


熱騰騰嘅包,好多人排隊買。

見識過後三點多,剛到酒店Check In時間,所以就打道回府。

辦好入住手續後,大家回房小休一會,六點半再出動前往酒店附近嘅孔凌一隻雞(공릉닭한마리)食晚飯。


餐廳規定最少每人要半隻雞,我哋六個人就要叫三隻,但亞朱媽最後比咗兩隻半我哋。雞鍋裡面有雞同一啲蔬菜,白飯、麵可以另叫!


哩鍋隻半雞

哩鍋一隻雞


亞朱媽好快手咁就幫我哋分解咗隻雞。

雞好嫰滑,湯好清甜。同埋啲前菜都好好味。

食飽飽之後就步往梨大購物區,首爾店舖比我想像收得夜,如果日本就一早收晒舖啦!



慢慢行到梨花女子大學門前,有好多小食店擺檔。



我一直想試嘅魚糕終於試到啦!味道OK,不過唔太特別,好似香港嘅魚腐,但加埋佢嘅熱湯就真係好好味啊!

炒雞柳 + 辣年糕

哩梱櫻花樹開得好燦爛呀!

最後團友們要去食炸雞,但我同大笨蛋都已經太攰,所以選擇返酒店早抖吧!不過見到佢哋食嘢嘅相又有啲後悔添!







9 則留言:

  1. 嘩..... 間紫菜包飯天國絕對要blacklist
    我覺得韓國無論hardware做到幾光鮮佢地人既素質都係跟唔上,點都同日本冇得比

    回覆刪除
  2. 一向都覺得韓國人冇禮貌
    舖頭咁樣趕客直情離晒譜 >﹏<

    回覆刪除
    回覆
    1. 無佢哋無禮貌我預咗,因為多年前跟團去時領教過,但哩間舖就真係離譜囉!

      刪除
  3. 嘩,乜趕客咁差㗎!就諗住試下去首爾一次添。

    回覆刪除
    回覆
    1. 係太好生意唔憂做,而且大部份遊客生意,好似我哋咁一次過,佢都唔使負責任。好多人唔知咪又照入去食囉!
      首爾可以一去,不過你去完一定只會揀日本。

      刪除
  4. 間野太離譜啦,韓國啲人真係操勞啲

    回覆刪除
    回覆
    1. 係呀!我之前都知佢哋粗佬,但今次真係覺得佢哋好無品囉!

      刪除