2010年1月2日 星期六

010110 ~ 020110 新一年新開始


經過之前嘅唔舒服同唔開心,哩幾日所有嘢好似又回復正軌,肥家姐經過適當嘅治療同心理輔導亦已經回復咗心情,而自己亦好似平常一樣,食得瞓得,得閒就到樓下公園做吓運動。






喺執拾期間搵到一啲多餘嘅冷,咁就無聊地織咗頂帽,手工嘛嘛,不過戴上去都幾舒服啊!




而甩頭髮現象亦哩兩日開始發生,隨手一撥都可以“一束束”咁甩落嚟,唔停咁掃地都重成地頭髮,洗頭、吹頭時情況更嚴重。





我哩個懶人真係唔想做咁多嘢啊!都係剪晒去一了百了,所以今日就去咗剃頭嘞!個頭光禿禿個感覺又幾得意啊!





以而家嘅狀態,下星期一返去抽血、覆診都應該冇問題,如果順利日就可以打第二針啦!


13 則留言:


  1. 織得好靚喔!
    食得瞓得就好囉, 就當係一個悠長假期休息下喇!
    [版主回覆01/03/2010 07:40:00]好耐冇織嘢啦! 其實你睇真啲有好多瑕疵咖!
    而家幾好, 不過聽日又要再重新嚟第二個cycle, 諗起嗰七枝針已經有啲驚啦! 但放心, 我OK啊! 

    回覆刪除
  2. 一切安好啊 !! 下星期覆診順順利利 !!
    [版主回覆01/03/2010 07:40:00]Thank you啊!!

    回覆刪除
  3. 嗨, 新年快樂.  
    看到你好積極的面對, 很厲害啊 !!!
    我在北海道的褓姆工作, 比想像中困難 . . . .
    下星期整理好再放上網誌
    [版主回覆01/03/2010 07:44:00]Happy New Year!! 祝你新一年事事順利,心想事成啊!
    去旅行過程越困難就越難忘啊! 咁我就等睇你啲靚相啦!

    回覆刪除
  4. 頂帽織得好靚 !
    加油 ! 祝一切順利 !
    加油 !加油 !加油 !加油 !加油 !加油 !加油 !加油 !)))))))))))))))))))))))
    [版主回覆01/03/2010 07:46:00]多謝、多謝! 其實你望真啲有好多瑕疵咖!  

    回覆刪除
  5. 真係織得好靚呀! 妳好堅強, 一定會好快好番...加油呀 ~
    [版主回覆01/03/2010 07:46:00]Thank you, Agnes!!

    回覆刪除
  6. 嘩!頂帽織得好靚呀!你要預一頂cotton帽瞓教用,因為載冷織的會好熱,好體會到上帝造人的奇妙,頭髮也冬暖夏凉!
    [版主回覆01/03/2010 17:07:00]真係好多謝你嘅提醒啊! 唔怪得我噚晚瞓瞓吓覺得個頭有啲唔舒服, 但除咗頂帽又覺得有啲涼, 屋企咁啱有啲cotton布, 等我叫媽咪車返頂比我先! 唔該晒你啊!

    回覆刪除
  7. 加油 !! \( ^ _^)/
    pui
    [版主回覆01/03/2010 17:08:00]放心, 我一定會がんばって (gan batte)!!

    回覆刪除
  8. 支持你!快D好返,可以再去新加坡,等我比多比資料你去玩去食。

    回覆刪除
  9. ....下星期十一度,真係要保溫保重身體啊~
     

    回覆刪除
  10. 0甘多朋友支持,實冇衰,發燒頭暈,人人都會有機會!

    回覆刪除
  11. 以前知你識織冷衫叻,原來你看書隨時又可織另一樣嘢,而又織得似模似樣,又真係織得幾好喎!
    看到你幅沒有頭髮的相,真係有點不慣;不過半年後轉眼過去,到時可回復你以前的樣式,繼續忍耐,繼續加油!

    回覆刪除
  12. 見到妳那麼積極,真是好勁呀
    我以前起Oncolgy ward做過,所以好知道妳的處境!
    衷心希望妳可衝過每一關!
    [版主回覆01/12/2010 10:19:00]多謝你嘅留言同鼓勵啊! 我每努力去衝每一關啊!

    回覆刪除
  13. 你好叻呀! 識織冷帽!
    三千煩惱絲, 剃晒去好呀, 將來生番出來果d一定又健康又靚!
    [版主回覆01/12/2010 10:18:00]叻嘜鬼吖! 冷帽好易織咖咋!
    而家剃咗頭真係可以慳返好多時間打理佢啊! 因為甩頭髮時期最麻煩係吹頭, 一路吹一路甩, 唔吹又驚會冷親, 一搞成個鐘呀! 而家咁就爽呀! 上面張相你重見到個光頭有啲黑色(髮根), 而家連個少少都甩埋出嚟, 個光頭開始遍肉色, 都幾得意啊!

    回覆刪除