酒店 - 有馬溫泉奧の坊 (2012京、阪、神發花癲之行)

有馬温泉　旅館　奥の坊
住所：〒651-1401 神戸市北区有馬町1206
房租：33,300円 3人一室 一泊二食 (無浴室)
入湯稅: 150円/人

由太閣橋向上行就到嗱！

.

酒店喺經Jalan.net訂，哩間係一間都幾有歷史嘅酒店，一入門口先除鞋交比服務員，辦理入住手續時，有馬、六甲周遊劵裡面減1000円房租嘅coupon要同時比埋佢哋做證記。

唔好唔記得攞出嚟啊！

酒店大堂

.

酒店內嘅手信店。

搞掂手續，服務員就帶我哋上房。

我揀嘅房係10疊和室，都幾大。

如果選擇無洗手間及浴室嘅房可以慳2000円一個人，所以房內只有個洗手盤供用。

另外房內亦無Locker同冷氣/風扇。

雪櫃內有收費飲品，留意嘅係如果放咗自己物品入雪櫃，謹記第二日嘅7:30前要攞返出嚟，因為每朝7:30後雪櫃會自動上鎖，如果要開返就要搵管房啲姐姐嚟開先得啊！

枱上放咗一啲有馬溫泉嘅小食，其實哩幾樣都可以去樓下手信店買得到，試過好食可以落去幫襯啊！

拉開窗簾，窗外境色

.

.
嚟到哩到重點緊係浸溫泉啦！哩間酒店係提供金湯

更衣間，有啲足部、腰部按摩器可以免費享用。

設備齊全，只需要帶條毛巾嚟就得嘞！

哩啲產品樓下手信店全部有得賣。

不過無Locker鎖嘢咖！有嘢貴重嘢自己諗方法收好啊！

.

沖涼地方都幾大

但浸金湯嘅地方就細咗啲，最多只可以四個人同時用，好彩我哋浸幾次都唔係好多人。

男、女湯會朝、晚倒轉，但分別不大。

.
浸完溫泉除咗可以免費用更衣室內嘅足部、腰部按摩器外，門口重有部按摩椅都係可以免費享用咖！

舖好三分床舖間方都唔會覺得太迫啊！