Day 2.4 晚餐@浜千鳥の湯 海舟

2014年5月19日 晴天

10:35~10:42 | 白浜バスセンター → 草原の湯

12:26~12:51 | 千疊口 → とれとれ市場前

15:18~15:33 | とれとれ市場前→ 草原の湯

(交通收費及詳細資料請往交通篇)
酒店：南浜千鳥の湯 海舟

晚餐有兩個選擇 – 牛、海鮮，由於晚餐地點會因唔同嘅選擇去唔同嘅地點用餐，所以唔可以你揀牛我揀海鮮，要全部人一致選擇同一樣菜式。我話事，全部食牛。

晚餐基本上係日式，所以對於我嚟講好多菜式外觀都係好精緻、好特色，但味道就好似唔係太適合我，不過絶對比起立山黑部嘅立山酒店晚餐好好多，大家同樣19000円一泊二食，但起碼唔使豉油撈飯吖！都可以食得幾飽。

首先嚟一張長長又睇唔明嘅Menu

梅酒先開胃, 三寳話好好味喎！

前菜

魚生好新鮮，一啲都唔腥。

 哩個都好好味

主菜：和牛，可以選燒牛或Shabu Shabu。

而家都回味緊呀！

喺日本連燒菜都好味啲啊！

哩個牛就無之前嘅燒牛咁出色啊！

最後哩個櫻花蝦烏東，用一個好傑嘅汁撈，好砬口好怪。

姨媽選櫻花飯反而好好味啊！

最後一個唔錯嘅甜品成為晚餐嘅句號。

晚餐接近尾聲時，服務員過嚟問我哋聽日嘅早餐想要日式定係西式，由於早餐無論日式或西式都係同一個地方用餐，所以大家唔需要好似晚餐咁一致性選擇，但我哋六個都不約而同地揀食西式。

晚飯後就走到櫃台查詢一吓聽日離開時想坐由白濱酒店聯辦供酒店住客乘坐嘅免費穿梭巴士前往白濱車駅。如想坐哩間巴士係雖要預訂，因為上就只有一班開出，所以座位相當搶手，問咗櫃台職員巴士開出時間及等車地點覺得合適後，佢就幫我哋訂位，日本人一向講個信字，職員話只需要到時喺候車處等巴士到，上車時同司機對名就可以，無需要出示任何證明。

搞掂好嘢，當然又係浸溫泉時間，放咗三寶自由活動後我同大笨蛋就去好好咁浸溫泉，估唔到哩間咁大嘅酒店咁多人入住，但溫泉內並唔多人，好舒服啊！

浸完溫泉出嚟緊係要食返枝雪條啦！返上房拾好行李準備明日離開就瞓覺。

.....續 Day 3：白濱→和歌山