2016年5月2日 星期一

Day 2 @ 汝矣島、高速巴士地下街 、 梨泰園

2016年4月10日

地鉄 2號線(綠色) 換 9號線 (金黃色) | 梨大 (241) → 堂山 (237/913) → 國會議事堂 (914)
地鉄 9號線 (金黃色)  | 汝矣島 (915) → 高速巴士客運站 (923)
地鉄 3號線 (橙色) 換 6號線 (土黃色) | 高速巴士客運站 (339) → 葯水 (333)→ 梨泰院 (630)
地鉄 6號線 (土黃色)  換 2號線(綠色) | 梨泰院 (630) → 合井 (622/238)新村 (240)

韓國便利店嘅貨品比日本選擇少,麵包、蛋糕亦不太吸引,所以我揀咗韓國嘅粥嚟做早餐。大笨蛋就選擇買兩隻蛋返嚟烚。


 食飽早餐後,就出發前往汝矣島。

睇旅遊書,汝矣島係電視台嘅集中地,好多人嚟追星都會嚟汝矣島,不過我哋嚟唔係睇星而係睇櫻花。


路經一間賣包店,蒸包嘅蒸氣燻晒出嚟,好誇張呀!




由車駅國會議事堂站落車慢步行前往汝矣島公園。汝矣島公園範圍幾大,入口處有一隻軍機擺放咗喺到。

越行得入,見到嘅櫻花越嚟越多。






 除咗櫻花,路邊嘅小花都好靚啊!









前往櫻花之道入口


哩日公園內好似有啲明星出席嘅活動,我哋到達時園內已聚集咗好多人。



公園旁近海嘅櫻花大道上櫻花開得非常燦爛,已經到咗滿開時候,遇上有風吹起,櫻花好似落雪咁一片片咁飄落嚟,當時情境真係好靚,滿地櫻花片,好靚啊!





哩日陰陰天,難得有少少藍天襯托下,,啲花都靚啲啊!

不過就短短幾日喺首爾見到嘅櫻花品種都比日本櫻花較單一同顏色較淺淡。


行吓、影吓!到中午我哋先離開。經過國會議事堂返出汝矣島車站向高速巴士地下街進發。

到達後已經午飯時候,所以先搵食店解決午餐問題,美領隊本想食餃子,但太多人等位所以只好退而求其次去食韓國冷麵同紫菜包飯。



石頭鍋飯
 

睇韓劇成日見到劇中人食冷麵,今次終於試到,而且重愛上佢哩個麵呀!

食飽後準備血拼,一心諗住嚟瘋狂購物,但最後失望已回。

啲嘢好似唔太啱買,只買咗對波鞋,都只因為著住嗰對原來已經頂唔個底甩緊出嚟,所以睇啱就買,費時行行吓甩咗個底唔知點算。

大家行咗兩個鐘,各有收穫後就集合離開,前往梨泰園,目標係Line Store。


樓高四層嘅Line Store


裡面真係好靚,好多Line 嘅人物,頂樓喺Cafe。









Hi, 我係熊大呀!




洗手間都好靚咖!




影完相就去頂樓Cafe坐坐

買咗個咖啡牛奶布丁同熊大布朗尼

休息咗一陣之後就坐地鉄返新村食LOCO LOCO 蒸海鮮店( 로꼬로꼬조개찜)。

新村都係一個購物區

跟住美領隊行入一啲橫街,裡面好多食店,好熱鬧。


到啦!就係哩間 LOCO LOCO 蒸海鮮店 (로꼬로꼬조개찜)。

門口有好多生猛海鮮,最初我重以為會好似鯉魚門咁要自己出嚟揀海鮮添!


原來共只有1 set set,睇吓叫兩人、四人、六人等,每個餐只係分量同有越人多種類越多。

先嚟個生嘅八瓜魚。哩個另叫的。

 哩個煎餅送嘅

開爐

跟住医上一盤海鮮,原以為會係一盤生海鮮再放上蓋煮熟,但原來攞嚟時大部份嘅海鮮都已經係熟咖啦!

侍應會幫手將啲海鮮剪碎,鍋內重有一隻小小嘅雞,大家都認為隻雞係最好味,啲海鮮略為過熟,尤其啲帶子熟到過硬。如果哩餐無食都唔算係一個損失,叫做一試吧!

食飽之後差不多九點,於是爭取時間去埋距離不遠嘅 SHOOPEN,哩間係一間賣鞋嘅店,出名係W10,000一對。原本我以為自己會喺到發癲,因為我超鐘意買鞋,上年喺日本一口氣可以買五對。但意外地今次無收穫。最後只係去咗店裡面地下一層超市買咗二包五穀茶,團友們就滿載而歸。



舖頭十點關門,十五分鐘前會叫咪提醒客人盡快排隊比錢。由於返酒店只有一個地鉄站,所以就唔搭車行路返去,十多分鐘已經可以返到酒店。行咗成日,好攰,咩都唔搞就沖涼瞓覺。








4 則留言:

  1. 4年前去睇櫻花,之後我同自己講以後只會去日本賞櫻,唔知你有冇呢種感覺?
    不過..... 間line friends store真係好吸引!

    回覆刪除
    回覆
    1. 我都覺得係,日本啲櫻花真係靚好多,Line Store係唯一喺首爾吸引到我嘅商舖。

      刪除
  2. 我今年都去左韓國睇櫻花,我見到好多韓國人都鍾意摘啲花放上個頭度影相,我覺得佢地咁樣摘花好無公德心

    回覆刪除
    回覆
    1. 我都見有一枝枝嘅櫻花折段咗喺地下,我重諗會係強國人添,如果係韓國自己啲人做,咁佢哋太唔愛惜佢哋自己嘅嘢啊!

      刪除