京都、大阪八天遊 (第四天)

27/11/2007　陰天    京都: 銀閣寺、二条城、二年坂、三年坂

今日都係八點半落街，喺京都駅搭100號巴士去銀閣寺。

本來諗住早一個站落就沿住哲學之道行去銀閣寺，點知我哋坐嗰間巴士係急行，前一個站無得停，係要直接去到銀閣寺前先有得落。咁無辦法啦！唯有落咗車行返轉頭啦！

係咁意行咗丁丁哲學之道就入去銀閣寺嘞！

京都的銀閣寺（又稱慈照寺）是室町幕府第8代將軍足利義政於公元1482年建立的別墅山莊。

銀閣寺入口處的竹圍牆引人進入中門，被稱做銀閣的二層樓的觀音殿座落在中門入口處的右側。

銀閣寺的庭園大致分為山上和山下兩個區域。山上為枯山水庭園，山下為池泉還遊式日本庭園。銀閣寺的中央為池水如鏡的錦鏡池。銀閣寺已被列為世界文化遺產。

銀閣寺雖然無金閣寺咁金碧輝煌，因為佢喺日本最動盪同時代興建，適逢今日又天陰陰，令我覺得哩個銀閣寺有一種滄桑感。我好鐘意呀！

出到嚟覺得有啲凍，見到有Puff喎！咪買個季節限定嘅栗子Puff，點知除咗啲餡係凍連個包都係凍，又凍又硬，食完重由心到鎮出嚟！真係唔衰攞嚟衰！

 

行咗陣就去巴士站搭204號巴士去二条城嘞！成個鐘車程，緊係搵吓周公子傾吓計啦！

十二點到就去到二条城！

二条城建於公元1603年，是德川家康幕府將軍的權力象征。二條城以街道名稱命名，周圍建有護城河和城牆。正門稱東大手門木造結構，上雕有金菊徽、鳳凰、老虎等圖案，與中國的木牌坊相似。城內有黑書院、白書院、內宅及其它附屬建築。
本丸御殿和二之丸御殿為二條城的主要建築。“二之丸”的建築很有特色，殿內牆壁和隔門上畫有獵野派畫家的名畫，精美絕倫。二條城內名為“鸝鳴地板”的走廊，人行走其上便會發出黃鶯鳴叫般的聲響，是幕府統治者為保全自身安全而設的報警機關。

入去本丸御殿和二之丸御殿係嚴禁影相同拍video，裡面嘅壁畫同裝潢真係幾華麗。行完御殿就喺花園行咗一圏，名乎其實嘅遊花園呀！

遊完買吓記念品又三點啦！基本上京都要去嘅行程已經完成晒！不過唯一美中不足係我哋行二年坂、三年坂時啲舖頭未開，唔可以痛快咁shopping，而家既然有時間就搭車去行吓！橫掂又有Pass喺手！於是我哋就喺二条城外嘅堀川丸太町搭50號巴士，去到四条堀川再轉207號巴士去五条坂落車嘞！

三點幾嚟到又係人又係車，嘩！去到清水坂完全睇唔到路淨係人呀！

咁我哋轉落二年坂、三年坂，行吓停吓睇吓，最後都無買到啲咩又係咁行吓行吓行返出袛園。

由於未食晏，咁就行去袛園睇吓有咩啱食，又行吓停吓都唔知食咩！到搵到想食嗰啲又中場休息未開舖。

五點啦！天都黑埋，不如返京都食拉麵算啦！跟住去搵巴士站喺河原町搭5號巴士返京都駅。

食完拉麵就返酒店，由於今晚係喺京都最後一晚，明日要轉酒店，所以今晚除咗沖涼浸浴外就加插哩個拾行李嘅娛慶節目嘞！

 

食: ¥3,103

住: ¥9,000

行: 巴士One day pass ¥500x2

玩: 銀閣寺入場卷: ¥500X2

    二条城入場卷: ¥500X2

買嘢: ¥3,370