2007年12月9日 星期日

京都、大阪八天遊 (第三天 下)

26/11/2007 晴天 (下)    京都:嵐山嵯峨野


出到嵐山站都無咩指示牌,不過就有幾個車站服務員喺站外教路,我哋問佢攞咗張地圖然後跟佢指示行咗幾個字就到天龍寺啦!但個天開始暗,所以影出嚟啲紅葉唔夠靚呀




條街多人又多車,人力車都要塞車呀



天龍寺由足利尊氏創建。天龍寺的建築佈局採用借景手法,以嵐山的起伏山脈為背景,將吸取了寢殿造建築格式和禪宗樣式建築格式之長處的還游式庭院建築曹源池庭院融入嵐山的大背景,寺院與自然渾然一體。天龍寺已登記為世界文化遺










由天龍寺後門出去就係竹林尾段啦!


 


咁我哋行返出竹林,經過間小食檔就買咗杯豆漿、豆腐同豆腐SOBA醫吓肚先




然後途經哩間嵐山ちりめん細工館,緊係要入去放底啲銀兩啦




 
 


買完嘢返出嚟都只不過五點,但已經天黑啦!所以行到去渡月橋都無咩嘢可以影到啦!又凍又多人都係返歸啦!




 

我哋原路行返去嵐山站,唔知點解好似好遠咁行極都行唔到,路黑蚊蚊又無街燈重行錯路添!好似半個鐘到就去到JR嵐山站嘞!



買咗車票去到月台見到寫住京都方向OK啦!無咩人幾好,但點解對面月台咁多人,咁晏佢哋重去邊呢?等咗七八分鐘,無無料料行吓望吓先發覺原來頭先寫住去京都方向月台有下文嫁!係要上天穚過對面先係呀!嘩!即刻叫埋同伴B拿拿淋跑返過對面月台啦!重啱啱有車喎!唉…好彩!唔係又出事嘞!



返到京都好倦啦!去咗伊勢丹超市買咗啲魚生、壽司返酒店開餐算啦!


啲魚生同曼魚壽司好好食,但盒海膽蟹肉飯超難食,回水呀



食飽飽又係去到浸浴時間啦!浸完好舒服咁去瞓


: ¥11,267


: ¥9,000


京都駅 à 馬堀 - ¥320x2


   トロッコ亀岡駅 à 嵐山駅 - ¥600x2


    嵐山嵯峨 à 京都 - ¥230x2


: 天龍寺入場卷: ¥500X2


買嘢: ¥3,780



4 則留言:

  1. 我地去到嵯峨野都有點凍, 可能下雨的關係. 原來旁晚的渡月橋有另一番景色, 不錯不錯.
    p.s. 點解無嵯峨野火車的相 or video o既?
    [版主回覆12/10/2007 07:33:00]嵯峨野火車的相喺之前嗰頁呀!因為一版寫唔晒呀!我有拍VIDEO,不過等寫晒啲遊記先再搞VIDEO啦

    回覆刪除
  2. 看了你四天的行程,真係好豐富,許多地方我都無留意。 好有趣,原來每個人去到同一個地方,但看到的都不一樣,遲d等小弟也分享一下
    [版主回覆12/11/2007 07:27:00]好呀!等你嘅遊記啊!

    回覆刪除
  3. 看來你都玩得不錯.
    [版主回覆12/17/2007 22:30:00]唔只不錯,係非常開心呀!

    回覆刪除
  4. 咦,夜遊渡月橋喎,個我覺得日頭去玩靚D...
    Shirley,天色好似麻麻喎。
    [版主回覆12/18/2007 12:51:00]我哋唔係夜遊呀!嗰陣只係五點幾咋!唉!鬼叫買唔到上就火車票咩!

    回覆刪除