京都、大阪八天遊 (第五天 下)

28/11/2007　陰天  (下)   京都 → 姬路城 → 有馬

好彩之前有個BLOG友將由三宮到有馬溫泉嘅路線同轉車方法寫晒出嚟，我就PRINT咗出嚟跟住做，咁就唔使兩頭中啦！

我哋先搭返JR新快速去三ノ宮，

然後行出JR三ノ宮駅對面就係｢神戶市營地下･西神山手線｣，跟住搭一個駅去新神戶行過對面月台轉｢北神急行電鉄｣去谷上，到咗谷上之後又行過對面月台轉｢神鉄有馬線｣去有馬口，再喺有馬口行去對面月台轉車去有馬溫泉。

就係咁轉…轉…轉…，轉到去有馬溫泉駅已經五點七啦！又係因為已經印好晒地圖，我哋大概知道旅館位置所以雖然天色己黑，但我哋都只須七八分鐘已經順利去到旅館check in嘞！一入去講聲 Sorry, I am late! 個服務員就好快幫我哋辦好手續帶我哋上房啦！哩到啲服務員都幾後生但一啲英文都唔識嫁！不過唔緊要，大家都識中文字就ok啦！

嘩！間旅館啲地方同房間比我想像中好啊！發達啦！今晚可以周圍碌唔使瞓semi-double啦！

講好七點半食飯，有個幾鐘頭立刻去浸吓湯先！比咗¥33,300一定要浸過夠呀！哈… 哈…哈！

 

個露天風要行條長留梯落去嫁！

我哋浸嗰個係金湯呀！

浸完之後返房已經有人為我哋準備晚餐啦！

由於頭先嚟過陣太趕無時間去便利店買啲嘢食咁就出咗事啦！

牛肉火煱 (味道OK啦！)

(味道都OK啦！)

食咗都唔係好知係咩嚟

哩粒啲味道好似薯仔囉！

哩碟有一半唔知咩嚟所以只係食咗一半。

哩份都係食咗一半咋！

哩碟真係研究唔到係咩嚟，所以冇食到。

蒸蛋上面啲汁怪怪哋，裡面重有粒透明彈彈吓唔知係咩鬼嚟，而隔離嗰碗啲味好古怪，我哋都係放棄咗呀！

另外重有一胡什茹煲水同什茹蒸飯，嘩！都唔知佢哋放咗啲咩可以整得咁難食。

唉！哩啲咁據欣賞指數嘅懷石料理都係唔啱我哋嫁啦！叫人入嚟拾嘢把啦！

服務員拾好嘢幫我哋開好床，我哋就落去浸多次溫泉就返房瞓啦！

食: ¥1,820

住: ¥33,300

行: 京都 à 大阪 (JR PASS - ¥2,000x2)

    大阪 à 新今宮 (JR PASS)

    新今宮(南海電鉄) à 難波 ¥150x2

    難波(南海電鉄) à 新今宮 ¥150x2

        新今宮 à 大阪 (JR PASS)

    大阪 à 姬路 (JR PASS)

    姬路 à 三ノ宮 (JR PASS)

    三宮 à 有馬溫泉 ¥900x2

玩: 姬路城入場卷: ¥600X2

買嘢: ¥7,110