Day 1.1 @山科疏水道 (2012京、阪、神發花癲之行)

2012年4月9日 (晴天) :
01:05 | CX566 | 香港 →関西空港
06:30 | HARUKA 特急 京都方面 | 関西空港 → 京都
08:37 | 琵琶湖線  草津、米原方面 | 京都 → 山科
11:26 | 琵琶湖線  京都方面    | 山科 → 京都
11:57 | 嵯峨野(山陰)線 亀岡‧園部‧綾部方面   | 京都 →馬堀
13:35 | 嵯峨野観光鉄路 亀岡発 ‧嵯峨行  | 亀岡 →嵐山
16:39 |  嵯峨野(山陰)線 京都方面 | 嵯峨嵐山 → 京都


.


人生第一次乘坐凌晨機， 好多人都話坐凌晨機會好辛苦，第一日會無精神玩，但由於我係處處可瞓嘅人，所以上機不久就好快入睡。不過媽咪就唔係好慣瞓唔到，所以佢比較辛苦啊！ 大槪個多鐘後就開始派餐，味道尚可接受吧！

.
航班比預期早開及早到，五點半就到達関西機場，過關非常暢順，六點已經可以步出機場。

.

.
先到二樓JR Counter購買JR West One Day Pass (2000円) 及嵯峨野観光火車票 (600円)。

.

.

.

.
好好彩今次能夠順利買到當天下午的車票，買好車票，吸返個印仔後亦啱啱趕及6:33開出到京都嘅HARUKA 特急。

.

.

.
08:07就輕鬆地到達京都了。

.


我哋先前往酒店放下行李，今次都係揀返京都Apa Hotel堀川通店，因為貪佢頂樓有個大浴場同露天風呂，每日完成行到腳庇嘅行程上去浸一浸，當堂成個人爽晒啊！
.
放下行李後就開始我哋第一天嘅行程，由於比預算到嘅時間早咗，而且我哋有JR pass喺手，於是就將安排咗喺第二日去嘅山科疏水道改為第一個行程，咁可以慳返來回500円嘅車費嘞！由京都駅0月台琵琶湖線 草津‧米原方向搭一個站就可以到山科駅。

.

.

.

.

.

.
JR駅對面就係京都市営地下鉄東西線嘅山科駅

.
行出車駅就可見到這個小廣場，廣場中心有一棵垂櫻，哩棵係我人生第一次接觸嘅櫻花樹啊！

. 

.
第一張櫻花照，當時心情真係好興奮啊！

.
旁邊嘅花都好靚啊！顏色好鮮艷呀！

.
前往山科疏水道有兩個方法，我去嘅時候用紅色路線，回程時用藍色路線。個人覺得紅色路線容易迷路，因為四周圍都係民居，無特別指牌，不過哩條路線係源引水道行，所以所見嘅櫻花樹比藍色路線多好多。而藍色路線夠直接，包唔會撞板呀！


紅色路線:

廣場有間Starbucks，旁邊有一條行人隧道

.

.
穿過隧道後，就會去到對面嘅馬路，面向班馬線轉右直行。

.
直到過咗前面嘅另一條班馬線

.
就可以見到哩個左邊紅磚屋，右邊有箭咀嘅路牌就轉入去繼續向前行。

.
一直行到有分义口，就選擇過橋

.
過咗橋就可以跟住引水道向上行，沿途都種滿櫻花樹。

.
我哋去嘅時候好多櫻花都未開，相信個多星期後嚟會重靚啊！

.
最後就會到達橋後嘅櫻花+油菜花嘅景點啊！

.

.
藍色路線:
.
喺車駅出嚟，櫻花樹對面有個毘沙門堂嘅路牌

.
路牌旁係一係沿住鉄路嘅行人路

.

.
一直行到交通燈嘅十字路口，繼續跟毘沙門堂方向行

.

.
哩條路都有好多好高大嘅櫻花樹，而且開得比水道嘅繁盛啊！

.
直行到尾又可到達目的地啊！

.
見到哩個景真係開心到難以形容，我就睇咗網友一張咁嘅相而吸引嚟到哩個地方，由於旅遊書無介紹哩個地方，所以人流比較少，所見到嘅大多係日本人，而且我第一次見到咁靚嘅櫻花，油菜花襯托，再加好藍嘅天，真係好靚好靚。哩到到秋天睇紅葉一樣係好莊觀好靚啊！ 相信不久後哩到都會成為賞櫻、賞楓熱點啊！

.

.

.

.

.

.

.

.
路旁有一棵係紅色嘅花都好靚啊！

.

.
河道旁邊嘅民居外都種有不同種類嘅櫻花，每日都可以對住啲咁靚嘅景，真係好幸福啊！

.

.
哩種櫻花係雙托咖！

.
有啲又會比較粉紅

.

.
除咗櫻花，哩區啲居民喺屋外種咗好多好靚嘅花啊！

.

.

.

.

.
睇完咁靚嘅花後就回程，有少少肚餓所以喺車駅旁Starbucks食啲嘢先再去嵐山啊！




續... 2012京、阪、神發花癲之行 (Day 1.2) @ 嵯峨嵐山