2012年4月20日 星期五

Day 2.4 @ 蹴上鉄路 (2012京、阪、神發花癲之行)


雖然哩日只係安排咗三個地方,但植物園同二条城啲櫻花係靚到我同細妹不斷咁高影、低炒,又蹲又踎,其實對腳真係攰到唔想再行呀!但櫻花嘅吸引力終於係敵過一切,所以努力再上路。
.

.
一出車駅就見到有檔賣八爪魚燒同埋綠茶魚仔夾餅,由於晏就只係食咗一個飯團,其實都有啲肚餓,於是就每樣買咗一份三個人食嘞!
綠茶魚仔夾餅好食

.
可能我哋唔係咁鐘意哩個燒汁嘅口味,所以覺得哩個八爪魚燒嘛嘛哋啊!

.
食飽飽出發,其實哩條係一條荒廢咗嘅鉄路,但政府並無將佢拆毁,而鉄道兩旁種滿櫻花樹,所以而家已經成為賞櫻熱點啊!而且好多人亦會用哩到嚟取景影婚紗相呀!當日我哋都見有一對香港人嚟影婚紗相啊!

.


.
上到嚟真係好多人呀!要避開人影相真係好難,個天亦無咁藍,開始灰灰暗暗,所以影出嚟嘅相無預期咁靚啊!

.


.
如果個天藍啲,人少啲,咁就Perfect啊!哩到啲櫻花係開得好密呀!

.


.


.


.

.


.
如果沿住鉄路行到尾就會見到琵琶湖,我見過人哋啲相都好靚咖!不過實在太攰,而且個天開始暗,再加上我哋今日都影咗、見咗好多好靚嘅櫻花,其實都已經好滿足,所以最後都係決定放棄行過去,一於打道回府。
.
返酒店前又去伊勢丹超市買嘢食,見到啲魚生好新鮮好吸引,所以買咗盒返去當飯前小吃。

.
好味道呀!


.
福岡士多啤利,特價1000円兩盒,正!

.
享受完美食就去頂樓浸一浸風呂,稍為消除少少疲勞後,就去京都車駅10樓拉麵小路一幸舍食拉麵。


.
先買票後排隊


.

.

.

.

.
好好味啊!幾年無見好掛住你啊!

.
食飽好滿足咁離開,向下望就你京都車駅大堂啊!

.
去到車駅地下緊係要同京都塔影返封靚相啦!


.
塔旁有音樂噴泉show呀!都幾靚喎!


.


.
晚上嘅京都車駅


.
伊勢丹夜晚模樣

.
終於完成第二日嘅行程,返酒店浸一浸風呂就瞓覺啦!

here
續... 2012京、阪、神發花癲之行 (Day 3.1) @ 清水寺


2 則留言:

  1. 嘿 . . .如果個拉麵可以坐系櫻花鉄路上面食. . .
    [版主回覆04/21/2012 09:56:58]一啲都唔癲啊! 我都想呀!

    回覆刪除
  2. 最新北海道旅遊書免費等您攞!詳情請瀏覽:http://www.hotelsbbs.com/thread-760-1-1.html。

    p.s. 我地之前曾經係您Blog度留過言,但可能閣下太忙未見回覆。最近我地正在舉行一項推廣獎勵活動,有機會獲得最新北海道旅遊書,我地知您都係鍾意旅遊既人,所以將有關資訊提供俾您參考,如有打擾,敬請原諒。
    [版主回覆04/21/2012 16:24:45]多謝樓主嘅留言, 寫遊記只是為自己留個回憶,亦可令一些有心人一起分享自己嘅旅遊點滴, 本人對這些活動不大興趣,所以在此先謝謝啊!

    回覆刪除